[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 60.2-3 # Nirnayasindhu 60.2-3 Nirṇayasindhu 60.2-3 - **Language:** Sanskrit ### [60.2-3](https://indike.org/pramana/in.niti.dharma.nibandha.nirnaya.nirnayasindhu.60.2-3) ” kecitpiṇḍe tulasīmāhuḥ-“pitṛpiṇḍārcanaṃ śrāddhe yaiḥ kṛtaṃ tulasīdalaiḥ | prīṇitāḥ pitarastaistu yāvaccandrārkamedini ||” iti mārkaṇḍeyokteḥ dhūpastatraiva viṣṇudharme-“dhūpastu guggulurdeyastathā candanasārajaḥ | agaruśca sakarpūrasturuṣkastvak tathaiva ca ||” viṣṇuḥ-‘ghṛtamadhuyuktaṃ guggulaṃ śrīkhaṇḍadevadārusaralādi dadyāt’ iti || tatraiva devalaḥ-“ye hi prāṇyaṅgajā dhūpā hastavātāhatāśca ye | na te śrāddhe niyoktavyā ye ca kecogragandhayaḥ || ghṛtaṃ na kevalaṃ dadyādduṣṭaṃ vā tṛṇaguggulum ||” dīpamāha viṣṇuḥ-“ghṛtena dīpo dātavyastilatailena vā punaḥ | vasāmedodbhavaṃ dīpaṃ prayatnena vivarjayet ||” vastraṃ brāhme-“kauśeyaṃ kṣaumakārpāsaṃ dukūlamahataṃ tathā | śrāddheṣvetāni yo dadyātkāmānāpnoti cottamān ||” hemādrau brahmavaivartte-“yajñopavītaṃ dātavyaṃ vastrābhāve vijānatā | pitṛbhyo vastradānasya phalaṃ tenāśnute'khilam ||” tatraiva pādme- 'niṣkrayo vā yathāśakti vastrābhāve pradīyate |' anyānyapi ca deyāni śrāddhe deyavastunirṇayaḥ tatraiva kālikāpurāṇe-“dhātvādinirmitā ramyā dīpikāḥ śrāddhakarmaṇi | pitṝnuddiśya yo dadyātsa bhavedbhājanaṃ śriyaḥ || yo dhūpadānapātraṃ tu pātramārārtikasya ca | dadyātpitṛbhyaḥ prayatastasya svarge'kṣayā gatiḥ - [Previous: 60.2-2](https://indike.org/pramana/in.niti.dharma.nibandha.nirnaya.nirnayasindhu.60.2-2) - [Next: 60.2-4](https://indike.org/pramana/in.niti.dharma.nibandha.nirnaya.nirnayasindhu.60.2-4) - [Up: 60](https://indike.org/pramana/in.niti.dharma.nibandha.nirnaya.nirnayasindhu.60) ## Linked texts (2) - [Dharmasindhu](https://indike.org/pramana/in.niti.dharma.nibandha.krtya.dharmasindhu.p511) — Kāśīnātha Upādhyāya 1790, Sanskrit - [Dharmasindhusāra](https://indike.org/pramana/in.astro.siddhanta.karana.dharmasindhusara.p511) — Śivānanda Gosvāmin 1766, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.60.2-3](https://indike.org/pramana/in.niti.dharma.nibandha.nirnaya.nirnayasindhu.60.2-3) · Pramāṇa