[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 60.2-5 # Nirnayasindhu 60.2-5 Nirṇayasindhu 60.2-5 - **Language:** Sanskrit ### [60.2-5](https://indike.org/pramana/in.niti.dharma.nibandha.nirnaya.nirnayasindhu.60.2-5) ” hemādrāvādityapurāṇe-“na kṛṣṇavarṇaṃ dātavyaṃ nāpi kārpāsasaṃbhavam | pitṛbhyo nāpi malinaṃ nopayuktaṃ kadācana || na chidritaṃ nāpadaśaṃ na dhautaṃ kāruṇāpi ca ||” kārpāsaniṣedho'nyasaṃbhave || tatraiva-“pitṝn satkṛtya vāsobhirdadyādyajñopavītakam | yajñopavītadānena vinā śrāddhaṃ tu niṣphalam ||” etaccatrikhīśūdraśrāddhepi deyamiti hemādriḥ tatraiva nṛsiṃhapurāṇe- “kamaṇḍaluṃ tāmramayaṃ śrāddheṣu pradadāti yaḥ | kāṣṭhena nirmitaṃ vāpi nārikelamathāpi vā || dadyāt kamaṇḍaluṃ śrāddhe sa śrīmānabhijāyate | yo mṛttikāviracitān śrāddheṣu ca ghaṭān śubhān || pradadyātkarakānvāpi so'kṣayaṃ viṃdate sukham || 3||” tatraiva-“upānacchatravastrāṇi bhuktipātraṃ kamaṇḍalum | śayanāsanayānāni darpaṇavyajanāni ca || annaṃ susaṃskṛtaṃ gandhāṃstāmbūlaṃ dīpacāmaram | pitṛbhyo yaḥ prayacchettu viṣṇulokaṃ sa gacchati - [Previous: 60.2-4](https://indike.org/pramana/in.niti.dharma.nibandha.nirnaya.nirnayasindhu.60.2-4) - [Next: 60.5](https://indike.org/pramana/in.niti.dharma.nibandha.nirnaya.nirnayasindhu.60.5) - [Up: 60](https://indike.org/pramana/in.niti.dharma.nibandha.nirnaya.nirnayasindhu.60) --- Source: [https://indike.org/pramana/in.niti.dharma.nibandha.nirnaya.nirnayasindhu.60.2-5](https://indike.org/pramana/in.niti.dharma.nibandha.nirnaya.nirnayasindhu.60.2-5) · Pramāṇa