[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 61.2-3 # Nirnayasindhu 61.2-3 Nirṇayasindhu 61.2-3 - **Language:** Sanskrit ### [61.2-3](https://indike.org/pramana/in.niti.dharma.nibandha.nirnaya.nirnayasindhu.61.2-3) " iti || hemādrau tu kadalīpātraniṣedhamāhāṅgirāḥ- 'na jātīkusumāni dadyānna kadalīpātram' iti kratuḥ- "asurāṇāṃ kule jātā rambhā pūrvaparigrahe | tasya darśanamātreṇa nirāśā pitaro gatāḥ ||" evaṃ pātrāṇyāsādya bhasmamaryādāṃ kṛtvā viprahastaśodhanaṃ kuryāt || tatra 'piśaṅga' 'rakṣaṇo' iti mantradvayaṃ kecitpaṭhanti || mātsye- "akṛtvā bhasmamaryādāṃ yaḥ kuryātpāṇiśodhanam | āsuraṃ tadbhavecchrāddhaṃ pitṝṇāṃ nopatiṣṭhate ||" tatraiva brahmāṇḍe“prakṣālya hastapātrādi paścādadbhirvidhānavat | prakṣālanajalaṃ darbhaistilairmiśraṃ kṣipecchucau ||” maṇḍaloparīti hemādriḥ agnaukaraṇanirṇayaḥ athāgnaukaraṇam || hemādrau mārkaṇḍeyaḥ-“āhitāgnistu juhuyāddakṣiṇāgnau samāhitaḥ anāhitāgniścaupasade hyagnyabhāve dvijepsu vā” vāyavīye-“āhṛtya dakṣiṇāgniṃ tu homārthaṃ vai prayatnataḥ | agnyārthe laukike vāpi juhuyātkarmasiddhaye ||” āhitāgneḥ sarvādhānī ardhādhānī tu gṛhya eveti candrikāparārkamilākṣarāmādhavādayaḥ || tasyāpi dakṣiṇāgnau laukiko gṛhya iti hemādriḥ kalpataruśca || ādyapakṣa eva tu yukto bahusammataśca yadyapi smārtamagnaukaraṇaṃ śraute dakṣiṇāgnau na yuktaṃ tathāpi vacanādbhavatīti hemādicandrikādayaḥ || idaṃ darśaśrāddha eva || ābdikādiṣu tu sarvādhānī pāṇau ardhādhānī gṛhye kuryāditi hemādrimādhavādayaśca || “pakṣāntaṃ karma nirvartya vaiśvadevaṃ ca sāgnikaḥ | piṇḍayajñaṃ tataḥ kuryāttatonvāhāryakaṃ budhaḥ” iti laugākṣyādibhiḥ kramoktervihitadakṣiṇāgnisattvāt || ata evātra vacane sāgnika āhitāgnirukto hemādriṇā || etadāpastambādīnāmeva āśvalāyanasyāhitāgneḥ pāṇāveveti vṛttiḥ || ardhādhāninā gṛhye eva vyatiṣaṅgeṇeti prayogapārijāte pariśiṣṭe ca || bopadevastvāha homaśabdaḥ piṇḍapitṛyajñaparaḥ “pitṛyajñe tu juhuyāddakṣiṇāgnau samāhitaḥ | śrāddhe tvaupāsanāgnau tu niragnilaukike'nale anagnirrdūrabhāryyaśca pārvaṇe samupasthite | sandhāyāgniṃ tataḥ kuryāddhomamagniṃ samutsṛjet ||2||” iti trikāṇḍamaṇḍanokteḥ || śrāddhe gṛhyāgnāveveti laukikāgnyādividhānaṃ ca taittirīyādiviṣayam || bahvacasya tvagnerapi pāṇihoma eva, agnipāṇī vinā sūtre vidhānāntarā'nukteḥ ‘agnyabhāve tu viprasya pāṇāvevopapādayet’ iti manūkteśca || vṛttāvapyevam || kvacitsāgnerapi pāṇihoma ukto gṛhyapariśiṣṭe-“anvaṣṭakyaṃ ca pūrvedyurmāsimāsyatha pārvaṇam kāmyamabhyudaye'ṣṭamyāmekoddiṣṭamathāṣṭamam || caturṣvādyeṣu cāgnīnāṃ vahnau homo vidhīyate pitryabrāhmaṇahaste syāduttareṣu caturṣvapi - [Previous: 61.2-2](https://indike.org/pramana/in.niti.dharma.nibandha.nirnaya.nirnayasindhu.61.2-2) - [Next: 61.4.1](https://indike.org/pramana/in.niti.dharma.nibandha.nirnaya.nirnayasindhu.61.4.1) - [Up: 61](https://indike.org/pramana/in.niti.dharma.nibandha.nirnaya.nirnayasindhu.61) ## Linked texts (3) - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.16.p19) — Devaṇṇabhaṭṭa, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p65) — Divākarabhaṭṭa 1655, Sanskrit - [Śrāddhamañjarī (Bāpūbhaṭṭa Kelakāra)](https://indike.org/pramana/in.niti.dharma.sraddha.sraddhamanjari.4.1.8) — Bāpūbhaṭṭa Kelakāra 1785, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.61.2-3](https://indike.org/pramana/in.niti.dharma.nibandha.nirnaya.nirnayasindhu.61.2-3) · Pramāṇa