[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 61.2-5 # Nirnayasindhu 61.2-5 Nirṇayasindhu 61.2-5 - **Language:** Sanskrit ### [61.2-5.1](https://indike.org/pramana/in.niti.dharma.nibandha.nirnaya.nirnayasindhu.61.2-5.1) " tatonujñāto'gnīṃdhanādyājyabhāgānte yanme mātetyādyairjuhuyāt || tatra saptānnāhutayaḥ ṣaḍājyasyeti trayodaśa || vyatyayo vā || yathā- "yanme mātā pralulobha tanme retaḥ pitā vṛṅktāṃ, yāstiṣṭhantīti dvābhyāmamuṣmai svāheti piturnāmnā dvau homau || yanme pitāmahī pralulobha tanme retaḥ pitāmaho vṛṅktāmantardadhe iti tannāmnā pitāmahāya dvau || yanme prapitāmahī pralulobha tanme retaḥ prapitāmaho vṛṅktāmantardadhe ṛtubhiriti tannāmnā prapitāmahāya dvau ||" mātāmaheṣu tūhaḥ- "yanme mātāmahī pralulobha tanme reto mātāmahā vṛṃktām || anyaṃ mātāhāhṛdvamatyādau || yanme mātuḥ pitāmahī pralulobha tanme reto mātuḥ pitāmaho vṛṃktām || anyaṃ mātuḥ pitāmahādvṛddham | yanme mātuḥ prapitāmahī pralulobha tanme reto mātuḥ prapitāmaho vṛṃktām || anyaṃ mātuḥprapitāmahādvṛddham || sarvatrāpyamuuṣyā ityatra ṅentaṃ tannāma yojyam tadgṛhyasaṃgrahe- "yojyaḥ pitrādiśabdānāṃ sthāne mātāmahādikaḥ | annahome tathā sparśojalapiṇḍādidānake | yanme mātāmahītyādi tatrodāharaṇaṃ bhavet ||" tato ye ke cetyekānnāhutiḥ || tataḥ svāhā pitrye ityādyairājyaṃ hutvā sviṣṭakṛtaṃ hutvā sarvabhakṣyaṃ kiṃcidādāyodaguṣṇaṃ bhasmāpohya tatra tūṣṇīṃ svāhākāreṇa juhoti || pariṣecanāntaṃ sthālīpākavat || ayamagnaukaraṇahomo māsikaśrāddhe eva || 'tacca smārtāgnyabhāve na kāryam' kecit || kāryameveti bahavaḥ ata eva sarvādhānino homavarjyaṃ māsikaśrāddhamuktaṃ sudarśanabhāṣye || mahālaye tadvadityeke || prakaraṇāntaratvāt || karmāntaratvena smārtapārvaṇavatkāryam iti tvasmadguravaḥ ### [61.2-5.2](https://indike.org/pramana/in.niti.dharma.nibandha.nirnaya.nirnayasindhu.61.2-5.2) ābdikādiṣu tu smārtapārvaṇavidhireva || evaṃ mātṛvārṣikādiṣu || māsi śrāddhavikṛtāvaṣṭakāyāṃ mātṛśrāddhe vaikṛtahomena prākṛtahomabādhaḥ || 'anvaṣṭakāsu mātṛśrāddhaṃ na' iti bhāṣye || tatrāpi śrāddhāntaravat || kriyamāṇe tu yanme mātetyādau guṇatvepi mātṛprādhānyaṃ vivakṣitam | 'māsi śrāddhena kalpo vyākhyātaḥ' iti sūtrāt || 'āgneyyeva manītākāryam' iti vacanādagniśabdasyaiva vaikṛtadevatābhidhāyitvam || tenāmuṣyā ityatra 'amukaśarmabhyāṃ pitṛbhyām' ityāyūhaḥ kāryaḥ || tacca-'māsi śrāddhe jīvatpitrādīnāṃ vyutkramamṛtapitrādīnāṃ ca kāryam' ityuktaṃ sudarśanabhāṣye || tatprakārastu vakṣyate mātā pitrordvitvaudau tu nohāḥ || 'tasmādṛcaṃ nohet' iti niṣedhāt || prakṛtāvūnahābhāvācca patnī saṃnahyetivat || upadeśimate tūhaḥ || yathā-'yanme mātarau pralulobhatuścaratyāvananuvrate' ityādyasmatpitṛkṛtamāsikaśrāddhanirṇaye jñeyam | iti dik || anyat prāgvat atha pariveṣaṇam taccopavītyevājyena devapūrvam 'āmāsu pakvam' iti pātrāṇyupastīrya kuryāt iti hemādriḥ bhārate dānadharmepi- "ānyāhutiṃ vinā naiva yatkiñcitpariviṣyate | durācāraiśca yadbhuktaṃ taṃ bhāgaṃ rakṣasāṃ viduḥ ||" tatraiva śaunakaḥ-'vidhinā devapūrvaṃ tu pariveṣaṇamācaret ||' tatraiva dharmaḥ- 'phalasyānantatā proktā svayaṃ ca pariveṣaṇe ||' tatraiva vāyubhaviṣyayoḥ'bhāryayā śrāddhakāle tu praśastaṃ pariveṣaṇam brahmāṇḍe-"nāpavitreṇa naikena hastena na vinā kuśam | nāyasenāyaseneva śrāddhe tu pariveṣayet||” vasiṣṭhaḥ-"āyasena tu pātreṇa yadannaṃ saṃpradīyate | bhoktā viṣṭhāsamaṃ bhuṃkte dāta ### [61.2-5.3](https://indike.org/pramana/in.niti.dharma.nibandha.nirnaya.nirnayasindhu.61.2-5.3) ca narakaṃ vrajet ||” paiṭhīnasiḥ-'sīsakāyasarītīpātrāṇyayājñiyāni ||' tatraiva hārītaḥ"sauvarṇarājatābhyāṃ ca khaḍṅgenaudumbareṇa vā | dattamakṣayyatāṃ yāti phalgupātreṇa vā punaḥ kārṣṇājiniḥ- "darvyā deyaṃ ghṛtaṃ cānnaṃ samastavyañjanāni ca | udakaṃ caiva pakvānnaṃ no darvyā tu kadācana ||” yamaḥ - 'paṃktyāṃ viṣamadātṛśca niṣkṛtirnaiva vidyate |' pṛthvīcandrodaye parāśaraḥ- “sarvadā ca tilā grāhyāḥ pitṛkṛtye viśeṣataḥ | bhojyapātre tilān dṛṣṭvā nirāśāḥ pitaro gatāḥ ||” candrikāyāṃ vṛddhaśātātapaḥ- “hastadattāstu ye snehā lavaṇavyañjanādayaḥ | pitṛṇāṃ nopatiṣṭhanti bhoktā bhuñjīta kilviṣam ||” ghṛtapātre viśeṣo granthāntare- “odane paramānne ca pātramāsādya mugdhadhīḥ | ghṛtena pūrayetpātraṃ taddhṛtaṃ rudhiraṃ bhavet ||” ghṛtādipātrāṇi bhūmau sthāpayenna bhojanapātre iti madanaratne || saṃgrahe- “hastadattaṃ tu nāśnīyāllavaṇavyañjanādikam | apakvaṃ tailapakvaṃ ca hastenaiva pradīyate ||” pātrālambhanamuktaṃ caturviṃśatimate- “uttānaṃ dakṣiṇaṃ savyaṃ nīcapātrāṇyupaspṛśet yājñavalkyaḥ-dattvānnaṃ 'pṛthivīpātram' iti pātrābhimantraṇam | 'kṛtvedaṃ viṣṇurityante dvijāṅguṣṭhaṃ niveśayet ||' baudhāyanaḥ- 'viprāṅguṣṭhenānakhenānudiśati' "pṛthivī te pātraṃ dyaurapidhānaṃ brāhmaṇasya mukhe'mṛte'mṛtaṃ juhomi | brāhmaṇānāṃ tvavidyāvatāṃ “prāṇāpānayorjuhomyakṣatamasi mā me pitṝṇāṃ kṣeṣṭhā atrāsuṣmim̐lloke" iti || adya juhomyagre svāhāśabdaḥ kātīyasūtre uktaḥ || paitre svadhāśabdaḥ || aṃguṣṭhe viśeṣamāha hemādrau dhaumyaḥ- 'parivṛtya ### [61.2-5.4](https://indike.org/pramana/in.niti.dharma.nibandha.nirnaya.nirnayasindhu.61.2-5.4) navāṅguṣṭhaṃ dvijaḥ sthāne niveśayet ||' tathā 'uttānena tu hastena dvijāṅguṣṭhaniveśanam | yaḥ karoti dvijo mohāttadvai rakṣāṃsi bhuñjate ||" tatraiva yamaḥ- 'viṣṇorhavyaṃ ca kavyaṃ ca brūyādrakṣasva ca kramāt ||' daive pitrye cetyarthaḥ tatraivātriḥ- “sambandhanāmagotrāṇi idamannaṃ tataḥ svadhā | pitṛkramādudīryeti svasattāṃ vinivartayet || hastenābhuktamannādyamidamannamudīrayet ||” atra- 'annadāne caturthī syāt' ityādiviśeṣāḥ pūrvamuktāḥ śrāddhe annanivedanam atra pūrvoktamantrānte 'purūravārdravasaṃjñakā viśvedevā devatā idamannaṃ saparikaraṃ havyam ayaṃ brāhmaṇastvāāhavanīyārthe dattaṃ dāsyamānaṃ cātṛpteḥ | gayeyaṃbhūḥ gadādharo bhoktā idamannaṃ brahma sauvarṇapātrasthamannamakṣayyavaṭacchāyāstham amukebhyo viśvebhyo devebhya idamannamamṛtarūpaṃ pariviṣṭaṃ parivekṣyamāṇaṃ cātṛpteḥ svāhā namo na mama' iti bahucapariśiṣṭe hemādryādyanumataḥ prayogaḥ evaṃ pitrye amukagotravasurūpāditattannāma jñeyam || tato 'ye devāsa' iti daive, 'yeceha pitaraḥ' iti pitrye kecijjapanti || tato'cchidraṃ vācayet || tatraiva pracetāḥ" āpośānaṃkare vipre saṃkalpyācchidrabhāṣaṇāt | nirāśāḥ pitaro yānti devaiḥ saha na saṃśayaḥ ||” pāraskaraḥ- " saṃkalpya pitṛdevebhyaḥ sāvitrīmadhumajjapaḥ | śrāddhaṃ nivedyāpośānaṃ juṣa praiṣotha bhojanam ||" nivedyeti brahmārpaṇaṃ kṛtvetyarthaḥ || ata eva vṛhannāradīye annatyāgamuktvoktam 'dattaṃ haviśca tatkarma viṣṇave vai samarpayet' iti yattu kṛtyaratne kārṣṇājiniḥ- " apasavyena kartavyaṃ pitṛkṛtyamaśeṣataḥ | annadānādṛte sarvamevaṃ ### [61.2-5.5](https://indike.org/pramana/in.niti.dharma.nibandha.nirnaya.nirnayasindhu.61.2-5.5) mātāmaheṣvapi ||” tanna-'brahmārpaṇaṃ brahmahaviḥ' 'harirdātā harirbhoktā 'caturbhiṃśca' iti kecitpaṭhanti dharmapradīpe- " tatonnaṃ pitṛdevebhyaḥ saṃkalpya ca yathāvidhi | dattaṃ yaddhāsyamānaṃ ca ātṛpterna mameti ca ||” tathā- " śrāddhīyānnasya saṃkalpo bhūmāveva pradīyate | hasteṣu dīyamānaṃ tu pitṛṇāṃ nopatiṣṭhate || vaiśvadevasya vāme tu pitṛpātrasya dakṣiṇe | saṃkalpodakadānaṃ syānnityaśrāddhe yathāruci ## Linked texts (3) - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p67) — Divākarabhaṭṭa 1655, Sanskrit - [Dharmasindhu](https://indike.org/pramana/in.niti.dharma.nibandha.krtya.dharmasindhu.p520.2) — Kāśīnātha Upādhyāya 1790, Sanskrit - [Dharmasindhusāra](https://indike.org/pramana/in.astro.siddhanta.karana.dharmasindhusara.p520.2) — Śivānanda Gosvāmin 1766, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.61.2-5](https://indike.org/pramana/in.niti.dharma.nibandha.nirnaya.nirnayasindhu.61.2-5) · Pramāṇa