[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 61.2-7 # Nirnayasindhu 61.2-7 Nirṇayasindhu 61.2-7 - **Language:** Sanskrit ### [61.2-7](https://indike.org/pramana/in.niti.dharma.nibandha.nirnaya.nirnayasindhu.61.2-7) " yājñavalkyaḥ - " savyāhṛtikāṃ gāyatrīṃ madhuvātā iti tṛcam | japtvā yathāsukhaṃ vācyaṃ bhuñjīraṃstopi vāgyatā" yathāsukhaṃ juṣadhvamiti vācyam śrāddhe bhojananiyamaḥ atriḥ-“asaṃkalpitamannādyaṃ pāṇibhyāṃ yadyupaspṛśet | abhojyaṃ tadbhavedannaṃ pitṛṇāṃ nopatiṣṭhate || annaṃ dattaṃ na gṛhṇīyādyāvattoyaṃ na saṃpibet ||” āpośāne viśeṣamāha smṛtisamuccaye-“āpośānaṃ vāmabhāge surāpānasamaṃ bhavet | dakṣabhāge tu yaḥ kuryātsomapānasamaṃ bhavet ||” tathā-'punarāpūryyāpośānaṃ surāpānasamaṃ bhavet ||” hemādrāvatriḥ-“datte vāpyathavā datte bhūmau yo nikṣipedbalim | tadannaṃ niṣphalaṃ yāti nirāśaiḥ pitṛbhirgataiḥ ||” kecidājyena kurvanti | tanna || pāyasena tathājyena bhāṣānnena tathaiva ca | na kuryādbalidānaṃ tu odanena prakalpayet ||” iti smṛtisāre niṣedhāt || śaṅkhaḥ-“śrāddhe niyuktān bhuñjānānna pṛcchelavaṇādiṣu | ucchiṣṭāḥ pitaro yānti pṛcchato nātra saṃśayaḥ ||” kātyāyanaḥ- 'aśravatsu japetsavyāhṛtikāṃ gāyatrīṃ sakṛt trivīṃ rakṣoghnīḥ pauruṣaṃ sūktamapratiratham' iti || hemādrau saurapurāṇe-'aindraṃ ca pauruṣaṃ sūktaṃ śrāvayedbrāhmaṇāṃstataḥ ||' mātsyapādmayoḥ-“brahmaviṣṇvarkarudrāṇāṃ stotrāṇi vividhāni ca | indreśasomasūktāni pāvamānīśca śaktitaḥ || maṇḍalaṃ brāhmaṇaṃ tadvatprītakāri ca yatpunaḥ | abhāve sarvavidyānāṃ gāyatrījapamācaret - [Previous: 61.2-6](https://indike.org/pramana/in.niti.dharma.nibandha.nirnaya.nirnayasindhu.61.2-6) - [Next: 61.4-2](https://indike.org/pramana/in.niti.dharma.nibandha.nirnaya.nirnayasindhu.61.4-2) - [Up: 61](https://indike.org/pramana/in.niti.dharma.nibandha.nirnaya.nirnayasindhu.61) ## Linked texts (1) - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p72) — Divākarabhaṭṭa 1655, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.61.2-7](https://indike.org/pramana/in.niti.dharma.nibandha.nirnaya.nirnayasindhu.61.2-7) · Pramāṇa