[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 61.2-8 # Nirnayasindhu 61.2-8 Nirṇayasindhu 61.2-8 - **Language:** Sanskrit ### [61.2-8](https://indike.org/pramana/in.niti.dharma.nibandha.nirnaya.nirnayasindhu.61.2-8) ” jābāliḥ-iṣṭamuṣṇaṃ haviṣyaṃ ca dadyādannaṃ śanaiḥ śanaiḥ || vṛddhaśātātapaḥ-apekṣitaṃ yācitavyaṃ śrāddhārthamupakalpitam na yācate dvijo mūḍhaḥ sa bhavet pitṛghātakaḥ ||' yattu yamaḥ-‘śrāddhe dvijo naiva dadyānna yācennaiva dāpayet’ iti tadasampāditavastuviṣayamitiḥ hemādriḥ hārītaḥ-“ūrdhvapāṇiśca vihasan saṃkrodho vismayānvitaḥ | bhugnapṛṣṭhaśca yadbhuṃkte na tatprīṇāti vai pitṝn !!” pracetāḥ-“na spṛśedāmahastena bhuñjānonnaṃ kadācana | na pādau na śiro vasti na padā bhājanaṃ spṛśet !!” śaṅkhaḥ-“śrāddhapaṅktau tu bhuñjāno brāhmaṇo brāhmaṇaṃ spṛśet tadannamatyajan bhuktvā gāyatryaṣṭaśataṃ japetḥ!!” uśanāḥ-“bhojanaṃ tu niḥśeṣaṃ kuryātprājñaḥ kathaṃcana | anyatra dadhnaḥ kṣīrādvā kṣaudrātsaktubhya eva ca !!” brāhme-‘na cāśrupātayejjātu na śuṣkāṃ giramīrayet | na codvīkṣeta bhuñjānān ca kurvīta matsaram ||' yamaḥ‘svādhyāyaṃ śrāvayetsamyagdharmaśāstrāṇi caiva hi ||' pracetāḥ-“bhuñjāneṣu tu vipreṣu ṛgyajuḥsāmalakṣaṇam | japedabhimukho bhūtvā pitryaṃ caiva viśeṣataḥ || yajūṃṣi caiva rudraṃ ca rakṣoghnīrṛca eva ca ||” rakṣoghnīḥ kṛṇuṣva rakṣohaṇamityādyāḥ || tatraiva nigamaḥ- 'bhuñjatsu japet pāvamānīrudīratāmadhvannavatīśca ||' annavatyaḥ pituṃnustoṣamiti || pṛthvīcandrodayeḥ bharadvājaḥ-“bhuñjāneṣu vipreṣu pramādātstravate gudam | pādakṛcchraṃ tataḥ kṛtvā anyaṃ vipraṃ niyojayet ||” kṣaṇapādyādisattvā ityarthaḥ || vipravamane tatraiva dakṣaḥ- “nimantritastu yaḥ śrāddhe bhojane mukhaniḥsṛte tadaiva homaṃ kurvīta svāgnau vipraḥ samāhitaḥ || prāṇādipañcabhirmantrairyāvadvātriṃśasaṃkhyayā brāhmaṇastu tataḥ kṛtvā ghṛtaprāśanamācaret - [Previous: 61.4-2](https://indike.org/pramana/in.niti.dharma.nibandha.nirnaya.nirnayasindhu.61.4-2) - [Next: 61.1](https://indike.org/pramana/in.niti.dharma.nibandha.nirnaya.nirnayasindhu.61.1) - [Up: 61](https://indike.org/pramana/in.niti.dharma.nibandha.nirnaya.nirnayasindhu.61) ## Linked texts (3) - [Dharmasindhu](https://indike.org/pramana/in.niti.dharma.nibandha.krtya.dharmasindhu.p520.6) — Kāśīnātha Upādhyāya 1790, Sanskrit - [Dharmasindhusāra](https://indike.org/pramana/in.astro.siddhanta.karana.dharmasindhusara.p520.6) — Śivānanda Gosvāmin 1766, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p73) — Divākarabhaṭṭa 1655, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.61.2-8](https://indike.org/pramana/in.niti.dharma.nibandha.nirnaya.nirnayasindhu.61.2-8) · Pramāṇa