[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 62.2-2 # Nirnayasindhu 62.2-2 Nirṇayasindhu 62.2-2 - **Language:** Sanskrit ### [62.2-2](https://indike.org/pramana/in.niti.dharma.nibandha.nirnaya.nirnayasindhu.62.2-2) ” ityāhuḥ || kalikāyāmācāryaḥ- “yatra syurbahavaḥ piṇḍāstatra bilvaphalopamāḥ | yatra caiko bhavetpiṇḍastatra kharjūrasannibhaḥ || pretapiṇḍastu dairyeṇa dvādaśāṃgula ucyate" iti vāyavīye-'patnī piṇḍāṃstu mṛdgīyāttrivargasya sahāyinī ||' hemādrau laugākṣiḥ-“mahālaye gayāyāṃ ca pretaśrāddhe daśāddike | piṇḍaśabdaprayogaḥ syādādannamanyatra kīrtayet ||” śāṭhyāyaniḥ-'asāvetatta ityuktvā tadante ca svadhā namaḥ |' asāvityatra sambandharūpagotrādiviśiṣṭaṃ pitrādināma sambuddhyantamuktvā punaścaturthyantaṃ tadante'yaṃ piṇḍa idamannaṃ vā svadhā namo na mameti vadediti hemādriḥ piṇḍadānanirṇayaḥ pitrādināmājñāne tvāpastambaḥ-'yadi nāmāni na vindyātsvadhāpitṛbhyaḥ pṛthivīdiviṣadbhya iti piṇḍaṃ dadyāt, svadhāpitṛbhyontarikṣasadbhya iti dvitīyam' svadhāpitṛbhyo diviṣadbhya iti tṛtīyam, evaṃ mātāmaheṣu mātṛṣu ca' || bahvacānāṃ tūktaṃ prāk || kalikāyāṃ smṛtiḥ-'yāvaddevoccarenmantraṃ tāvatprāṇaṃ nirodhayet ||' yeṣāṃ tu gṛhyokte darśa śrāddhaṃ pṛthaguktaṃ teṣāṃ pitṛbhyaḥ paścime mātṛbhyastatpaścime mātāmahebhyaḥ piṇḍādi deyamiti sāṃkhyāyanaḥ ‘asminpakṣe tatpaścime mātāmahībhyopi dadyāt' iti hemādriḥ || 'pūrvāsu pitṛbhyopi dadyādaparāsu strībhyaḥ' iti sūtrācca || evaṃ yatra tīrthamahāālayādau-'kecidicchanti nārīṇāṃ pṛthakśrāddhaṃ maharṣayaḥ' iti caturviṃśatimatātū 'pitrādi navadaivatyaṃ tathā dvādaśadaivatam' ityagnipurāṇācca mātṝṇāṃ pṛthaguktam || yatra vā “ācāryyaguruśiṣyebhyaḥ sakhijñātibhya eva ca | tatpatnībhyaśca sarvābhyastathaiva ca jalāñjalīn || piṇḍāṃstebhyaḥ sadā dadyātpṛthagbhādrapade naraḥ | tīrtheṣu caiva sarveṣu māghamāse maghāsu ca ” - [Previous: 62.2.6](https://indike.org/pramana/in.niti.dharma.nibandha.nirnaya.nirnayasindhu.62.2.6) - [Next: 62.3](https://indike.org/pramana/in.niti.dharma.nibandha.nirnaya.nirnayasindhu.62.3) - [Up: 62](https://indike.org/pramana/in.niti.dharma.nibandha.nirnaya.nirnayasindhu.62) ## Linked texts (1) - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.115.10) — Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.62.2-2](https://indike.org/pramana/in.niti.dharma.nibandha.nirnaya.nirnayasindhu.62.2-2) · Pramāṇa