[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 62.2-3 # Nirnayasindhu 62.2-3 Nirṇayasindhu 62.2-3 - **Language:** Sanskrit ### [62.2-3](https://indike.org/pramana/in.niti.dharma.nibandha.nirnaya.nirnayasindhu.62.2-3) ” vyāghraḥ “adbhiḥ prakṣālya tatpātraṃ tatpiṇḍaṃ prati pūrvavat | kṛtvāvanejanaṃ kuryātpiṇḍapātramadhomukham ||” etatkātīyādīnām || ācāryaḥ- 'tataḥ samyag dvirācamya nīvīṃ visrasya vāgyataḥ ||' āśvalāyanaḥ-‘asāvabhyaṃkṣvāsāvaṃkṣyeti piṇḍeṣvabhyañjane vāso dadyāddaśāmūrṇāstukāṃ vā pañcāśadvarṣatāyā ūrdhvaṃ svalomaitadvaḥ pitaro vāso mānotonvat pitaro yuṅgdhvam' iti || śrāddhacintāmaṇau brāhme-“etadvaḥ pitaro vāsastviti jalpanapṛthak pṛthak | amukāmukagotraitattubhyaṃ vāsaḥ paṭhedbudhaḥ ||” idaṃ kātīyānām ||' etadvā iti sūtrāṇi pratipiṇḍam' iti tatsūtrāt hemādrau brāhme-“śraiṣṭhamāhustraikakudamañjanaṃ nityameva hi | tailaṃ kṛṣṇatilebhyaśca dadyādbhyañjanaṃ hitam ||” traikakudaṃ suramā iti prasiddham || añjanaprāthamyamāpastambādiviṣayam || tatraiva vyāghraḥ- “gandhapuṣpāṇi dhūpaṃ ca dīpaṃ ca vinivedayet ||” devalaḥ“dakṣiṇāṃ sarvabhogāṃśca pratipiṇḍaṃ pradāpayet | bhakṣyāṇyapūpānikṣūṃśca vyañjanānyaśanāni ca ||” tatraiva śaṅkhaḥ-“yatkiṃcitpacyate gehe bhakṣyaṃ bhojyamagarhitam | anivedya na bhoktavyaṃ piṇḍamūle kathañcana ||" etatsavyeneti kecit || yuktaṃ tvapasavyena || manuḥ' avājighrecca tāna piṇḍān yathānyuptān samāhitaḥ |' tato 'namo vaḥ pitara, iṣe' ityādinopasthānam || mātsye-" athācānteṣu cācamya vāri dadyātsakṛtsakṛt | tilapuṣpākṣatān paścādakṣayyodakameva ca ||" atra daive savyaṃ pitrye tvapasavyāmati karkaḥ paribhāṣoktavacanātsavyamiti yuktam || atra śivā āpaḥ santu | saumanasyamastvityādiprayogo jñeyaḥ || mātsye-“ dattvāśīḥ pratigṛhṇīyādvijebhyaḥ prāṅmukho budhaḥ | aghorāḥ pitaraḥ santu sānvityakte punardvijaiḥ || gotraṃ tathā vardhatāṃ nastathetyuktaḥ sa taiḥ punaḥ dātāro no'bhivardhantāmannaṃ caivetyudīrayet || svastivācanakaṃ kuryātpiṇḍānuddhṛtya bhaktitaḥ - [Previous: 62.3](https://indike.org/pramana/in.niti.dharma.nibandha.nirnaya.nirnayasindhu.62.3) - [Next: 62.3-2](https://indike.org/pramana/in.niti.dharma.nibandha.nirnaya.nirnayasindhu.62.3-2) - [Up: 62](https://indike.org/pramana/in.niti.dharma.nibandha.nirnaya.nirnayasindhu.62) ## Linked texts (2) - [Matsyapurāṇa](https://indike.org/pramana/in.purana.matsya.17.53) — Vyāsa, Sanskrit - [Āśvalāyanaśrautasūtra (ed. Rāmanārāyaṇa Vidyāratna, Calcutta)](https://indike.org/pramana/in.vedanga.kalpa.srauta.asvalayana*vidyaratna.0-20.6) — Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.62.2-3](https://indike.org/pramana/in.niti.dharma.nibandha.nirnaya.nirnayasindhu.62.2-3) · Pramāṇa