[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 62.3-2 # Nirnayasindhu 62.3-2 Nirṇayasindhu 62.3-2 - **Language:** Sanskrit ### [62.3-2](https://indike.org/pramana/in.niti.dharma.nibandha.nirnaya.nirnayasindhu.62.3-2) ” svastivācanātprāk pātracālanaṃ kāryam || hemādrau bṛhaspatiḥ“bhājaneṣu ca tiṣṭhatsu svasti kurvanti ye dvijāḥ | tadannamasurairbhuktaṃ nirāśaḥ pitṛbhirgataiḥ ||” jātūkarṇyaḥ-“ pātrāṇi cālayecchāddhe svayaṃ śiṣyothavā sutaḥ| na strībhirna ca bālena nāsajātyā kathaṃcana ||” yājñavalkyaḥ-‘ svastivācyaṃ tataḥ kuryādakṣayyodakameva ca |' tatraiva vṛddhaśātātapaḥ-“ pitṝṇāṃ nāmagotreṇa kare deyaṃ tilodakam pratyekaṃ pitṛtīrthena akṣayyamidamastviti ||” atra ṣaṣṭhī prāguktā || tatraiva nāgarakhaṇḍe-“ uttānamarghyapātraṃ tu kṛtvā dattvā ca dakṣiṇām | hiraṇyaṃ devatānāṃ ca pitṝṇāṃ rajataṃ tathā ||” bṛhaspatiḥ-“ tasmātpaṇaṃ kākiṇīṃ vā | phalapuṣpamathāpi vā | pradadyādkṣiṇāṃ yajñe tayā sa saphalo bhavet ||” atra pituruddeśena dakṣiṇādāne apasavyaṃ, viproddeśena savyamiti mādhavaḥ kalikāyāmācāryaḥ- ' dadyādyajñopavītyeva tāmbūlaṃ dakṣiṇāṃ tathā ||' atriḥ- ' vadecca tāṃstato viprān pitrādibhyaḥ svadhocyatām || ' gobhilaḥ-' aghorāḥ pitaraḥ santvityukte svadhāṃ vācayiṣya iti pṛcchīta pitṛbhyaḥ svadhocyatāmityukte'stu svadhetyucyamāne dhārāṃ dadyādūrjaṃvahantī' iti || āpastambena tu - 'putrān pautrānābhitarpayanti' ityāpi pariṣecane mantra uktaḥ āśvalāyanaḥ- ' athaitān pravāhayet || paretana pitaraḥ somyāso gambhīrebhiḥ pathibhiḥ pūrviṇebhiḥ || dattvāyāsmabhyaṃ draviṇeha bhadraṃ rayiṃ ca naḥ sarvavīraṃ niyacchata' iti mātsye-' vāje vāje, iti japan kuśāgreṇa visarjayet ||' pracetāḥ- ' svasti vācyaṃ tataḥ kṛtvā pitṛpūrva visarjayet || ' āśvalāyanaḥ- ' annaṃ prakīryopavītyā oṃ svadheti visṛjedastu svadheti vā ||' brahmavaivarte-“ āmāvājeti mantraṃ tu paṭhitvā ca pradakṣiṇām | dvāropānte tataḥ kṛtvā saṃyataḥ praviśedgṛham || prāñjaliñca tataḥ prāha tān viprānsatyavādinaḥ | dātāro nobhivardhantāmannaṃ ca na iti vaditvi || evamastviti te taṃ ca kathayanti samāhitāḥ - [Previous: 62.2-3](https://indike.org/pramana/in.niti.dharma.nibandha.nirnaya.nirnayasindhu.62.2-3) - [Next: 62.2-4](https://indike.org/pramana/in.niti.dharma.nibandha.nirnaya.nirnayasindhu.62.2-4) - [Up: 62](https://indike.org/pramana/in.niti.dharma.nibandha.nirnaya.nirnayasindhu.62) ## Linked texts (2) - [Skandamahāpurāṇa (vulgate)](https://indike.org/pramana/in.purana.skanda*vulgate.5.223.43) — Sanskrit - [Jātūkarṇyasmṛti (fragments)](https://indike.org/pramana/in.niti.dharma.uddhrta.jatukarnya*fragments.1.7) — Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.62.3-2](https://indike.org/pramana/in.niti.dharma.nibandha.nirnaya.nirnayasindhu.62.3-2) · Pramāṇa