[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 62.3-3 # Nirnayasindhu 62.3-3 Nirṇayasindhu 62.3-3 - **Language:** Sanskrit ### [62.3-3](https://indike.org/pramana/in.niti.dharma.nibandha.nirnaya.nirnayasindhu.62.3-3) ' pracetāḥ-‘visṛjedbhaktitaṃyuktaḥ sīmānte cāpyanuvrajet' hemādrau brahmāṇḍe-“ piṇḍamagnau sadā dadyādbhogārthī prathamaṃ naraḥ | patnyai prajāthīṃ dadyādvai madhyamaṃ mantrapūrvakam || uttamāṃ gatimanvicchan goṣu nityaṃ prayacchati | prajāṃ prajñāṃ yaśaḥ kīrtimapsu piṇḍaṃ praveśayet || prārthayan dīrghamāyuṣyaṃ vāyasebhyaḥ prayacchati | ākāśaṃ gamayedapsu sthito vā dakṣiṇāmukhaḥ ### [62.3-3.p1](https://indike.org/pramana/in.niti.dharma.nibandha.nirnaya.nirnayasindhu.62.3-3.p1) '' āśvalāyanaḥ- 'vīraṃ me datta pitaraḥ' iti piṇḍānāṃ madhyamaṃ patnīṃ prāśayet || ' ādhatta pitaro garbha kumāraṃ puṣkarasrajam yathā yamarapā asat ' iti bhartrā dattasyādyenādāya dvitīyena prāśanam piṇḍopaghātaprāyaścittanirṇayaḥ bopadevopyevamāha-'dināntare tu prājāpatyamātram ||' śeṣapratipattitvena piṇḍāvṛttau mānābhāvāditi maithilāḥ || tanna || sapiṇḍīkaraṇādau śeṣanāśe saṃyojanādilopāpatteḥ || tena vacanādvamana ivātrāpi tanmātrapiṇḍadānāvṛttiḥ || ataeva-'na ca naktaṃ śrāddhaṃ kurvītārabdhe vā bhojanasamāpanāt' ityāpastambasūtram || rātrau bhojanamātraṃ pūrvedyuḥ kāryam || śrāddha samāptistu paradine eva | samāptiparyantaṃ karturupavāsaśceti haridattena vyākhyātam tasmāt pākāntareṇa piṇḍadānamātraṃ kāryam atha piṇḍaniṣiddhakālaḥ sa ca prāyeṇa mahālayādinirṇaye pūrvamuktaḥ || hemādrau bṛhatpārāśaraḥ-“yugādiṣu maghāyāṃ ca viṣuvatyayane tathā || bharaṇīṣu ca kurvīta piṇḍanirvapaṇaṃ na hi ||” smṛtiratnāvalyām-“putre jāte vyatīpāte grahaṇe candrasūryayoḥ | śrāddhaṃ kuryāt prayatnena piṇḍanirvaparṇādṛte ||” tatraiva kātyāyanaḥ-“vṛddheranantaraṃ caiva yāvanmāsaḥ samāpyate tāvat piṇḍānnaiva dadyānna kuryāttilatarpaṇam ||” baudhāyanaḥ-'saṃskāreṣu tathānyeṣu māsaṃ māsārdhameva ca ||' tathā-“bhānau bhaume trayodaśyāṃ nandābhṛgumaghāsu ca | piṇḍadānaṃ mṛdā snānaṃ na kuryāttilatarpaṇam ||” tristhalīsetau kārṣṇājiniḥ- 'vivāhavratacūḍāsu varṣamardhaṃ tadardhakam || uttarāṅgaṃ prāgvat "vṛddhimātre tathānyatra piṇḍadānanirākriyā | kṛtā gargādibhirmukhyairmāsamekaṃ tu karmaṇām||" hemādrau jyotiḥparāśaraḥ- "vivāhe vihite māsāṃstyajeyuddvādaśaiva hi | sapiṇḍāḥ piṇḍanirvāpaṃ mauñjībandhe ṣaḍeva hi ||" tatraiva- "mahālaye gayāśrāddhe mātāpitroḥ kṣaye'hani yasya kasyāpi martyasya sapiṇḍīkaraṇe tathā || kṛtodvāhopi kurvīta piṇḍanirvapaṇaṃ sadā' iti || 'mātā pitroriti kṣayāhaviśeṣaṇam havirubhayatavadvivakṣitam || tena bhrātṛpitṛvyādivārṣikepi piṇḍadānaṃ kāryam' iti kecit || sapiṇḍīkaraṇaṃ navaśrāddhaṣoḍaśaśrāddhopalakṣaṇārthamiti nirṇayāmṛta uktam kṣayāhe viśeṣaḥ saṃgrahe- "mātā pitrorābdikè tu vivāhādiṣu sarvadā | tilaiḥ piṇḍāḥ pradātavyā tvanyaśrāddhe vivarjayet ||" atra mūlaṃ cintyam || rāmakautuke- "nandāśvakāmaraṇvārabhṛgvagniritṛkālabhe | gaṇḍavaidhṛtipāte ca piṇḍāstyājyāḥ sutepsubhiḥ ||" viśvarūpanibandhe- "tithivāraprayukto yo doṣo vai samudāhṛtaḥ | sa śrāddhe tannimitte syānnānyaśrāddhe kadācana ||" anyattūktaṃ prāk ucchiṣṭodvāsanamāha hemādrau vasiṣṭhaḥ- "śrāddhe nodvāsanīyāni hyucchiṣṭānyādinakṣayāt icyotante vai sudhādhārāstāḥ pibantyakṛtodakāḥ ||" vyāsaḥ- 'ucchiṣṭaṃ na pramṛjyāttu yāvannāstamito raviḥ ||' idaṃ gṛhāntarasattve || etadgṛhe tu manuḥ- "uccheṣaṇaṃ tu tattiṣṭhedyāvadviprā visarjitāḥ | tato gṛhavaliḥ kuryāditi dharmo vyavasthitaḥ ||" baliṃ vaiśvadevādi nityakarmeti medhātithiḥ || brahmāṇḍe-'śūdrāya cānupeta़āya śrāddhocchiṣṭaṃ na dāpayet||' tathā-'kāmaṃ dadyānna sarvaṃ tu śiṣyāya ca sutāya ca ||' bhoktariti śeṣaḥ || jātūkarṇyaḥ'dvijabhuktāvaśiṣṭaṃ tu śucibhūmau nikhānayet ||' ## Linked texts (6) - [Vāyupurāṇa](https://indike.org/pramana/in.purana.vayu.2.14.34) — Vyāsa, Sanskrit - [Kārṣṇājinismṛti (fragments)](https://indike.org/pramana/in.niti.dharma.uddhrta.karsnajinismrti*fragments.1.10) — Sanskrit - [Ācāraratna (Maṇirāma)](https://indike.org/pramana/in.niti.dharma.acara.bhatta.acararatna.18.66-2) — Maṇirāma 1630, Sanskrit - [Anūpavilāsa](https://indike.org/pramana/in.niti.dharma.nibandha.mahanibandha.anupavilasa.18.66-2) — Maṇirāma 1665, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p78) — Divākarabhaṭṭa 1655, Sanskrit - [Śrāddhamañjarī (Bāpūbhaṭṭa Kelakāra)](https://indike.org/pramana/in.niti.dharma.sraddha.sraddhamanjari.4.1.p1.12) — Bāpūbhaṭṭa Kelakāra 1785, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.62.3-3](https://indike.org/pramana/in.niti.dharma.nibandha.nirnaya.nirnayasindhu.62.3-3) · Pramāṇa