[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 62.3 # Nirnayasindhu 62.3 Nirṇayasindhu 62.3 - **Language:** Sanskrit ### [62.3](https://indike.org/pramana/in.niti.dharma.nibandha.nirnaya.nirnayasindhu.62.3) iti caturviṃśatimate-“dauhitraputradārāśca ekaniṣṭhāḥ sahodarāḥ | niḥsantānā mṛtā ye ca tebhyopyatra pradīyate” iti bhaviṣye ekoddiṣṭānyuktāni tatrāpi tatpaścime piṇḍadānaṃ jñeyam || yeṣāṃ na pṛthak taiḥ sapatnīkāḥ pitrādayo vācyāḥ | 'anvaṣṭakāgayāmātṛśrāddhaṃ caiva mṛte'hani | ekoddiṣṭaṃ tathā muktvā strīṣu nānyatpṛthagbhavet ” iti śaṅkhokteśca manuḥ-‘teṣu darbheṣu taṃ hastaṃ nimṛjyellepabhāginām ||' hastalepābhāvepi hastaṃ nimṛjyādeveti medhātithiḥ || viṣṇuḥ-‘atra pitaro mādayadhvamiti darbhamūle karāvagharṣaṇam ||' kalikāyāṃ sumantuḥ-“ekoddiṣṭeṣu varṣāsu darbhalepo na vidyate | sapiṇḍīkaraṇādau tu lepaḥ sarvatra śasyate” manuḥ-“ācamyodaṅmukhāvṛttya trirācamya śanairasūnū | ṣaḍṛtūṃśca namaskuryāt pitṛneva ca mantravat || udakaṃ ninayeccheṣaṃ śanaiḥ piṇḍāntike punaḥ ||” triḥ prāṇāyāmaṃ kṛtveti medhātithiḥ || amantraṃ prāṇānnirundhyeti karkādyāḥ || mantravat ‘vasantāya namaḥ namo vaḥ pitaraḥ' ityādibhiḥ || śeṣaṃ pūrvāvanayanaśeṣam āśvalāyanaḥ-“niṣṛptānanumantrayetātra pitaro mādayadhvaṃ yathābhāgamāvṛṣāyadhvamiti savyāvṛdudaṅāvṛtya yathāśakti prāṇānnāsitvā'bhiparyāvṛttyā'mīmadanta pitaro yathābhāgamāvṛṣāyiṣateti caroḥ prāṇabhakṣyaṃ bhakṣayennityaṃ ninayanam” iti || nityagrahaṇaṃ śeṣābhāvepi kuryādityarthaḥ || śaunakaḥ-“athaiṣāmatra pitara ityādyenānumantraṇam | amīmadantetyādyena mantreṇāpyanumantrya tān || piṇḍaśiṣṭacarorannaṃ kiñcidāghrāya tattyajet | prakṣālyācamya śundhantāmityādyaireva pūrvavat || mantraiḥ piṇḍeṣu pānīyaṃ niṣiñcet pitṛtīrthataḥ - [Previous: 62.2-2](https://indike.org/pramana/in.niti.dharma.nibandha.nirnaya.nirnayasindhu.62.2-2) - [Next: 62.2-3](https://indike.org/pramana/in.niti.dharma.nibandha.nirnaya.nirnayasindhu.62.2-3) - [Up: 62](https://indike.org/pramana/in.niti.dharma.nibandha.nirnaya.nirnayasindhu.62) ## Linked texts (8) - [Vāyupurāṇa](https://indike.org/pramana/in.purana.vayu.2.14.34) — Vyāsa, Sanskrit - [Matsyapurāṇa](https://indike.org/pramana/in.purana.matsya.17.53) — Vyāsa, Sanskrit - [Kūrmapurāṇa](https://indike.org/pramana/in.purana.kurma.2.22.53) — Vyāsa, Sanskrit - [Āśvalāyanaśrautasūtra (ed. Rāmanārāyaṇa Vidyāratna, Calcutta)](https://indike.org/pramana/in.vedanga.kalpa.srauta.asvalayana*vidyaratna.0-20.1) — Sanskrit - [Mānava Dharmaśāstra](https://indike.org/pramana/in.niti.dharma.manu.3.217) — Manu & Bhṛgu, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.5.p69) — Govindānanda 1500, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p78) — Divākarabhaṭṭa 1655, Sanskrit - [Śrāddhamañjarī (Bāpūbhaṭṭa Kelakāra)](https://indike.org/pramana/in.niti.dharma.sraddha.sraddhamanjari.4.1.p1.12) — Bāpūbhaṭṭa Kelakāra 1785, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.62.3](https://indike.org/pramana/in.niti.dharma.nibandha.nirnaya.nirnayasindhu.62.3) · Pramāṇa