[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 69.4 # Nirnayasindhu 69.4 Nirṇayasindhu 69.4 - **Language:** Sanskrit ### [69.4](https://indike.org/pramana/in.niti.dharma.nibandha.nirnaya.nirnayasindhu.69.4) " iti || tithibhede tu vārṣikaṃ pṛthageva tathā vārṣike samāsavidhānādanyatra sarvatra pṛthaktve prāpte navaśrāddhameva pṛthagiti parisaṃkhyayānyatra pṛthagukteṣvapi vārṣikaṣoḍaśaśrāddhatīrthasapiṇḍānvaṣṭakyādiṣu samāsa eveti madanapārijātanirṇayāmṛtādayaḥ || ataḥ samāsavidhivalāt jyeṣṭhaputrasya kartṛtve sapatnamāturanvārohaṇe tatputre satyapi tadvārṣikādikamavibhaktaḥ sāpattraputra eva jyeṣṭhaḥ kuryāt, na aurasaḥ || vakṣyamāṇapṛthvīcandrādimate tu aurasa eva mātuḥ pṛthakkuryāt || evaṃ bahīṣvapi mātṛṣu jñeyam tristhalīsetau pitāmahacaraṇairapyevamuktam || yattu gārgyaḥ- "ekacityāṃ samārūḍhau daṃpatī nidhanaṃ gatau | pṛthakśrāddhaṃ tayoḥ kuryādodanaṃ ca pṛthakpṛthak ||" odanaṃ piṇḍaḥ tannavaśrāddhaviṣayam || yattu bhṛguḥ- "yā samārohaṇaṃ kuryādbhartuścityāṃ pativratā | tāṃ mṛtāhani saṃprāpte pṛthapiṃḍe niyojayet || pratyabdaṃ ca navaśrāddhaṃ yugapattu samācaret ||" tadyeṣāṃ vārṣikamekoddiṣṭamuktaṃ tadviṣayam || 'pratyabdaṃ ca mṛtāhani' ityanvayaḥ || navaśrāddhaṃ yugapaditi darśa vargadvayavadekatantreṇa pṛthagityarthamāha hemādriḥ || 'etanmṛtatitherbhedaviṣayam' iti pṛthvīcandranirṇayāmṛtādyāḥ || devayājñikopyevam parāśaramādhavastu- 'gārgyabhṛgvādivacanāllaugākṣikivākye samāsena pākādi taṃtraikyena darśaṃ vargadvayavat pṛthakśrāddhaṃ kuryāt navaśrāddhaṃ ca tathā' ityāha :|| pṛthvīcandracandrikādayastu'dvayorekapiṇḍadānaṃ laugākṣivacanaṃ cāpadviṣayam || pṛthakpiṇḍadānaṃ tu mukhyaḥ kalpaḥ ||' tadāha vṛddhaparāśaraḥ-"āruhya bhartuścitimaṅganā yā prāpnoti mṛtyuṃ khalu sattvayuktā ekādaśāhe tu tayorvidheyaṃ śrāddhaṃ pṛthak svargamapekṣya sadbhiḥ || ekatvamicchanti matiprahīṇā ekādaśāhādiṣu ye nṛnāryoḥ | te svargamārgaṃ vinihatya kuryuḥ strīsattvaghātānnarakādhivāsam || bhartrā saha mṛtā yā tu nākalokamabhīpsatī | sorhacchrāddhaṃ pṛthak piṇḍān naikatvaṃ tu smṛtaṃ tayoḥ || pṛthageva hi kartavyaṃ śrāddhamekādaśāhikam || yāni śrāddhāni sarvāṇi tānyuktāni pṛthakpṛthak - [Previous: 69.2](https://indike.org/pramana/in.niti.dharma.nibandha.nirnaya.nirnayasindhu.69.2) - [Next: 69.2-2](https://indike.org/pramana/in.niti.dharma.nibandha.nirnaya.nirnayasindhu.69.2-2) - [Up: 69](https://indike.org/pramana/in.niti.dharma.nibandha.nirnaya.nirnayasindhu.69) --- Source: [https://indike.org/pramana/in.niti.dharma.nibandha.nirnaya.nirnayasindhu.69.4](https://indike.org/pramana/in.niti.dharma.nibandha.nirnaya.nirnayasindhu.69.4) · Pramāṇa