[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 8.2-4 # Nirnayasindhu 8.2-4 Nirṇayasindhu 8.2-4 - **Language:** Sanskrit ### [8.2-4](https://indike.org/pramana/in.niti.dharma.nibandha.nirnaya.nirnayasindhu.8.2-4) anyānyapi keśakartanādivarjanasaṃkalpānurūpāṇi pṛthvīcandrodaye jñeyāni | toḍarānande skānde-"ekāntaraṃ dvayantaraṃ vā kuryānmāsopavāsakam | anaোদনṃ phalāhāraṃ naktavratamathāpi vā" taptamudrādhāraṇanirṇayaḥ atraiva taptamudrādhāraṇamuktaṃ rāmārcanacandrikāyāṃ bhaviṣye-"śayantyāṃ caiva bodhinyāṃ cakratīrthe tathaiva ca | śaṃkhacakravidhānena vahnipūto bhavennaraḥ" || iti | 'ataptatanūrna tadāmo aśnute' iti ṛgvedāt | "sahovāca yājñavalkyastasmāt pumānātmahitāya hariṃ bhajet suślokamaulairvarmāṇyāgninā saṃdadhyate" iti śatapathaśruteḥ || “pratadviṣṇo abjacakre sutapte janmāṃbhodhī tartave carṣaṇīṃdrāḥ || mūle bāhvordadhantye purāṇāttu liṅgānyaṃgetasāyudhānyarpayaṃtaḥ" || iti sāmavedāt || agnihotraṃ yathā nityaṃ vedasyādhyayanaṃ yathā | brāhmaṇasya tathaivedaṃ taptamudrādidhāraṇam" || iti padmapurāṇokti || "brāhmaṇaḥ kṣatriyo vaiśyaḥ śūdro vā yadi vetaraḥ | śaṃkhamudrāṃkitatanustulasīmañjarīdharaḥ || gopīcandanaliptāṅgo dṛṣṭaścettadaghaṃ kutaḥ" iti kāśīkhaṇḍāt tatprakārastu rāmārcanacandrikāto jñeyaḥ || pṛthvīcandrodayādayastu- “yastu santaptaśaṃkhādiliṅgacihnatanurnaraḥ | sa sarvayātanābhogī cāṇḍālo janmakoṭiṣu || dvijaṃ tu taptaśaṃkhādiliṅgāṃkitatanuṃ naraḥ | sambhāṣya rauravaṃ yāti yāvadindrāścaturdaśa" - [Previous: 8.3-2](https://indike.org/pramana/in.niti.dharma.nibandha.nirnaya.nirnayasindhu.8.3-2) - [Next: 8.2-5](https://indike.org/pramana/in.niti.dharma.nibandha.nirnaya.nirnayasindhu.8.2-5) - [Up: 8](https://indike.org/pramana/in.niti.dharma.nibandha.nirnaya.nirnayasindhu.8) ## Linked texts (1) - [Prāṇatoṣiṇī](https://indike.org/pramana/in.sampradaya.general.sakta.pranatosini.4.7.183) — Rāmatoṣaṇa Śarman 1796, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.8.2-4](https://indike.org/pramana/in.niti.dharma.nibandha.nirnaya.nirnayasindhu.8.2-4) · Pramāṇa