[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 8.2-8 # Nirnayasindhu 8.2-8 Nirṇayasindhu 8.2-8 - **Language:** Sanskrit ### [8.2-8](https://indike.org/pramana/in.niti.dharma.nibandha.nirnaya.nirnayasindhu.8.2-8) iti devalokteḥ yattu-“prathamaṃ karkaṭe devi tryahaṃ gaṅgā rajasvalā' ityādivacanam | tajjāhnavībhinnagodāvaryādigaṅgāntaraparamiti madanaratne| anye tvantargatajoviṣayam |“gaṅgā dharmadravaḥ puṇyā yamunā ca sarasvatī | antargatarajodoṣāḥ sarvāvasthāsu cāmalāḥ ||” iti nigamokteḥ tīravāsinām tu rajodoṣo nāsti | 'natu tattīravāsinām' iti nigamokteḥ | rajoduṣṭamapi jalaṃ gaṅgājalayoṃge pāvanam | 'gaṅgāmbhasā samāyogādduṣṭamapyambu pāvanam' iti mātsyokteḥ || nūtanakūpārdau tu yogiyājñavalkyaḥ-“ajā gāvo mahiṣyaśca brāhmaṇī ca prasūtikā | bhūmernavodakaṃ caiva daśarātreṇa śuddhayati ||” iti || kvacittvadoṣamāha vyāghrapādaḥ-“ abhāve kūpavāpīnāmanapāyipathosṛtām | rajoduṣṭepi payasi grāmabhogo na duṣyati ||” gauḍāstu-' anyenāpi samuddhṛtaḥ iti dvitīyapāde pāṭhaḥ | tenoddhṛte na doṣaḥ | tathā ca tāsu snānaṃ neti prāguktamityāhuḥ | vasiṣṭhopi-“ upākarmaṇi cotsarge pretasnāne tathaiva ca candrasūryagrahe caiva rajodoṣo na vidyate || " ityalaṃ vistareṇa śrāvaṇaśuklatṛtīyānirṇayaḥ śrāvaṇaśuklatṛtīyā madhusravākhyā | madhusravā gurjaraiṣu prasiddhā || sā parayutā grāhyeti divodāsaḥ śrāvaṇaśuklacaturthīnirṇayaḥ śrāvaṇaśuklacaturthī pūrvayutā ‘mātṛviddhā gaṇeśvaraḥ ' ityādivacanāt śrāvaṇaśuklapañcamī-( nāgapañcamīnirṇayaḥ ) śrāvaṇaśuklapañcamī nāgapūjādau paraiveti sāmānyanirṇaye uktam || camatkāracintāmaṇau "pañcamī nāgapūjāyāṃ kāryā ṣaṣṭhīsamanvitā | tasyāṃ tu tuṣitā nāgā itarā sacaturthikā" iti || “śrāvaṇe pañcamī śuklā saṃproktā nāgapañcamī | tāṃ parityajya pañcamyaścaturthīsahitā hitāḥ” iti || madanaratnebhidhānācca | tena paraiveti | atra viśeṣo hemādrau bhaviṣye“śrāvaṇe māsi pañcamyāṃ śuklapakṣe narādhipa | dvārasyobhayato lekhyā gomayena viṣolbaṇāḥ | pūjayedvidhivadvīra dadhidūrvāṅkuraiḥ kuśaiḥ | gandhapuṣpopahāraiśca brāhmaṇānāṃ ca tarpaṇaiḥ || ye tasyāṃ pūjayantīha nāgān bhaktipuraḥsarāḥ | na teṣāṃ sarpato vīra bhayaṃ bhavati kutracit " iti śrāvaṇaśukladvādaśyāṃ dadhivratanirṇayaḥ śrāvaṇaśukladvādaśyāṃ dadhivrataṃ prāguktam | takrādīnāṃ tvaniṣedhaḥ | tatra dadhivyavahārābhāvāditi vakṣyate pavitrāropaṇanirṇayaḥ atraiva viṣṇoḥ pavitrāropaṇamuktaṃ hemādrau viṣṇuharasye- “śrāvaṇasya site pakṣe karkaṭasthe divākare | dvādaśyāṃ vāsudevāya pavitrāropaṇaṃ smṛtam || dvādaśyāṃ śravaṇe vāpi pañcamyāmatha vā dvija | ānukūlyeṣu kartavyaṃ pañcadaśyāmathāpi vā ” - [Previous: 8.2-7](https://indike.org/pramana/in.niti.dharma.nibandha.nirnaya.nirnayasindhu.8.2-7) - [Next: 8.5](https://indike.org/pramana/in.niti.dharma.nibandha.nirnaya.nirnayasindhu.8.5) - [Up: 8](https://indike.org/pramana/in.niti.dharma.nibandha.nirnaya.nirnayasindhu.8) ## Linked texts (3) - [Padmapurāṇa](https://indike.org/pramana/in.purana.padma.6.55.36) — Vyāsa, Sanskrit - [Āhnikaprakāśa](https://indike.org/pramana/in.niti.dharma.acara.ahnika.ahnikaprakasa.1.p388) — Mitramiśra, Sanskrit - [Kṛtyatattvārṇava](https://indike.org/pramana/in.niti.dharma.kala.mithila_bengal.krtyatattvarnava.3.p221) — Śrīnātha, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.8.2-8](https://indike.org/pramana/in.niti.dharma.nibandha.nirnaya.nirnayasindhu.8.2-8) · Pramāṇa