Ashtadashasmriti 16
Aṣṭādaśasmṛti 16
- Language
- Sanskrit
Contents
- 16.12 — 1 part
16.1
antyajātiravijñāto nivasedyasya veśmani | samyagjñātvā tu kālena dvijāḥ kurvantyanugraham
16.2
cāndrāyaṇaṃ parāko vā dvijātīnāṃ viśodhanam prājāpatyaṃ tu śūdrasya śeṣaṃ tadanusārataḥ
16.3
yairbhuktaṃ tatra pakvānnaṃ kṛcchraṃ teṣāṃ pradāpayet | teṣāmapi ca yairbhuktaṃ kṛcchrapādaṃ pradāpayet
16.4
kūpaikapānairduṣṭānāṃ sparśasaṃsargadūṣaṇāt | teṣāmekopavāsena pañcagavyena śodhanam
16.5
bālo vṛddhastathā rogī garbhiṇī vāyupīḍitā | teṣāṃ naktaṃ pradātavyaṃ bālānāṃ praharadvayam
16.6
aśītiryasya varṣāṇi bālo vā'pyūnaṣoḍaśaḥ | prāyaścittārdhamarhanti striyo vyādhita eva ca
16.7
nyūnaikādaśavarṣasya pañcavarṣādhikasya ca | caredguruḥ suhṛdvāpi prāyaścittaṃ viśodhanam
16.8
atha taiḥ kriyamāṇeṣu yeṣāmārtiḥ pradṛśyate | śeṣasaṃpādanācchuddhivipattirna bhavedyathā
16.6-2
kṣudhā vyādhitakāyānāṃ prāṇo yeṣāṃ vipadyate | ye na rakṣanti vaktārasteṣāṃ tatkilbiṣaṃ bhavet
16.10
pūrṇe'pi kālaniyame na śuddhirrāhmaṇairvinā | apūrṇedhvapi kāleṣu śodhayanti dvijottamāḥ
16.11
samāsamiti no vācyaṃ triṣu varṇeṣu karhicit | viprasaṃpādanaṃ kāryamutpanne prāṇasaṃśaye
16.12
saṃpādayanti ye viprāḥ snānatīrthaphalapradam | samyakkarturapāpaṃ syādvratī ca phalamāpnuyāt
16.12.p1
ityāpastambīye tṛtīyo'dhyāyaḥ ||3
Linked texts (3)
- Āpastambasmṛti — Sanskrit
- Āpastambasaṃhitā — Sanskrit
- Smṛtīnāṃ Samuccayaḥ — Sanskrit