Pramāṇa · Search · About · API

Ashtadashasmriti 2

Aṣṭādaśasmṛti 2

Language
Sanskrit

2.1

dharmajijñāsubhiḥ samyagamautaujā mahādyutiḥ | bhāradvājādibhiḥ pṛṣṭaḥ prābravīdetadaṅgirā

2.2

brāhmaṇesu sarveṣu varṇānāmanusarvaśaḥ | prāyaścittavidhiṃ kṛtsnaṃ vakṣyamāṇaṃ nibodhata

2.3

antyānāmaviśeṣeṇa jagdhvā'nnaṃ hi dvijanmanām | cāndraṃ kṛcchraṃ tadardhaṃ ca brahmakṣatraviśāṃ smṛtam

2.4

cāṇḍālakūpabhāṇḍeṣu yastvapaḥ pibate dvijaḥ | prāyaścittaṃ kathaṃ teṣāṃ varṇoṃ varṇoṃ vinirdiśet

2.5

dvijānāṃ sāṃtapanaṃ vipraḥ prājāpatyaṃ tu bhūmipaḥ | tadardhaṃ tu caredvaiśyaḥ pādaṃ śūdraḥ samācaret

2.6

cāṇḍālādekabhāṇḍeṣu yaḥ pibettṛṣito jalam | tatkṣaṇaṃ tatsamuttārya prājāpatyaṃ samācaret

2.7

yadi cānuddhṛtaṃ toyaṃ śarīre tasya jīryati | tadā vipraḥ svaśuddhyarthaṃ kṛcchraṃ sāṃtapanaṃ caret

2.8

cāṇḍālabhāṇḍasaṃspṛṣṭaṃ pibeccetṛṣito jalam | gomūtrayāvakāhārastrirātreṇa viśudhyati

2.6-2

jalaṃ cāṇḍālasaṃspṛṣṭaṃ pibettoyamakāmataḥ | sa tu sāṃtapanaṃ kṛcchraṃ carecchuddhyarthamātmanaḥ

2.10

bhuktvā mūtrapurīṣaṃ tu yadyucchiṣṭo'tha vā dvijaḥ | śvādi spṛṣṭvā japetsnātvā gāyatryā ayutadvayam

2.11

śavaviṇmūtrasaṃyukte pītvā toyaṃ dvijottamaḥ | kṛcchraṃ sāṃtapanaṃ kṛtvā trirātreṇa viśudhyati

2.12

jala kāmāsagṛdhrāṃśca kharaṃśca bakasūkarāḥ | dṛṣṭvā caiṣāmamedhyāni spṛṣṭvā''camya viśuddhyati

2.13

icchayaiṣāmabhakṣyāni bhakṣayitvā dvijottamāḥ | kuryuḥ sāṃtapanaṃ kṛcchraṃ prājāpatyamanicchayā

2.14

etadeva vrataṃ kurhyareṣāṃ māṃsasya bhakṣaṇe | śvakākayośca māṃsāni bhuktvā cāndrāyaṇaṃ caret

2.15

sparśanaṃ caiva kurute brāhmaṇo brāhmaṇaiḥ saha | āhatuḥ śaṅkhalikhitau viṇmūtroccārabhojane

2.16

tūlikāṃ copadhānaṃ ca puṣparaktāmbarāṇi ca patitādyairupaspṛṣṭaṃ śoṣayai prokṣaṇaiḥ śuci

2.17

rajakaṃ carmakāraṃ ca naṭaṃ dhīvarameva ca | vuruḍaṃ ca tathā spṛṣṭvā śudhyedācamanādvijaḥ

2.18

saṃspṛṣṭa ebhirucchiṣṭairekagātraṃ payaḥ pibet saṃspṛśya caitānucchiṣṭa upoṣya tridinaṃ kṣipet

2.19

bhuktvā caiṣāṃ samucchiṣṭaṃ vipraḥ sāṃtapanaṃ caret | pādonamardhapādaṃ ca kṣatraviṭśūdrayonayaḥ

2.20

yaśca bhāryā śvapākasya brāhmaṇo'dhigacchati | sacailo jalamāplutya ghṛtaṃ prāśya viśuddhyati

2.21

sa codakyādibhiḥ spṛṣṭo yadā syādāturo naraḥ | anātutaḥ saptavāraṃ spṛṣṭvā snānaṃ samācaret

2.22

āturā caiva yā nārī rajasā malinī bhavet | caturthe'hani saṃprāpte spṛṣṭvā tāmapyanāturaḥ

2.23

daśaikādaśa vārānvā snānaṃ kuryādvicakṣaṇaḥ | evaṃ tasyā viśuddhiḥ syātparivartitavāsasaḥ

2.24

prārabdhadīrghatapasāṃ nārīṇāṃ yadrajo bhavet | na tena tadvrataṃ tāsāmupahanyeta karhicit

2.25

svabhāva eṣa nārīṇāṃ jñeyo mūtrapurīṣavat | ata ūrdhvaṃ na duṣyanti careyureva tadvratam

2.26

cāṇḍālapatitodakyāṃ spṛṣṭvocchiṣṭo dvijottamaḥ | prājāpatyaṃ caretkṛcchraṃ sumantuvacanaṃ yathā

2.27

caṇḍālapatitādīnāmucchiṣṭānnādibhojane | dvijaḥ śuddhyetparākena śūdraḥ kṛcchreṇa śudhyati

2.28

patitānāṃ striyo gatvā bhuktvā ca pratigṛhya ca | māsopavāsaṃ kurvīta cāndrāyaṇamathāpi vā

2.26-2

śvagardabhakharādīnāṃ naramāṃsādidūṣaṇe | uddharetsakalaṃ vāri kūpavāpīśiśodhanam

2.30

yastu kūpe pivettoyaṃ brāhmaṇaḥ śavadūṣite | ahorātroṣito bhūtvā pañcagavyena śuṣyati

2.31

klinnabhinnaśavavyāptaṃ vāri vipro yadā pivet | śuddhiścāndrāyaṇaṃ tasyaḥ taptakṛcchramathāpi vā

2.32

ata ūrdhvaṃ pravakṣyāmi niliśaucasya yo vidhiḥ | strīṇāṃ krīḍārtha saṃbhoge śayanīye na duṣyati

2.33

saṃdhyā snānaṃ japo homaḥ svādhyāyaḥ pitṛtarpaṇam | vṛthā tasya mahāyajñā nīlīraktasya dhāraṇāt

2.34

pālanādikrayāccaiva nīlīvṛttyupajīvanāt | patitastu bhavedviprastribhiḥ kṛcchrairviśudhyati

2.35

nīlīraktaṃ yadā vastraṃ vipro deheṣu dhārayet | ahorātroṣito bhūtvā pañcagavyena śudhyati

2.37

nīlīmadhye yadā gacchetpramādādbrāhmaṇaḥ kacit | ahorātroṣitaḥ snātvā pañcagavyena śuṣyati |:36
nīlyā copahate kṣetre sasyaṃ yacca prarohati | abhojyaṃ taddvijātīnāṃ bhuktvā cāndrāyaṇaṃ caret

2.38

vāpayedyatra nīlīṃ tu tāvatsyādaśucirmahī | pramāṇaṃ dvādaśa samāma ta ūrdhvaṃ śucirbhavet

2.36

mṛte bharttari yā nārī nīlīvastraṃ tu dhārayet | svāmī tiṣṭhati pātāle nīlīvastrasya dhāraṇāt

2.40

patyau jīvati yā nārī upoṣya vratacāriṇī | āyuṣyaṃ harate bhartuḥ sā nārī narakaṃ vrajet

2.41

snānaṃ rajasvalāyāstu caturthe'hani śudhyati | kuryādrajasi nivṛtte nānivṛtte kadācana

2.42

rajasvalāyāḥ pretāyāḥ saṃskārādīni nā''caret | ūrdhvaṃ trirātraṃ snātāyāḥ śavadharmeṇa dāhayet

2.43

rogaṇa yadrajaḥ strīṇāmatyantaṃ saṃpravartate | aśucyastā na tena syustāsāṃ vaikāriko madaḥ

2.44

sādhvācāro na tāvattā rajo yāvatpravartate | vṛtte rajasi sādhvī syādgṛhakarmaṇi cendriye

2.45

prathame'hani cāṇḍālī dvitīye brahmaghātinī | tṛtīye rajakī caiva caturthe'hani śudhyati

2.46

cāṇḍālaḥ śvapaco vā'pi yadyātreyīṃ striyaṃ spṛśet | aphālakṛptairvarteta pañcagavyena śudhyati

2.47

rajasvalā tu saṃspṛṣṭā caṇḍālāntyaśvavāyasaiḥ | tāvattiṣṭhennirāhārā snātvā kālena śudhyati

2.48

rajasvale yadā nāryāvanyonyaṃ spṛśataḥ kvacit | savarṇā pañcagavyaṃ tu trirātramasavarṇāke

2.46-2

ucchiṣṭocchiṣṭasaṃspṛṣṭā kadācitstrī rajasvalā | pūrvāḥ kṛcchraṃ prakurvīrañśūdrā dānena śuṣyati

2.50

niyamasthā yadā nārī prapaśyedantarā rajaḥ | upoṣyaiva tu tā rātriḥ śeṣaṃ snātvā caredvratam

2.51

āture snāna utpanne daśakṛtvastvanāturaḥ | snātvā snātvā ca daśadhā tataḥ śuddhyedanāturaḥ

2.52

ṛtau tu garbhaśaṅkāyā snānaṃ maithuninaḥ smṛtam | anṛtau tu mada| kuryācchaucaṃ mūtrapurīṣavat

2.53

dvāvetāvaśucī syātāṃ daṃpatī śayanaṃ gatau | śayanādutthitā nārī śuciḥ syādaśuciḥ pumān

2.54

rajasā śudhyate nārī na cedgacchedvivarṇatām | yathā grāmamalagrāhī nadī vegena śudhyati

2.55

bahūnāṃ saṃhatānāṃ ca yadyapyeko'śucirbhavet | tasya mātrasya tacchaucaṃ netareṣāṃ kadācana

2.56

bhasmanā śudhyate kāṃsyaṃ surayā yanna lipyate | surāviṣṭāmūtrasaṃspṛṣṭaṃ śudhyate tānumericlekhanaiḥ

2.57

gavā''ghrātāni kāṃsyāni śūdrocchiṣṭāni yāni ca| śudhyante daśabhiḥ kṣāraiḥ śvakākopahatāni ca

2.58

śuddhiḥ suvarṇarūpyāṇāṃ mārutārkenduraśmibhiḥ | gaṇḍūṣaṃ pādaśaucaṃ ca kuryātkāṃsyasya bhājane

2.59

bhūmau nikṣipya ṣaṇmāsānpunarākāramādiśet | nirlepaṃ kāñcanaṃ bhāṇḍamadbhireva viśudhyati

2.60

āmiṣābhirasaṃspṛṣṭaṃ tāmramamlena śudhyati | retaḥspṛṣṭaṃ śavaspṛṣṭamāvikaṃ na ca duṣyati

2.61

daṃpatyorviprayoranyorviprānyegordvijanmanoḥ | antaro yadi vā gacchedahorātreṇa śudhyati

2.62

vinā darbheṇa yatsnānaṃ yacca dānaṃ vinoḍakam | asaṃkhyātaṃ tu yajjaptaṃ tatsarvaṃ niṣphalaṃ bhavet

2.63

āsane pādamārūḍhe yatsyādardhaṃ kṛtaṃ padaḥ | mukhena dhamitaṃ bhuṅkte tulyaṃ gomāṃsabhakṣaṇe

2.64

pibataḥ patate toyaṃ bhājane mukhaniḥsṛtam | abhojyaṃ tadgavedānnaṃ bhuktvā cāndrāyaṇaṃ caret

2.65

śukramannamaviprasya saptarātreṇa jīryati | annaṃ vyañjanasaṃyuktamardhamāsena jīryati

2.66

payo dadhi tu māsena ṣaṇmāsena ghṛtaṃ tathā | tailaṃ saṃvatsareṇaiva koṣṭhe jīryati mā na vā

2.67

yastu bhuñjīta śūdrānnaṃ māsamekaṃ nirantaram | sa jīvanneva śūdraḥ syānmṛtaḥ śvāno'bhijāyate

2.68

śūdrānna rasapuṣṭasya tvadhīyānasya nityaśaḥ | yajato juhvato vāpi gatirūrdhvaṃ na vidyate

2.69

śūdrānnena tu bhuktena maithunaṃ yo'dhigacchati | yasyānnaṃ tasya te putrā annācchukraṃ pravartate

2.70

śūdrānnanodarasthena yastu prāṇān vimuñcati | sa bhavetsūkaro grāmye tasya vā jāyate kule

2.71

śūdrānna pacyate yena śūdrā ca gṛhamedhinī | varjitaḥ pitṛbhirdevai rauravaṃ narakaṃ vrajet

2.72

śūdraprekṣaṇakārī yo brāhmaṇo jñānadurbalaḥ | bhūmau deyaṃ tu tasyānnaṃ yathaiva śvā tathaiva saḥ

2.73

śūdrānnaṃ śūdrasaṃparkaḥ śūdreṇaiva sahāsanam | śūdrājjñānāgamaḥ kaścijjvalantamapi pātayet

2.74

śūdre kṛtapraṇāme tu svasti cetkriyate dvijaiḥ | śūdro'gre narakaṃ yāti brāhmaṇastadanantaram

2.75

agnihotrī tu yo vipraḥ śūdrānnānna nivartate | pañca tasya praṇaśyanti ātmā brahma trayo'gnayaḥ

2.76

śūdrocchiṣṭastu saṃspṛṣṭaḥ pramādāddravyapāṇinā | tadvijena na bhoktavyamāpastambo'bravīnmuniḥ

2.77

bhuñjīta brāhmaṇasyānnaṃ kṣatriyasya tu parvaṇi | sakṛdvaiśryasya bhuñjīta na śūdrasya kathaṃcana

2.78

amṛtaṃ brāhmaṇasyānnaṃ kṣatriyasya payaḥ smṛtam | vaiśyānnamannameva syācchūdrasya rudhiraṃ smṛtam

2.79

brāhmaṇānne pavitratvaṃ kṣatrānne paśutā smṛtā | vaiśyānne cāpi śūdratvaṃ śūdrānne narakaṃ vrajet

2.80

duṣkṛtaṃ hi manuṣyāṇāmannamāśritya tiṣṭhati| yasyānnaṃ ca samaśnāti bhuṅkte tasya ca kilbiṣam

2.81

sūtake tu yadā vipro brahmacārī viśeṣataḥ | pivetpānīyamajñānādbhuṅkte cānnaṃ spṛśettathā

2.82

pānīyapāne kurvīta pañcagavyasya prāśanam | trirātropoṣito bhūtvā spṛṣṭvā snānena śudhyati

2.83

daśāhācchudhyate vipro janmahānau svayoniṣu | ṣaḍabhistribhirathaikena kṣatraviṭśūdrayoniṣu

2.84

yadya kajātā bahavaḥ pṛthakkṣetreṣu varṇinām | sarveṣāṃ paitṛkaṃ śaucaṃ yāvannoparataḥ pitā

2.85

mṛtasūtakapuṣṭāṅgaṃ dvijaṃ śūdrānnabhojanam | ahameva na jānāmi kāṃ kāṃ yoniṃ sa gacchati

2.86

gṛdhro dvādaśa janmāni daśa janmāni sūkaraḥ | śvā bhavetsapta janmāni ityevaṃ manurabravīt

2.87

upanītaṃ yadā tvannaṃ bhājane samupasthitam | apītarasamutsṛṣṭaṃ na dadyānnaiva homayet

2.88

anne bhojanasaṃpanne makṣikākeśadūṣite | anantaraṃ spṛśedāpastaccānnaṃ bhasmanā spṛśet

2.86-2

mūtraṃ kṛtvā vrajanyastu smṛtibhraṃśājjalaṃ pivat | ahorātroṣito bhūtvā pañcagavyena śudhyati

2.60-2

araṇye nirjale deśe cauravyāghrādisaṃkule | kṛtvā mūtraṃ purīṣaṃ ca dravyahasto na duṣyati

2.61-2

bhūmau nikṣipya taddravyaṃ śaucaṃ kṛtvā yathāvidhi | gṛhṇīyāccaiva taddravyamupaspṛśya yathāvidhi

2.63-2

mantroccāraṃ dvijaḥ kṛtvā na kuryācchaucamātmanaḥ| mohādbhukta upoṣitvā trirātraṃ tu jalaṃ pītvā viśuddhyati ||62!
yadā bhojanakāle tu aśucirbhavati dvijaḥ | bhūmau nikṣipya tadgrāsaṃ snātvā vipro viśuddhyati

2.64-2

bhakṣayitvā tu tadgrāsamahorātreṇa śudhyati | aśitvā sarvamevānnaṃ trirātreṇa viśudhyati

2.65-2

yastu bhuñjīta paṅktisthaḥ kutsitānnaṃ viśeṣataḥ | ahorātroṣito bhūtvā pañcagavyena śudhyati

2.66-2

ekapaṅktyupaviṣṭānāṃ duṣkṛtaṃ sarvasādhunām | sarve tatsamatāṃ yānti paṅktiryāvanna bhuñjati

2.67-2

agninā bhasmanā caiva stambhena udakena ca | dvāreṇāpyatha mārgeṇa paṅktirbhidyeta ṣaḍvidhā

2.68-2

ekapaṅktisthito bhuṅkte na spṛśecca parasparam | bhasmanā kṛtamaryādā ekapaṅktirna duṣyati

2.66-3

kṛtvā pāpaṃ hi śocanvai brāhmaṇo vedapāragaḥ | smṛtyarthaṃ vindati yo'pi tasmātpāpātpramucyate

2.101

naiva kuryāṃ punariti nivṛttyātmā bhavedyadi | vahnirvedāgamābhyāsaḥ sarvaṃ pāpaṃ viśudhyati ||10-0
yathā jātabalo vahnirdahatyārdrānapi drumān evaṃ dahati vedajñaḥ karmajaṃ doṣamātmanaḥ

2.102

na deva balamāśritya pāpakarmaratirbhavet | ajñānādvā pramādādvā dahate karma netarat

2.103

udaka evodakasthaśca sthale sthalagataḥ śuciḥ | pādau sthāpyobhayatraiva ācānto bhavataḥ śuciḥ

2.104

utttīryā''camya udakamavatīrya upaspṛśet | enaṃ sa śreyasā yukto varuṇenābhimantritaḥ

2.105

agnyāgāre gavāṃ goṣṭhe devabrāhmaṇasaṃnidhau | bhojane japakāle ca pādukānāṃ visarjanam

2.106

pādukāsanamārūḍhaḥ svagṛhātparagṛhaṃ vrajet | chedayettasya pādau tu dhārmikaḥ pṛthivīpatiḥ

2.107

agnihotrī tapasvī ca śrotriyo vedapāragaḥ | ete sapādukā yānti śeṣāndaṇḍena tāḍayet

2.108

janmaprabhṛtisaṃskāre śmaśānānte tathaiva ca | gaṇāne gaṇakānne vā caurasya vṛṣalīphteḥ

2.106-2

pācakānne navaśrāddhe saṃgrahe candrasūryayoḥ | strīṇāṃ prathamagarbhesu bhuktvā cāndrāyaṇaṃ caret

2.110

anyadattā tu yā kanyā punaranyatra dīyate | tasyāścaiva na bhoktavyaṃ punarbhūḥ kīrtitā budhaiḥ

2.111

pūrvaṃ tu sravate garbho yasyāścaivātha saṃskṛtaḥ | dvitīyo garbhasaṃskāraḥ punaretā tu socyate

2.112

yā cā''dau daśabhirvarṣairjīvattiṣṭhati garbhiṇī | dhāritaṃ tu na reto vai retodhā sā tathocyate

2.113

bhartuḥ śayanamullaṅghya yā cānyeṣu pravartate | tasyā annaṃ na bhoktavyaṃ vijñeyā kāmacāriṇī

2.114

punarbhūḥ punaretā ca retodhā kāmacāriṇī | tāsāṃ prathamagarbhe ca bhuktvā cāndrāyaṇaṃ caret

2.115

anapatyā tu yā nārī nāśnīyādeva tadgṛhe | bhuñjīta mohātmā pūyasaṃ narakaṃ vrajet

2.116

strīdhanāni ca ye mohādupajīvanti bāndhavāḥ | nārīyānāni vastrāṇi te pāpā yāntyadhogatim

2.117

rājānnaṃ harate tejaḥ śūdrānnaṃ brahmavarcasam | sūtakānnaṃ tu yo bhuṅkte sa bhuṅkte pṛthivīmalam

2.118

rātrāvastamite sūrye caṇḍālau spṛśate striyaḥ| tāḥ spṛṣṭāstu yadā kiṃcitprāyaścittaṃ kathaṃ bhavet

2.119

jātarūpaṃ spṛśedāpo divā''nītaṃ tu yajjalam | tena snātvā ca pītvā ca sarvai spṛṣṭvā śucirbhavet

2.120

dāsanāpitagopālakulamitrārdhasīriṇaḥ | ete śūdreṣu bhojyānnā yaścā''tmānaṃ nivedayet

2.121

anyaśūdreṣu annādyaṃ ye bhuñjanti kṣudhā dvijāḥ | prāyaścittaṃ ca saṃprāptaṃ careccāndrāyaṇaṃ vratam

2.122

vṛṣalīphenajātasya niḥśvāsopahatasya ca | tāsu caiva prasūtasya niṣkṛtirna vidhīyate

2.123

ajāpālo mahiṣaśca tathā ca vṛṣalīpatiḥ | pramādādapi saṃspṛṣṭvā sacailaṃ snānamācaret

2.124

retaḥkṣayakarī vandhyā ajāstāḥ parikīrtitāḥ| tāsāṃ yaḥ pālayodvipro hyajāpālaḥ sa ucyate

2.125

mahiṣītyucyate nārī yā caiva vyabhicāriṇī | taṃ doṣaṃ kṣamate yastu sa vai māhiṣa ucyate

2.126

piturveśmani yā kanyā rajastu samupaspṛśet | bhrūṇahatyā pitustasyāḥ sā kanyā vṛṣalī smṛtā

2.127

mātā caiva pitā caiva jyeṣṭho bhrātā tathaiva ca | trayaste narakaṃ yānti dṛṣṭvā kanyāṃ rajasvalām

2.128

udvahedyastu tāṃ kanyāṃ brāhmaṇo madamohitaḥ | asaṃbhāṣyo hyapāṅkteyaḥ sa vipro vṛṣalīpatiḥ

2.129

agre ca māhiṣaṃ dṛṣṭvā madhye ca vṛṣalīpatiḥ| antye vādhuṣikaṃ dṛṣṭvā nirāśāḥ pitaro gatāḥ

2.130

śvitrī kuṣṭhī tathā tastha kunakhī śyāvadantakaḥ | nirāśāḥ pitaro yānti devatā ṛṣibhiḥ saha

2.131

nāśnanti piśune devā nāśnantyanṛtavādinaḥ | bhāryājitasya nāśnanti yasya copapatigṛhe

2.132

nakhalomopajātasya na raktodaravāsasaḥ | dvyaṅgulātītakarṇasya bhuñjate pitaro haviḥ

2.133

yāvaduṣṇaṃ bhavedannaṃ yāvadbhuñjanti vāgyatāḥ tāvadaśnanti pitaro yāvannoktā havirguṇāḥ

2.134

havirguṇā na vaktavyāḥ pitaro yatra tarpitāḥ | pitṛbhistarpitaiḥ paścādvaktavyaṃ śobhanaṃ haviḥ

2.135

yāvato grasate piṇḍānhavyakavyeṣvamantravit | tāvato grasate pretya dīptānsthūlānayomayān

2.136

yāvadviprā na pūjyante annadānahiraṇyayoḥ | tāvattīrṇavratasyāpi tatpāpaṃ na praṇaśyati

2.138

yadṛcchayā kākabalākayorvā'medhyaliptaṃ ca bhaveccharīram| śrotremukhena praviśocca samyaksnānena lepopahatasyaśuddhiḥ
abhakṣyāṇāmapeyānāmalehyānāṃ ca bhakṣaṇe | retomūtrapurīṣāṇāṃ prāyaścittaṃ kathaṃ bhavet

2.139

padmodumbarabilvānāṃ kuśāśvatthapalāśayoḥ | eteṣāmudakaṃ pītvā ṣaḍrarātreṇa viśudhyati

2.140

ye pratyavasitā viprāḥ pravrajyābhrijalodvahāḥ | anāśakanivṛttaśca gṛhasthatvaṃ cikīrṣati

2.141

sa carettrīṇi kṛcchrāṇi trīṇi cāndrāyaṇānica| jātakarmavidhiṃ kṛtvā punaḥ saṃskāramarhati

2.142

tūlikā copadhānāni puṣpaborderrāktāmbarāṇi ca | śoṣayitvā'rkatāpena prokṣaṇena viśudhyati

2.143

deśaṃ kālaṃ tathā''tmānaṃ dravyaṃ dravyaprayojanam | upapattimavasthāṃ ca jñātvā karma samācaret

2.144

rathyākardamatoyāni nānā pathi tṛṇāni ca | mārutārkeṇa śuṣyanti pakveṣṭakacitāni ca

2.145

āture snānamutpanne daśakṛtvo hyāturaḥ| snātvā snātvā spṛśedvā'pitataḥ śudhyetsa āturaḥ

2.146

spṛṣṭvā rajasvalā'nyonyaṃ brāhmaṇī kṣatriyā tathā | kṛcchramekaṃ caretpūrvā pādamekaṃ tathottarā

2.147

upavāsaistribhirvā'pi ahorātreṇa cottarā | evaṃ pātakanirdiṣṭamaṅgirā munirabravīt

2.148

spṛṣṭvā rajasvalā'nyonyaṃ vaiśyā ca śūdriṇī tathā| kṛcchreṇa śudhyate pūrvā śūdrā dānena śuṣyati

2.146-2

rajasvalā tu saṃspṛṣṭā caṇḍālādi yadi spṛśet | gomūtrayāvakāhārā ṣaḍahreṇa viśuṣyati

2.150

nārī rajasvalā (spṛṣṭā) kharacāṇḍālakukkuṭaiḥ | bhuktvā hyetānapaśyeta mānastoketyṛcaṃ japet

2.151

bhuñjānenaiva vipreṇa spṛṣṭā caiva rajasvalā | prājāpatyena kṛcchreṇa prāṇāyāmaśatena ca

2.152

divākīrtimudakyāṃ ca patitaṃ sūtakaṃ tathā | śavasaṃsparśane caivaspṛṣṭvā snānena śudhyati

2.153

divā''hṛtena toyena tāpitenāgnisaṃnidhau | divā nārkeṇa saṃspṛṣṭā rātrau nakṣatramālinī

2.154

saṃdhyayorubhayoścaiva pavitraṃ sarvadā jalam | khātaṃ dāpī tathā kūpaḥ prapānadyāstu vāruṇaciḥ

2.155

yaṣṭighāte tathā caiva mṛtpiṇḍe gomayena tu | upalepena śudhyanti aṅgirā munirabravīt

2.156

godugdhaṃ gomayaṃ kṣīraṃ dadhi takraṃ tathā ghṛtam | gopucchaṃ paścime bhāge ete sarve pavitrakāḥ

2.157

evaṃ te kathitaṃ sarvaṃ pramādājñānavittamaḥ | yatra yatra mṛtā gāvaḥ prāyaścittaṃ pṛthakpṛthak

2.158

gavāṃ ca patane kṛcchraṃ pāṣāṇe ca dvayaṃ caret | ardhakṛcchraṃ tu vāpyāṃ syātpādakṛcchraṃ tu kūpake

2.156-2

śastrahā trīṇi kṛcchrāṇi yaṣṭighātī dvayaṃ caret | mṛtpiṇḍādatikṛcchraṃ tu prājāpatyaṃ ca gomaye

2.160

ekapādaṃ caredrodhe dvau pādau bandhane caret | yojane pādahīnaṃ syāccaretsarvaṃ nipātane

2.161

na strīṣu vacanaṃ kuryānna ca gānamupāvrajet | na ca rātrau bhavedgoṣṭhe na kuryādvaidikāṃ kriyām

2.162

lāṅgūlacchedane pādau tathā caivānudhāraṇe | pādahīne śikhāvarjaṃ saśikhaṃ ca nipātane

2.163

evamevatu nārīṇāṃ muṇḍamuṇḍāpanaṃ smṛtam | ekīkṛtya kacānsarvāñchedayedaṃguladvayam

2.164

anucchiṣṭena saṃspṛṣṭo yena cā''camanaṃ vrajet | tenaivocchiṣṭasaṃspṛṣṭe trirātreṇa viśudhyati

2.165

śavasūta samutpanne sūtakaṃ tu bhavedyadi | śavena śudhyate sūtirna sūtyā śudhyate śavam

2.166

sūtakena tu jātena ubhābhyāṃ sūtakaṃ yadi | pātakena tu lipyeta sūtakenaiva gacchati

2.167

sarvavrateṣu nirdiṣṭaṃ paścātsūtakino bhavet | cīrṇavrate tu nirdiṣṭaṃ paścādbrāhmaṇabhojanam

2.168

adhītaṃ ya idaṃ śāstramuktamaṅgirasā svayam | ṛṣīṇāṃ saṃnidhau vipraḥ sarvapāpaiḥ pramucyate

Linked texts (15)