Ashtadashasmriti 22
Aṣṭādaśasmṛti 22
- Language
- Sanskrit
Contents
- 22.45 — 1 part
22.1
bhuñjānasya tu viprasya kadācitsravate gudam | ucchiṣṭasyāśucestasya prāyaścittaṃ kathaṃ bhavet
22.2
pūrvaṃ śaucaṃ tu nirvartya tataḥ paścādupaspṛśet | ahorātroṣito bhūtvā pañcagavyena śudhyati
22.3
aśitvā sarvamevānnamaqatvā śaucamātmanaḥ | mohādbhuktavā trirātraṃ tu yavānpītvā viśudhyati
22.5
prasṛtaṃ yavasasyena palamekaṃ tu sarpiṣā | palāni pañca gomūtraṃ nātiriktavadāśayet
22.6
alehyānāmapeyānāmabhakṣyāṇāṃ ca bhakṣaṇe | retomūtrapurīṣāṇāṃ prāyaścittaṃ kathaṃ bhavet
22.6-2
padmodumbarabilvāśca kuśāśca sapalāśakaḥ | eteṣāmudakaṃ pītvā ṣaḍrahātreṇa viśudhyati
22.7
ye pratyavasitā viprāḥ pravrajyāgnijalādiṣu | anāśukanivṛttāścagṛhasthatvaṃ cikīrṣataḥ
22.8
careyustrīṇi kṛcchrāṇi trīṇi cāndrāyaṇāni vā | jātakarmādibhiḥ sarvaiḥ punaḥsaṃskārabhāginaḥ
22.6-3
teṣāṃ sāṃtapanaṃ kṛcchraṃ cāndrāyaṇamathāpi vā
22.10
yadveṣṭitaṃ kākabalākayorvā amedhyaliptaṃ ca bhaveccharīram | śrotre mukhe ca praviśecca samyaksnānena lepopahatasya śuddhiḥ
22.11
ūrdhvaṃ nābheḥ kagai
muktvā yadaṅgamapahanyate | ūrdhvaṃ snānamadhaḥ śaucamātreṇaiva viśudhyati
22.12
upānahāvamedhyaṃ vā yasya saṃspṛśate mukham | mṛttikāśodhanaṃ snānaṃ pañcagavyaṃ viśodhanam
22.13
daśāhācchudhyate vipro janmahānau svayoniṣu | ṣaḍbhistribhirathaikena kṣatraviṭśūdrayoniṣu
22.14
upanītaṃ yadā tvannaṃ bhoktāraṃ samupasthitam | apītarasamutsṛṣṭaṃ na dadyānnaiva homayet
22.15
anne bhojanasaṃpanne makṣikākeśadūṣite | anantaraṃ spṛśedrā pastaccānnaṃ bhasmanā spṛśet
22.16
śuṣkamāṃsamayaṃ cānnaṃ śūdrānnaṃ vā'pyakāmataḥ| bhuktvā kṛcchraṃ caredvipro jñānātkṛcchratrayaṃ caret
22.17
abhukto mucyate yaśca bhukto yaścāpi mucyate | bhoktā ca mocakaścaiva paścāccarati duṣkṛtam
22.18
yastu bhuñjīta bhuktaṃ vā duṣṭaṃ vā'pi viśeṣataḥ | ahorātroṣito bhūtvā pañcagavyena śudhyati
22.16-2
udake codakasthastu sthalasthaśca sthale śuciḥ ! pādausthāpyobhayatraiva ācamyobhayataḥ śuciḥ
22.20
uttīrṇā''cāmedudakādavatīrya upaspṛśet | evaṃ tu śreyasā yukto varuṇenābhipūjyate
22.21
agnyagāre gavāṃ goṣṭhe brāhmaṇānāṃ ca saṃnidhau | svādhyāye bhojane caiva pādukānāṃ visarjanam
22.22
janmaprabhṛtisaṃskāre śmaśānānte ca bhojanam | asapiṇḍairna kartavyaṃ cūḍākārye viśeṣataḥ
22.23
yājakānnaṃ navaśrāddhaṃ sagrahe caiva bhojanam | strīṇāṃ prathamagarbhe ca bhuktvā cāndrāyaṇaṃ caret
22.24
brahmaudane'vasāne ca sīmantonnayane'tha vā | annaśrāddhe mṛtaśrāddhe bhuktvā cāndrāyaṇaṃ caret
22.25
aprajā yā tu nārī syānnāśnīyādeva tadgṛhe | atha bhuñjīta mohādyaḥ pūyasaṃ narakaṃ vrajet
22.26
alpenāpi hi śulkena pitā kanyāṃ dadāti yaḥ | raurave bahuvarṣāṇi purīṣaṃ mūtramaśnute
22.27
strīdhanāni tu ye mohādupajīvanti bāndhavāḥ | stragyaṃ yānāni vastrāṇi te pāpā yāntyadhogatim
22.28
rājñānnamoja ādatte śūdrānnaṃ brahmavarcasam | asaṃskṛtaṃ tu yo bhuṅkte sa bhuṅkte pṛthivīmalam
22.26-2
mṛtake sūtake caiva gṛhīte śaśibhāskare | hasticchāyāṃ tu yo bhuṅkte pāpaḥ sa puruṣo bhavet
22.30
punarbhūḥ punaretā ca retodhā kāmacāriṇī | āsāṃ prathamagarbhesu bhuktvā cāndrāyaṇaṃ caret
22.31
mātṛghnaśca pitṛghnaśca brahmaghno gurutalpagaḥ | viśeṣādabhuktameteṣāṃ bhuktvā cāndrāyaṇaṃ caret
22.32
rajakavyādhaśailūṣaveṇucarmopajīvinām | bhuktvaiṣāṃ brāhmaṇaścānnaṃ śuddhi ścāndrāyaṇena tu
22.33
ucchiṣṭenocchiṣṭasaṃspṛṣṭaḥ kadācidupajāyate | savarṇena tadotthāya upaspṛśya śucirbhavet
22.34
ucchiṣṭocchiṣṭasaṃspṛṣṭaḥ śunā śūdreṇa vā dvijaḥ | upoṣya rajanīmekāṃ pañcagavyena śudhyati
22.35
brāhmaṇasya sadākālaṃ śūdrapreṣaṇakāriṇaḥ | bhūmāvannaṃ pradātavyaṃ yathā hi śvā tathaiva saḥ
22.36
anudakeṣvaraṇyeṣu cauravyāghrākule pathi | kṛtvā mūtrapurīṣaṃ ca dravyahastaḥ kathaṃ śuciḥ
22.37
bhūmāvannaṃ pratiṣṭhāpya kṛtvā śaucaṃ yathārthataḥ | utsaṅgegṛhya pakvamannamupaspṛśya tataḥ śuciḥ
22.36-2
mūtroccāraṃ dvijaḥ kṛtvā akṛtvā śaucamātmanaḥ | mohādbhuktvā trirātraṃ tu gavyaṃ pītvā viśuddhyati
udakyāṃ yadi gacchettu brāhmaṇo madamohitaḥ | cāndrāyaṇena śuddhyeta brāhmaṇānāṃ ca bhojanaiḥ
22.40
muktocchiṣṭastvanācāntaścāṇḍālaiḥ śvapacena vā | pramādādyadi saṃspṛṣṭo brāhmaṇo jñānadurbalaḥ
22.41
snātvā tripavaṇaṃ nityaṃ brahmacārī dharāśayaḥ | sa trirātroṣito bhūtvā pañcagavyena śudhyati
22.42
cāṇḍālena tu saṃspṛṣṭo yaścāpaḥ pibati dvijaḥ | ahorātroṣito bhūtvā tripavaṇena śudhyati
22.43
sāyaṃ prātastvahorātraṃ pādaṃ kṛcchrasya taṃ viduḥ | sāyaṃ prātastathaivaikaṃ dinadvayamayācitam
22.44
dinadvayaṃ ca nāśnīyātkṛcchrārdhaṃ tadvidhīyate | prāyaścittaṃ laghuṣvevattapāpeṣu tu tathā'rhataḥ
22.45
kṛṣṇājinatilagrāhī hastyaśvāvyādivikrayī | pretaniryātakaścaiva na bhūyaḥ puruṣo bhavet
22.45.p1
ityāpastambhīye navamo'dhyāyaḥ ||6
Linked texts (12)
- Āpastambasmṛti — Sanskrit
- Āpastambasaṃhitā — Sanskrit
- Skandamahāpurāṇa (vulgate) — Sanskrit
- Agnipurāṇa (Nag Publishers edition, Delhi) — Sanskrit
- Āṅgirasasmṛti (Smṛtisandarbha, Delhi: Nag 1981) — Sanskrit
- Smṛtīnāṃ Samuccayaḥ — Sanskrit
- Kāśīpurāṇa — Sanskrit
- Yatidharmanirṇaya — Paramānanda Tīrthasvāmin, Sanskrit
- Sannyāsadharmadarpaṇa — Paramānanda Tīrthasvāmin, Sanskrit
- Nirṇayāmamṛta — Rāmacandra, Sanskrit
- Prāyaścittamayūkha — Nīlakaṇṭha Dīkṣita, Sanskrit
- Śrāddhacandrikā (Divākarabhaṭṭa) — Divākarabhaṭṭa 1655, Sanskrit