Ashtadashasmriti 30
Aṣṭādaśasmṛti 30
- Language
- Sanskrit
Contents
- 30.33 — 1 part
30.1
devapitṛmanuṣyāṇāṃ dīnānāṃ ca tapasvinām | gurumātṛpitṝṇāṃ ca sa vibhāgī vikarmakṛt
30.2
sudhā nava gṛhasthasya bhakṣyāni navaiva ca | nava karmāṇi tasyaiva vikarmāṇi tatho nava
30.3
pracchannāni nava pickany Prakashani tathā nava | saphalāni nava pickany niṣphalāni navaiva tu
30.4
adeyāni nava pickany vastujātāni sarvadā | navakā nava nirdiṣṭā gṛhasthonnatikārakāḥ
30.5
sudhāvastūni vakṣyāmi śiṣṭe ca gṛhamāgate | manaścakṣurmukhaṃ vācaṃ saumyaṃ dadyāccatuṣṭayam
30.6
abhyutthānamihā''gaccha pūrvālāpaḥ priyānvitaḥ | upāsanamanuvrajyā kāryāṇyetāni yatnataḥ
30.7
īṣadvyayāni cānyāni bhūmirapastṛṇāni ca | pādaśaucaṃ tathā'bhyaṅga āsanaṃ śayanaṃ tathā
30.8
kiṃcidrātrau yathāśakti nāsnānaśnangṛhe vaset | mṛjjalaṃ cārthine deyametānyapi satāṃ gṛhe
30.6-2
saṃdhyā snānaṃ japo homaḥ svādhyāyo devatārcanam | vaiśvadevastathā''tithyamuddhṛtaṃ cāpi śaktitaḥ
30.10
nava karmāṇi kāryāṇi pūrvoktāni manīṣibhiḥ | kṛtvaivaṃ nava karmāṇi sarvakarmā bhavennaraḥ
30.11
anṛtaṃ pāradāryaṃ ca tathā'bhakṣyasya bhakṣaṇam | agamyāgamanāpeyaṃ hiṃsā steyaṃ tathaiva ca
30.12
arthātadharmācaraṇaṃ maitraṃ dharmabahiṣkṛtam | navaitāni vikarmāṇi satataṃ tāni varjayet
30.13
paiśunyamanṛtaṃ māyo kāmaḥ krodhastathā'priyam | doṣo dambhaḥ paradroho vikarmāṇyeti varjayet
30.14
gītanṛtye kṛṣiḥ sevā vāṇijyaṃ lavaṇakriyā | dyū takarmāryudhānyātmapraśaṃsā ca vikarma ca
30.15
āyurvittaṃ gṛhacchidraṃ mantraṃ maithunamauṣadham | pāpakarmopamānañca dharmo gopyāni yatnataḥ
30.16
agopyamṛṇaśuddhiśca dāyādo dhanavikrayaḥ | kanyādānaṃ vṛṣotsargorahaḥ pāpaṃ jugupsitam
30.17
mātā pitrorgurau mitre vinīte copakāriṇi | dīnānāthaviśiṣṭeṣu dattaṃ ca saphalaṃ bhavet
30.18
dhūrte vandini malle ca kuvaidye kitave śaṭhe | cāṭacāraṇacaureṣu dattaṃ bhavati niṣphalam
30.16-2
sāmānyaṃ yācitaṃ nyāsa ādhirdāśaḥ suhṛddhanam | bhayārditaṃ ca nikṣepaḥ sarvasvaṃ cānvaye sati
30.20
āpatsvapi na deyāni nava vastūni sarvadā | yo dadāti sa mūḍhātmā prāyaścittīyate naraḥ
30.21
navanavakacettāramanuṣṭhānaparaṃ naram | iha loke paratrāpi śrīśca taṃ naiva muñcati
30.22
yathaivā''tmā parastadvadraṣṭavyaḥ sukhamicchatā | sukhaduḥkhāni tulyāni yathā''tmani tathā pare
30.23
sukhaṃ vā yadi vā duḥkhaṃ yatkiṃcitkriyate pare | tatkṛtaṃ tu punaḥ paścātsarvamātmani taddbhavet
30.24
na kleśena vinā dravyaṃ dravyahīne kutaḥ kriyā | kriyāhīne na dharmaḥ syāddharmahīne kutaḥ sukham
30.25
sukhaṃ ca vāñchate sarvastacca dharmasamudbhavam | tasmāddharmaḥ sadā kāryaḥ sarvavarṇairna yatnataḥ
30.26
nyāyāgatena dravyeṇa kartavyaṃ pāralaukikam | dānaṃ ca vidhinā deyaṃ kāle pātre guṇānvite
30.27
samādviguṇasāhasramānantyaṃ ca yathākramam | dāne phalaviśeṣaḥ syāddvisāyāṃ tadvadeva hi
30.28
samamabrāhmaṇe dānaṃ dviguṇaṃ brāhmaṇa bruve | sahasraguṇamācārye tvanantaṃ vedapārage
30.26-2
vidhihine tathā'pātre yo dadāti pratigraham | na kevalaṃ hi taddānaṃ śeṣamapyasya naśyati
30.30
vyasanapratikārārthaṃ kuṭumbārthaṃ ca yācate | evamanviṣya dātavyaṃ sarvadāneṣvayaṃ vidhiḥ
30.31
yadyadiṣṭatamaṃ loke yaccāsya dayitaṃ bhavet | tattadguṇavate deyaṃ tadevākṣayamicchatā
30.32
mātāpitṛvihīnaṃ tu saṃskārodvāhanādibhiḥ | yaḥ sthāpayati tasyeha puṇyasaṃkhyā na vidyate
30.33
na tacchre yo'gnihotreṇa nāgniṣṭomena labhyate | yacchreyaḥ prāpyate puṃsāṃ vipreṇa sthāpitena vai
30.33.p1
iti dākṣe dharmaśāstre tṛtīyo'dhyāyaḥ || 3
Linked texts (9)
- Dakṣasmṛti — Dakṣa, Sanskrit
- Dakṣasaṃhitā — Sanskrit
- Smṛtīnāṃ Samuccayaḥ — Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Dānakhaṇḍa — Hemādri, Sanskrit
- Vyavahāraprakāśa (Mitramiśra) — Mitramiśra 1753, Sanskrit
- Gṛhastharatnākara — Caṇḍeśvara, Sanskrit