Pramāṇa · Search · About · API

Ashtadashasmriti 32: (atha pañcamo'dhyāyaḥ|)

Aṣṭādaśasmṛti 32

Language
Sanskrit

Contents

(atha pañcamo'dhyāyaḥ|)

32.1

uktaṃ śaucamaśaucaṃ ca kāryaṃ tyājyaṃ manīṣibhiḥ | viśeṣārthaṃ tayoḥ kiṃcidvakṣyāmi hitakāmyayā

32.4

śauce yatnaḥ sadā kāryaḥ śaucamūlo dvijaḥ smṛtaḥ | śaucācāravihīnasya samastā niṣphalāḥ kriyāḥ
śaucaṃ ca dvividhaṃ proktaṃ bāhyamābhyantaraṃ tathā | mṛjjalābhyāṃ smṛtaṃ bāhyaṃ bhāvaśuddhistathā''ntaram
āśaucādvi varaṃ bāhyaṃ tasmādābhyantaraṃ varam | ubhābhyāṃ ca śuciryastu sa śucirnetaraḥ śuciḥ

32.5

ekā liṅge gude tistro daśa vāmakare tathā | ubhayoḥ sapta dātavyā mṛdastastrasta pādayoḥ

32.6

gṛhasthe śaucamākhyātaṃ triṣvanyeṣu yathākramam | dviguṇaṃ triguṇaṃ caiva caturthe ca caturguṇam

32.7

ardhaprasṛtimātrāṃ tu prathamā mṛttikā smṛtā| dvitīyā ca tṛtīyā ca tadardhārdhā prakīrtitā

32.8

liṅge'pyatra samākhyātā triparvaṃ pūryate yathā | etacchaucaṃ gṛhasthānāṃ dviguṇaṃ brahmacāriṇām

32.6-2

triguṇaṃ tu vanasthānāṃ yatīnāṃ ca caturguṇam | daṃtavyamudakaṃ tāvanmṛdabhāvo yathā bhavet

32.11

mṛdā jalena śuddhiḥ syānna kleśo na dhanavyayaḥ | yasya śauce'pi śaithilyaṃ citaṃ tasya parīkṣitam
anyadeva divā śaucaṃ rātrāvanyadvidhīyate | anyadāpatsu viprāṇāmanyadeva jñanāpadi

32.12

divoditasya śaucasya rātrāvardhaṃ vidhīyate | tadardhamāturasyā''hustvarāyāmardhamadhvani

32.13

nyūnādhikaṃ na kartavyaṃ śaucaṃ śuddhimabhīpsatā | prāyaścittena yujyeta vihitātikrame kṛte

32.13.p1

iti dākṣe dharmaśāstre pañcamo'dhyāyaḥ || 5

Linked texts (4)