Ashtadashasmriti 33: (atha ṣaṣṭho'dhyāyaḥ |)
Aṣṭādaśasmṛti 33
- Language
- Sanskrit
Contents
- 33.15 — 1 part
(atha ṣaṣṭho'dhyāyaḥ |)
33.1
sūtakaṃ tu pravakṣyāmi janmamṛtyunimittakam | yāvajjīvaṃ tṛtīyaṃ tu yathāvadanupūrvaśaḥ
33.2
sadyaḥ śaucaṃ tathaikāhastryahaścaturahastathā | ṣaḍvadaśādaśāhaśca pañco māsastathaiva ca
33.3
maraṇāṃtaṃ tathā cānyaddaśa pakṣāstu sūtake | upanyāsakrameṇaiva tanme nigadataḥ śṛṇu
33.4
granthārthaṃ yo vijānāti vedamaṅgaiḥ samanvitam | sakalpaṃ sarahasyaṃ ca kriyāvāṃścenna sūtakam
33.5
rājñaliṅgidīkṣitānāṃ ca bāle deśāntare tathā | vratināṃ satriyāṇāṃ caiva sadyaḥ śaucaṃ vidhīyate
33.6
ekāhācchudhyate vipro yo'gnivedasamanvitaḥ | tryahātkevalavedastu dvihīno daśabhirdinaiḥ
33.7
śudhyedvipro daśāhena dvādaśāhena bhūmipaḥ | vaiśyaḥ pañcadaśāhena śūdro māsena śudhyati
33.8
asnātvā cāpyahutvā ca hyadattvā ye tu bhuñjate | egaṃvidhānāṃ sarveṣāṃ yāvajjīvaṃ tu sūtakam
33.6-2
vyādhitasya kadaryasya ṛṇagrastasya sarvadā | kriyāhīnasya mūrkhasya strījitasya viśeṣataḥ
33.10
vyasanāsaktacittasya parādhīnasya nityaśaḥ | śraddhātyāgavihīnasya bhasmāntaṃ sūtakaṃ bhavet
33.11
sūtakaṃ na kadācitsyādyāvajjīvaṃ tu sūtakam | evaṃ guṇaviśeṣeṇa sūtakaṃ samudāhṛtam
33.12
varṇānāmānulomyena strīṇāmeko yadā patiḥ | daśāhaṣaṭtryahaikāhaṃ prasave sūtakaṃ bhavet
33.13
yajñe pravarttamāne tu jāyate mriyate'pi vā | pūrvasaṃkalpitārthānāṃ na doṣastatra vidyate
33.14
yajñakāle vivāhe ca devayāge tathaiva ca | hūyamāne tathā cāgnau nāśaucaṃ naiva sūtakam
33.15
svasthakāle tathā sarvaṃ sūtakaṃ parikīrtitam | āpadgrastasya sarvasya sūtake'pi na sūtakam
33.15.p1
iti dākṣe dharmaśāstre ṣaṣṭho'dhyāyaḥ ||6
Linked texts (6)
- Dakṣasmṛti — Dakṣa, Sanskrit
- Dakṣasaṃhitā — Sanskrit
- Smṛtīnāṃ Samuccayaḥ — Sanskrit
- Kṛtyakalpataru — Lakṣmīdhara Bhaṭṭa, Sanskrit
- Gūḍhārthadīpikā — Vāmadeva, Sanskrit
- Śuddhikaumudī (Govindānanda Kavikaṅkaṇācārya) — Govindānanda Kavikaṅkaṇācārya 1510, Sanskrit