Pramāṇa · Search · About · API

Ashtadashasmriti 37

Aṣṭādaśasmṛti 37

Language
Sanskrit

Contents

37.1

athāto yamadharmasya prāyaścittaṃ vyākhyāsyāmaḥ | caturṇāmapi varṇānāṃ prāyaścittaṃ prakalpayet

37.2

brāhmaṇastu śunā daṣṭo jambūkena vṛkeṇa vā | udite grahanakṣatre dṛṣṭvā sadyaḥ śucirbhavet

37.3

jalāgnibandhanabhraṣṭāḥ pravrajyānāśakacyutāḥ | viṣaprapatanagātrāśca śastrāghātahatāśca ye

37.4

navam̐te pratyavasitāḥ sarvadharmabahiṣkṛtāḥ | cāndrāyaṇena śudhyanti taptakṛcchradvayena ca

37.5

ubhayāvasitaḥ pāpā ye śāmaśabalācyutāḥ | indudvayena śudhyanti dattvā dhenuṃ tathā vṛṣam

37.6

gobrāhmaṇahataṃ dagdhaṃ mṛtamudvandhanena tu | pāśaṃ chittvā tatastasya taptakṛcchradvayaṃ caret

37.7

kṛmibhirbhakṣasaṃyuktaṃ makṣikaiścopaghātitam | kṛcchrārdhaṃ saṃprakurvīta śaktyā dadyāttu dakṣiṇām

37.8

cāṇḍālabhāṇḍasaṃspṛṣṭaṃ pītvā bhūmigataṃ jalam | gomūtrayāvakāhāraḥ ṣaḍrārtreṇa viśudhyati

37.6-2

cāṇḍālaghaṭabhāṇḍasthaṃ yastoyaṃ pibati dvijaḥ | tatkṣaṇātkṣipate yastu prājāpatyena śudhyati

37.10

yadi na kṣipate toyaṃ śarīre yasyajīryati | prājāpatyaṃ na dātavyaṃ kṛcchraṃ sāṃtapanādikam

37.11

caretsāṃtapanaṃ vipraḥ prājāpatyaṃ tu kṣatriyaḥ | tadardhaṃ tu caredvaiśyaḥ pādaṃ śūdrasya dāpayet

37.12

cāṇḍālātraṃ bhakṣayitvā tadvatsa lilameva ca | māsaṃ kṛcchraṃ caredvipraścāndrāyaṇamathāpi vā

37.13

gomūtraṃ gomayaṃ kṣīraṃ dadhi sarpiḥ kuśodakam | ekarātropavāsaśca kṛcchraṃ sāṃtapanaṃ smṛtam

37.14

cāṇḍālamūrttiṃkā ye ca ye ca saṃkīrṇayonayaḥ | teṣāṃ dattvā ca bhuktvā ca taptakṛcchraṃ samācaret

37.15

cāṇḍālikāsu nārīṣu dvijo maithunakārakaḥ | kṛtvā'dhamarṣaṇaṃ paścāt śuṣyate ca payovratāt

37.15.p1

iti śroyāmye dharmaśāstre prathamo'dhyāyaḥ ||1

Linked texts (5)