Ashtadashasmriti 4
Aṣṭādaśasmṛti 4
- Language
- Sanskrit
Contents
- 4.32 — 2 parts
4.1
vāsudevaṃ namaskṛtya śaṅkhasya likhitasya ca | dharmaśāstraṃ pravakṣyāmi dadhni caiva ghṛtaṃ yathā
4.2
vaiśvadevena ye hīnā ātithyena vivarjitāḥ | sarve te vṛṣalā jñeyāḥ prāptavedā api dvijāḥ
4.3
akṛte vaiśvadeve tu ye bhuñjanti dvijātayaḥ | vṛthā te tena pākena kākayoniṃ vrajanti vai
4.4
annaṃ vyāhṛtibhirhutvā tathā mantraistu śākalaiḥ | annaṃ vibhajya bhūtebhyastato'śnīyādanagnimān
4.5
yo dadyādvalikaiḥ sāṃnāyyaṃ vā nivartate | dṛṣṭo vā'dṛṣṭapūrvo vā sa yajñaḥ sārvakāmikaḥ
4.6
iṣṭo vā yadi vā mūrkho dveṣyaḥ paṇḍita eva vā | prāptastu vaiśvadevānte so'tithiḥ svargasaṃkramaḥ
4.7
dātāraḥ kiṃ vicāreṇa guṇavānnirguṇo bhavet | samaṃ varṣati parjanyaḥ sasyādapi tṛṇādapi
4.8
yānprāsānkṣudhito bhuṅkte te grāsāḥ ṛtubhiḥ samāḥ | grāse tu hayamedhasya phalaṃ prāpnoti mānavaḥ
4.6-2
adbhiśvā''sanavākyaiśca phalaiḥ puṣpairmanoramaiḥ | tṛṇairañjalibhiścaiva devāṃstṛpyetapunaḥ pitṝn
4.10
pitṝnabhyarcayedyastu tasya nāsti susaṃyamaḥ | idaṃ tu paramaṃ guhyaṃ vyākhyātamanupūrvaśaḥ
4.11
svalpagranthaprabhūtārthaṃ śaṅkhena likhitena ca| yathā hi mṛnmaya pātraṃ duṣṭaṃ doṣaśatairapi
4.12
punardāhena śudhyeta dharmaśāstraistathā dvijāḥ | dharmaśāstrapradīpo'yaṃ dhāryaḥ pathyānudeśikaḥ
4.13
niṣyandaṃ sarvaśāstrāṇāṃ vyādhīnāmiva bheṣajam
4.14
parapākanivṛttasya parapākaratasya ca | apaṃcasya tu bhuktvā'nnaṃ dvijaścāndrāyaṇaṃ caret
4.15
parānnena tu bhuktena maithunaṃ yo'dhigacchati | yasyānaṃ tasya te putrā annācchukraṃ pravartate
4.16
annāttejo manaḥ prāṇāścakṣuḥ śrotraṃ yaśo balam | dhṛtiṃ śrutiṃ tathā śuklaṃ parānnaṃ varjayedbudhaḥ
4.17
parānnaṃ paravastraṃ ca parayānaṃ parastriyaḥ | paraveśmani vāsaśca śakrasyāpi śriyaṃ haret
4.18
āhitāgnistu yo viprā matsyamāṃsāni bhojayet | kālarūpī kṛṣṇasarpo jāyate brahmarākṣasaḥ
4.16-2
āhitāgnistu yo vipraḥ śūdrānnāni ca bhuñjate | pañca tasya praṇaśyanti ātmā brahma trayo'gnayaḥ
4.20
etadarthaṃ viśeṣeṇa brāhmaṇānpālayennṛpaḥ
4.21
pratyūṣe ca pradoṣe ca yadadhīye ta brāhmaṇaḥ | tena rāṣṭraṃ ca rājyaṃ ca vardhate brahmatejasā
4.22
agraṃ vṛkṣasya rājāno mūlaṃ vṛkṣasya brāhmaṇāḥ | tasmānmūlaṃ na hiṃsīyānmūlādagraṃ prarohati
4.23
phalaṃ vṛkṣasya rājānaḥ puṣpaṃ vṛkṣasya brāhmaṇāḥ | tasmātpuṣpaṃ na hiṃsīyātpuṣpātsaṃjāyate phalam
4.24
gāvo bhūmiḥ kalatraṃ ca brahmasvaharaṇaṃ tathā | yastu na trāyate rājā tamāhurbrahmaghātakam
4.25
durbalānāmanāthānāṃ bālavṛddhatapasvinām | anyauryaiḥ paribhūtānāṃ sarveṣāṃ pārthivo gati
4.26
rājā pitā ca mātā ca rājā ca paramodguruḥ | rājā ca sarvabhūtānāṃ paritrātā gururmataḥ
4.27
dāvāgnidavadagdhānāṃ rājño pūrṇamivāmbhasā
4.28
pakṣiṇāṃ balamākāśaṃ matsyānāmudakaṃ balam | durbalasya balaṃ rājā bālasya ruditaṃ balam
4.26-2
balaṃ mūrkhasya maunatvaṃ taskarasyānṛtaṃ balam | ete rājabalāḥ sarve yajñena parirakṣitāḥ
4.30
dahatyagnistejasā ca sūryo dahati raśminā | rājādahati daṇḍena vipro dahati manyunā
4.31
manyupraharaṇā viprāścakrapraharaṇo hariḥ | cakrāttīkṣṇataro manyustasmādviprānna kopayet
4.32
agnidagdhaṃ praroheta sūryadagdhaṃ tathaiva ca | daṇḍyastu saṃpraroheta brahmaśāpahato hataḥ
4.32.p1
oṃ tatsadbrahmaṇe namaḥ
maharṣeratripraṇītā
atrismṛtiḥ
4.32.p2
tatra prathamo'dhyāyaḥ
Linked texts (4)
- Bhṛgusaṃhitā — Bhṛgu, Sanskrit
- Prakīrṇādhikāra — Bhṛgu, Sanskrit
- Garuḍapurāṇa — Vyāsa, Sanskrit
- Smṛtimuktāphala — Vaidyanātha Dīkṣita 1575, Sanskrit