Ashtadashasmriti 46: ( atha tṛtīyo'dhyāyaḥ | )
Aṣṭādaśasmṛti 46
- Language
- Sanskrit
Contents
- 46.17 — 1 part
( atha tṛtīyo'dhyāyaḥ | )
46.1
gṛhastho brahmacārī vā vanavāsaṃ yadā''caret | cīravalkaladhārī syādakṛṣṭānnāśano muniḥ
46.2
gatvā ca vijanaṃ sthānaṃ pañca yajñāna hāpayet | agnihotraṃ ca juhuyādagnīnnīvārakādibhiḥ
46.3
śrāvaṇenāgnimādāya brahmacārī vane sthitaḥ | pañcayajñavidhānena yajñaṃ kuryādatandritaḥ
46.4
saṃcitaṃ tu yadāraṇyaṃ bhuktyarthaṃ vidhivadvane | tyajedāśvayuje māsi vanyamanyatsamāharet
46.5
ākāśaśāyī varṣāsu hemante ca jaleśayaḥ grīṣme pañcāgnimadhyastho bhavennityaṃ vane vasan
46.6
kṛcchraṃ cāndrāyaṇaṃ caiva tulāpuruṣameva ca | atikṛcchraṃ prakurvīta tyaktvā kāmāñśucistataḥ
46.7
trisaṃdhyaṃ snānamātiṣṭhetsahiṣṇurbhūtajāṃguṇān | pūjayedatithīṃścaiva brahmacārī vanaṃ gataḥ
46.8
pratigrahaṃ na gṛhṇīyātpareṣāṃ kiṃcidātmavān | dātā caiva bhavennityaṃ śraddadhānaḥ priyaṃvadaḥ
46.6-2
rātrau sthaṇḍilaśāyī syātprapadaistu dinaṃ kṣipet | vīrāsanena tiṣṭhedvā kleśamātmanyacintayan
46.10
keśaromanakhaśmaśru na chindyāccāpi kartayet | tyajañśarīrasauhārdaṃ vanavāsarataḥ śuciḥ
46.11
catuṣprakāraṃ bhidyante munayaḥ saṃśitavratāḥ | anuṣṭhānaviśeṣeṇa śreyāṃsteṣāṃ paraḥ paraḥ
46.12
vārṣikaṃ vanyamāhāramāhṛtya vidhipūrvakam | vanasthadharmamātiṣṭhannayetkālaṃ jitendriyaḥ
46.13
bhūrisaṃvārṣikaścāyaṃ vanasthaḥ sarvakarmakṛt | ādehapatanaṃ tiṣṭhetkāṅkṣanmokṣaṃ dṛḍhavrataḥ
46.14
ṣaṇmāsāṃstu tataścānyaḥ pañcayajñakriyāparaḥ | kāle caturthe bhuñjāno dehaṃ tyajati dharmataḥ
46.15
triṃśaddinārthamāhṛtya vanyānnāni munivrataḥ | nirvartya sarvakāryāṇi syācca ṣaṣṭhānnabhojanaḥ
46.16
dinārthamannamādāya pañcayajñakriyāparataḥ | sadyaḥ prakṣālako nāma caturthaḥ parikīrtitaḥ
46.17
evamete hi vai mānyā munayaḥ saṃśitavratāḥ
46.17.p1
iti vaiṣṇave dharmaśāstre tṛtīyo'dhyāyaḥ || 3