Ashtadashasmriti 48: ( atha pañcamo'dhyāyaḥ | )
Aṣṭādaśasmṛti 48
- Language
- Sanskrit
( atha pañcamo'dhyāyaḥ | )
48.1
rājñāṃ tu puṇyavṛttānāṃ trivargaparikāṅkṣiṇām | vakṣyamāṇastu yo dharmastattvatastaṃ nibodhata
48.2
tejaḥ satyaṃ dhṛtirdākṣyaṃ saṃgrāmeṣvanivartitā | dānamīśvarabhāvaśca kṣatradharmaḥ prakīrtitaḥ
48.3
kṣatriyasya paro dharmaḥ prajānāṃ paripālanam | tasmātsarvaprayatnena rakṣennṛpatiḥ prajāḥ
48.4
trīṇi karmāṇi kurvīta rājanyastu prayatnataḥ | dānamadhyayanaṃ yajñaṃ tapoyoganiṣevaṇam
48.5
brāhmaṇānāṃ ca saṃtuṣṭimācaretsatataṃ tathā | teṣu tuṣṭeṣu niyataṃ rājyaṃ kośaśca vardhate
48.6
vāṇijyaṃ karṣaṇaṃ caiva gavāṃ ca paripālanam | brāhmaṇakṣatrasevā ca vaiśyakarma prakīrtitam
48.7
khalayajñaṃ kṛṣīṇāṃ ca goyajñaṃ caiva yatnataḥ | kuryādvaiśyaśca satataṃ gavāṃ ca śaraṇaṃ tathā
48.8
brāhmaṇakṣatravaiśyāṃśca carennityamamatsaraḥ | kurvaṃstu śūdraḥ śuśrūṣāṃ lokāñjayati dharmataḥ
48.6-2
pañcayajñavidhānaṃ tu śūdrasyāpi vidhīyate | tasya prokto namaskāraḥ kurvannityaṃ na hīyate
48.10
śūdro'pi dvividho jñeyaḥ śrāddhī caivetarastathā | śrāddhī bhojyastayorukto hyabhojyo hītaraḥ smṛtaḥ
48.11
prāṇānarthāṃstathā dārānbrāhmaṇāya nivedayet | sa śūdrajātirbhojyaḥ syādabhojyaḥ śeṣa ucyate
48.12
kuryācchūdrastu śuśrūṣāṃ brahmakṣatraviśāṃ kramāt | kuryāduttarayorvaiśyaḥ kṣatriyo brāhmaṇasya tu
48.13
āśramāstu trayaḥ proktā vaiśyarājanyayostathā | pārivrājyāśramaprāptirbrāhmaṇasyaiva coditā
48.14
āśramāṇāmayaṃ dharmo mayā proktaḥ sanātanaḥ | yadatrāviditaṃ kiṃcittadanyebhyo gamiṣyatha
Linked texts (1)
- Smṛtīnāṃ Samuccayaḥ — Sanskrit