Ashtadashasmriti 55

Aṣṭādaśasmṛti 55

Language: Sanskrit

55.16-2 — 1 part

55.p1

atha puṃsavanānavalobhanasīmantonnayanaprakaraṇam 4

55.1

kuryātpuṃsavanaṃ māsi tṛtīye'navalobhanam | sīmantonnayanaṃ caiva caturthe māsi tadbhavet

55.2

no cetṣaṣṭhe'ṣṭame vā'pi karttavyaṃ taddvayaṃ ca hi | tāvadeva bhavetkecidyāvatsyādgarbhadhāraṇam

55.3

puṣyādityāśvinīhastavidhimūlottarābhagaḥ | haripūṣānurādhāśca śastaṃ puṃsavanādikam

55.4

kṛtvā''bhyudayikaṃ śrāddhaṃ caturthyantaṃ ca pūrvvavat | dadhimādhau yavaṃ tasyā nidhāya prahṛtau ca tān

55.5

triḥpibetkiṃ pibasīti patiḥ puṃsavanaṃ hi sā | procyāpaḥ punareva syāttrivāraṃ punarācamet

55.6

siñcedūrvārasaṃ tasyā dakṣiṇe nāsikāpuṭe | ā te garbha iti dvābhyāṃ sūktābhyāṃ tāvaducyate

55.7

prajāpataye svāheti juhuyādāhutiṃ caroḥ | gurviṇyā hṛdayaṃ spṛṣṭvā yatta mantramudīrayet

55.8

dhātā dadātu mantrau dvau tathā rākāmahaṃ ca tau | nejameṣatrayo mantrā eko mantraḥ prajāpateḥ

55.6-2

aṣṭāvājyāhutīhutvā triśuklaśalalīkuśaiḥ | audumbareṇa yugmena glapsne na saphalena ca

55.10

pūrṇasūtrāvṛteneha sahaivekatra meva ca | trivṛndhyeti garbhiṇyāḥ sīmantena samūlataḥ

55.11

kṛtakeśavibhāgaṃ syādyoṣidbhālāgrabhāgataḥ | sīmantaṃ sadhavācihnaṇaṃ sadā saubhāgyadāyakam

55.12

tiṣṭhanpaścādrāṅmukho'gneruccaranbhūrbhuvaḥ svarom | caturthyomūḍhataṃ kṛtvā vidyāyāṃ tu nirudhyate

55.13

sāmasvareṇa mantraṃ ca somaṃ rājānamuccaret | samīpasthanadīnāma samuccārya namedatha

55.14

patiputravatī nārī garbhiṇyā mupadeśayet | mā kuru kleśadaṃ karma garbhasaṃrakṣaṇaṃ kuru

55.15

tataḥ sviṣṭakṛdādi syāddhomaśeṣaṃ samāpayet | pūrvavatphaladānāni kṛtvā''cāryāya dakṣiṇām

55.16

vṛṣabhaṃ dhenusaṃyuktaṃ dadyādvibhavasārataḥ | bhojayecchaktito viprānkarmasādguṇyahetave

55.17

prāśanaṃ yatpuṃsavanaṃ homaścānavalobhanam | pratigarbhamidaṃ kuryādācāryaireha bhāṣitam

55.18

ājyahomaśca śalalīkuśamyapsu nimajjanam | sīmantonnayanaṃ tacca pratigarbhaṃ na hi smṛtam

55.16-2

pradhānaṃ puṃsavanaṃ na syādaṅgaṃ cānavalobhanam | sīmantaṃ ca tathaiva syātkecidunnayanaṃ tathā

55.16-2.p1

ityāśvalāyanadharmaśāstre puṃsavanānavalobhanasīmantonnayana prakaraṇam || 4