Ashtadashasmriti 60

Aṣṭādaśasmṛti 60

Language: Sanskrit

60.22 — 1 part

60.p1

atha caulakarmaprakaraṇam 6

60.1

tṛtīye vatsare caulaṃ bālakasya vidhīyate | śubhe caiva dine māsi vihitaṃ cottarāyaṇe

60.2

kṛtvā''bhyudayikaṃ śrāddhaṃ pūrvedyurapare'hani | prātaḥsaṃdhyādikaṃ kṛtvā nāndī śrāddhaṃ pare'hani

60.3

prāṇānāyamya saṃkalpya kurvīta sthaṇḍilādikam | pātrāsādanaparyantaṃ kṛtvā dhānyāni pūrayet

60.4

kuṃdadagagneḥ śarāveṣu prāksaṃstheṣu naveṣu ca | teṣu vai kramato brīhiyavamāṣatilāṃśca hi

60.5

purataḥ sthe śarāve ca vinyasedvṛṣagomayam | taduttare nave'nyasmiñchamīparṇāni pūrayet

60.6

āghārāntaṃ tataḥ kuryātkṛtvottānāni pūrayet | tataśca juhuyādājyamagniśceti catasṛbhiḥ

60.7

agna āyūṃṣi pavasa ityekā ca prajāpateḥ | etā evopanayane godāne ca vivāhike

60.8

māturaṅkopaviṣṭasya kumārasya tu caiva hi | paścātsthitvā pitā śītaṃ jalamādāya pāṇinā

60.6-2

dakṣiṇenātha savyena pāṇinoṣṇaṃ jalaṃ tathā | dakṣiṇottarayostatra ninayetkeśapakṣayoḥ

60.10

uṣṇena vāyamantreṇa jaladhāre tayośca te | anāmikayā cā''dāya navanītaṃ tathā dadhi

60.11

pradakṣiṇaprakāreṇa vāmakarṇapradeśataḥ | sakeśāndhārayeddbrahma trīṃstrīnprāgagrakānkuśān

60.12

ācāryaśchedayedetānoṣadhe mantramuccaret | kledayeddhāmakarṣaṇtaṃ trirthaivāditiruccaret

60.13

kṣureṇeti ca tīkṣṇena tāmrayuktena caiva hi | cheditānsuta ādāya māturhaste nivedayet

60.14

vinyasettāñchamīparṇaiḥ sahā''naḍuhagomaye | yenāvapatprathmaṃ syāddhena dhātā dvitīyakaḥ

60.15

tṛtīye yena bhūyaśca sarvaireva caturthakam | evaṃ ca dakṣiṇe kṛtvā trivāraṃ tūttare tathā

60.16

yatkṣureṇeti mantreṇa kṣuradhārāṃ jalena ca | nimṛjyenmarma tatkṛtvā nāpitāya pradāpayet

60.17

yāvantaḥ pravarāstasya śikhāmadhye ca pārśvayoḥ | paścātpūrve tathā pañcapravarāṇāṃ śikhāḥ smṛtāḥ

60.18

abhyañjayetkumāraṃ tamānayedagnisaṃghau | tataḥ sviṣṭakṛtaṃ hutvā homaśeṣaṃ samāpayet

60.18-2

yaduktaṃ ca yathākāle kuryātsaṃskārakarma ca
asāmarthyātkṛtaṃ no cedvidhistasya kathaṃ bhavet

60.20

prāyaścittaṃ vidhāyā''dāvekaikasya ca karmaṇaḥ
kṛtvā''dau kṛcchramekaikaṃ luktakarmāṇi kārayet

60.21

mantramekaṃ japettatra tattatkarmaṇi eva hi
vidhivaccaulakarmaivaṃ kṛtvā syādupanāyanam

60.22

caulakarmāditaścaivaṃ yāvadvaivāhikaṃ bhavet
tāvatsyāllaukiko hyagniriti vedavido viduḥ

60.22.p1

ityāśvalāyanasmṛtau caulakarmaprakaraṇam ||6