Ashtadashasmriti 64
Aṣṭādaśasmṛti 64
- Language
- Sanskrit
64.1
)
utsargaṃ ca dvijaḥ kuryātṣaṇmāsa idamaditaḥ | doṣārthaṃ ca hitaṃ caitadadhītānāṃ ca cchandasām
64.2
puṣye caivopalepādi kṛtvā cotpavanāvadhi | saṃkṛtya saktuvaccānnaṃ cakṣuṣyantaṃ ca pūrvavat
64.3
sapta cā''jyāhutīhutvā saktusthāne huneccarum | hutvā sviṣṭakṛtaṃ caiva abhighārya yathāvidhi
64.4
karmotsarge bhavetsarvamupākaraṇavacca hi | prativarṣaṃ dvijaiḥ kāryaṃ prāśanaṃ mārjanaṃ vinā
64.5
tarpayeddevatāḥ sarvāḥ sāvitryādi yathākramam | atra caivāpi sarve'pi brahmayajñāṅgadevatāḥ
64.6
juhuyādbradramāgādīnhomaśeṣaṃ samāpayet | viśeṣaṃ cā''hurācāryāḥ kecidyajñavido viduḥ
64.7
upākarmaṇi cotsarge punaścāpi yathāvidhi | nityakaṃ tarpaṇaṃ kṛtvā brahmayajñapuraḥ saram
Linked texts (3)
- Smṛtīnāṃ Samuccayaḥ — Sanskrit
- Laghvāśvalāyanasmṛti — Sanskrit
- Laghuāśvalāyanasmṛti — Sanskrit