Ashtadashasmriti 74

Aṣṭādaśasmṛti 74

Language: Sanskrit

74.24 — 1 part

74.1

)
sarveṣāṃ caiva varṇānāmuttamo brāhmaṇo yataḥ | kṣettrasya pālayedvipraṃ viprājñāpratipālakaḥ

74.2

sevāṃ caiva tu viprasya śūdraḥ kuryādyathoditam | sarveṣāṃ cāpi vai mānyo vedavidvija eva hi

74.3

yajanādīni karmāṇi kuryādaharahardvijaḥ | dharmo'yaṃ dvijavaryasya paramānandadāyakaḥ

74.4

raṇe dhīro bhavetkṣatrī jayādrājyaṃ ca nairikhaiḥ pālayedvrāhmaṇānsamyakparaṃ tenaiva jeṣyati

74.5

śūdraḥ kuryādvijasyaiva sevāmeva kṛṣiṃ tathā | sukhaṃ tena labhejjranaṃ pravadanti maharṣayaḥ

74.6

brāhmaṇaḥ kṣatriyo vā'pi svadharmeṇānuvartayet | nā''caretparadharmaṃ ca dharmanāśāya cā''tmanaḥ

74.7

snānena ca bahiḥ śuddhirātmajñānena cāntarā | satkarmaṇā dvijaḥ śuddhaḥ sarvakarmasu caiva hi

74.8

svadharmaniyato vipraḥ kurute pātakaṃ tadi | svadharmeṇaiva śuddhena nānyathā śucitāmiyāt

74.9

na spṛśantīha pāpāni brāhmaṇaṃ vedapāragam | kadācitkurute mohātpadmapatre yathā jalam

74.10

aśuciṃ nai spṛśetsnātaḥ karmakāle kacidvijaḥ | prakṣālitāṅghrirācamya karma kartumathārhati

74.11

jṛmbhakāravikāraḥ syātkṣutvā'dhovātanirmitaḥ śleṣmotsāro bhavetkarmakāle cābhyajya śudhyati

74.12

na ca tasyādadhovāyuḥ karmakāle dvijasya yat | kṛtvā śaucaṃ dvirāmamya śiṣṭaṃ karma samāpayet

74.13

udakyāṃ sūtikāṃ caiva patitaṃ śavamantyajam | śvākākarāsabhāṃspṛṣṭvā savāsā jalamāviśet

74.14

tatspṛṣṭinaḥ spṛśedyastu snānaṃ tasya vidhīyate | tadūrdhvaṃ tu samācamya vyavahāre śuciḥ smṛtaḥ

74.15

ucchiṣṭasparśanaṃ cetsyādaśnato yājakasya ca | annaṃ pātrasthamaśnīyānnānyaddadyātkathaṃcana

74.16

kurute vratabhaṅgaṃ yo dvijaścaiva viśeṣataḥ | sa gacchennarakaṃ cā''śu pravadanti maharṣayaḥ

74.17

vedavidvijaharatena sevāṃ saṃgṛhya te yadi | na tasya vardhate dharmaḥ śrīrāyuḥ kṣīyate dhruvam

74.18

yasya kasya naro yastu brūte niṣṭhurabhāṣaṇam | dvijasyeha viśeṣaṃ ca sa ca gacchedadhogatim

74.16-2

kurute yo'pamānaṃ ca brāhmaṇasya viśeṣataḥ | tasyā''yuḥ kṣīyate nūnamāyurlakṣmīśca saṃtatiḥ

74.20

uccālayopaviṣṭasya mā nyānāṃ purato yadi | gacchetsa vipadaṃ nūnamiha cāmutra caiva hi

74.21

paradevārcako viprastadadhīno bhavedyadi | māsatrayaṃ tadannāśī jīvañchūdratvamāpnuyāt

74.22

yaśca karmaparityāgī parādhīnastathaiva ca | adhīto'pi dvijaścaiva sa ca śūdrasamo bhavet

74.23

anadhītya dvijo vedānanyatra kurute śramam | sa jīvanneva śūdratvamāśu gacchati sānvayaḥ

74.24

saṃtuṣṭo yena kenāpi sadācāraparāyaṇaḥ | parādhīno dvijo na syātsa taredbhavasāgaram

74.24.p1

ityāśvalāyanadharmaśāstre varṇadharmaprakaraṇam ||22