Ashtadashasmriti 76
Aṣṭādaśasmṛti 76
- Language
- Sanskrit
Contents
- 76.31 — 1 part
76.p1
atha śrāddhopayogiprakaraṇam 24
76.1
pitṛyajñamakṛtvā tu pitrorekābdikaṃ yadi | yajñānyaḥ kurute paśca sa yāti narakaṃ dhruvam
76.2
kurute brahmayajñaṃ ca śrāddhātpūrvaṃ mṛte'hani | nirāśāḥ pitarastasya śrāddhānnaṃ na labhanti te
76.3
tarpaṇaṃ kurute pitroḥ śrāddhātpūrvaṃ mṛte'hani | nirāśāḥ pitarastasya sa ca gacchedadhogatim
76.4
kuryāttapañca mahāyajñānnivṛtte śrāddhakarmaṇi | pitrorābdika evā''hurācāryāḥ śaunakādayaḥ
76.5
anagniko yadā jyeṣṭhaḥ kaniṣṭhaḥ sāgniko yadi | agnaukaraṇahomaṃ tu jyeṣṭhaḥ kuryātkathaṃcana
76.6
kaniṣṭhasya ca guhyāgnāvagnākaraṇahomakam | tadājñayā'grajaḥ kuryāditi kecidvadanti hi
76.7
saṃsṛṣṭā bhrātaro yatra śrāddhaṃ syuryadi caiva hi | taṃtrāyaṃ munibhiḥ prokto vidhirnaivānyathā bhavet
76.8
bahvṛco brahmacārī vā tathaivānagniko'pi vā | agnaukaraṇahomākhyaṃ kuryācceva pituḥ pare
76.6-2
pañca vā syurdvijāḥ śastā dvau ca pitrormṛte'hani | dvau daive'tha trayaḥ pitrya ekaiko vobhayatra tu
76.10
catvāraśceddvijāḥ śrāddhe daive caiko bhavettadā | trayaḥ pitrye bhavantyeke vadantyeva hi saṃkaṭe
76.11
atha vā'pitrayo vā'pi ekaḥ syātpitṛṣu triṣu | dvau daive caiva tu syātāṃ vipāveke vadanti hi
76.12
dvitīyā''vāhane ṣaṣṭhī saṃkanpe cā''sane caṇe | caturthyācchādane cānne śeṣāḥ saṃbuddhayaḥ smṛtāḥ
76.13
annadāne viśeṣaḥ syātsaṃbuddhiḥ prathamā'tha vā | ante caiva caturthī tu vadantyeke maharṣayaḥ
76.14
devānāmāsanaṃ dadyāddakṣiṇe cā''rvikaṃ kuśān | kṛtvā dviguṇabhugnāṃstānapitṝṇāṃ vāma eva hi
76.15
viprāṃnimantrayecchrāddhe bahvṛcānvedapāragān | tadabhāve tu caivānyaśākhino vā'pi caiva hi
76.16
mantraiścaiva svaśākhoktaiḥ karma kuryādyathāvidhi | anyathā karmahāniḥ syādbahvṛcānāmayaṃ vidhiḥ
76.17
karmaṇāṃ yājuṣādīnāṃ svasvaśākhā na vidyate | ṛkśākhāvihitaṃ karma samānaṃ sarvaśākhinām
76.18
bahvṛcānāṃ tu yatkarma yadi syādanyaśākhayā | punaścaivāpi tatkarma kuryādbahvṛcaśākhayā
76.19
hitvā svasya dvijo vedaṃ yastvadhīte parasya tu | śākhāraṇḍaḥ sa vijñeyaḥ sarvakarmabahiṣkṛtaḥ
76.20
rogādirahito vipro dharmajño vedapāragaḥ | bhuñjīyādamalaṃ śrāddhe sāgnikaḥ putravānapi
76.21
pitṛmāneva bhuñjīyācchrāddhamindukṣaye dvijāḥ | tṛptāḥ syuḥ pitarastena dātā svargamavāpnuyāt
76.22
śrāddhakartā na bhuñjītapara śrāddhe vidhukṣaye | bhuṅkte cetpitaro yānti dātā bhoktā'pyadhogatim
76.23
darśoṣṭi kānvatīpāto vaidhṛtiśca mahālayaḥ yugāśca manavaḥ śrāddhakālāḥ saṃkrāntayastathā
76.24
gajacchāyāyoparāgaśca ṣaṣṭhī yā kapilā tathā | arghodayādayaścaiva śrāddhakālāḥ smṛtā budhaiḥ
76.25
saṃbhūte ca nave dhānye śrotriye gṛhamāgate | ācāryāḥ kecidicchanti śrāddhaṃ tīrthe ca sarvadā
76.26
śrāddhakāleṣu sarveṣu kuryācchrāddhaṃ ca śaktitaḥ | viśeṣato mṛtāhe tu pitroścaiva vidhīyate
76.27
mohānna kurute śrāddhaṃ mātāpitromṛte'hani | nirāśāḥ pitaro yānti durgatiṃ cāpi vai sutaḥ
76.28
ajñānādvā pramādādvā yo mṛtāhamatikramet | sa yāti narakaṃ ghoraṃ yāvadābhūtasaṃplavam
76.29
atikramaṃ mṛtāhasya doṣaḥ syātsūtakaṃ vinā | na kuryācchrāddhamāśauce pravadanti maharṣaḥ
76.30
ācaredvidhivacchrāddhaṃ mātāpitromṛte'hani | pitarastena tṛpyanti gacchanti padamuttamam
76.31
sadācāraparo vipraḥ kṛpāluḥ śrāddhakṛttathā | ātmaniṣṭho'rthalokeṣu tārayeccarati svayam
76.31.p1
ityāśvalāyanadharmaśāstre śrāddhopayogiprakaraṇam ||24
Linked texts (4)
- Laghvāśvalāyanasmṛti — Sanskrit
- Laghuāśvalāyanasmṛti — Sanskrit
- Smṛtīnāṃ Samuccayaḥ — Sanskrit
- Ācārabhūṣaṇa — Tryambaka rāma oka 1794, Sanskrit