Pramāṇa · Search · About · API

Ashtadashasmriti 9

Aṣṭādaśasmṛti 9

Language
Sanskrit

Contents

9.1

na strī duṣyati jāreṇa rna vipro vedapāragaḥ | nā''po mūtrapurīṣeṇa nāgnirdehanakarmaṇā

9.2

balātkāropabhuktā vā caurahastagatā'pi vā | svayaṃ cāpi vipannā vā yadi vā vipravāditā

9.3

na tyājyā dūṣitā nārī nāsyāstyāgo vidhīyate | puṣpakālamupāsītavā ṛtukālena śuṣyati

9.4

striyaḥ pavitramatulaṃ naitā duṣyanti kenacit | māsi māsi rajo hyāsāṃ duṣkṛtānyapakarṣati

9.5

pūrvaṃ striyaḥ surairbhuktāḥ somagandharvavahnibhiḥ | bhujyante mānuṣaiḥ paścānnraitā duṣyanti karhicit

9.6

asavarṇona yo garbhaḥ strīṇāṃ yonau niṣicyate | aśuddhā tu bhavennārī yāvacchalyaṃ na muñcati

9.7

niḥsṛte tu tataḥ śalye rajaso'pīha darśanāt | tataḥ sā śudhyate nārī vimalā kāñcanopamā

9.8

somaḥ śaucaṃ dadau tāsāṃ gandharvvaśca śubhāṃ giram | pāvakaḥ sarvamedhyatvaṃ tasmānniṣkalmaṣāḥ striyaḥ

9.6-2

vyañjaneṣu ca jāteṣu somo bhuṅkte ca kanyakām | payodhareṣu gandharvā rajasyagniḥ pratiṣṭhitaḥ

9.10

bhasmanā śudhyate kāṃsyaṃ tāmramamlena śudhyati | rajasā śudhyate nārī nadī vegena śudhyati

9.11

gokarīṣeṇa rajataṃ suvarṇaṃ cāpi vāriṇā | ākarāḥ śucayaḥ sarve varjayitvā surākaram

9.12

āsanaṃ śayanasthānaṃ strīmukhaṃ kutapaḥ khuram | na dūṣayanti vidvāṃso yajñeṣu camasaṃ yathā

9.13

makṣikā saṃtatirdhārā bhūmastoyaṃ hutāśanaḥ | mārjāraścaiva darvī ca nakulaśca sadā śuciḥ

9.14

vatsaḥ prasravaṇe medhyaḥ śakuniḥ phalapātane | striyaśca ratisaṃyoge śvā mṛgagrahaṇe śuciḥ

9.14.p1

pāduke khañjato medhye uttamāṅge (duṣṭamārge) hyupānahau | vastraṃ kaupīnake medhyaṃ striyo medhyāstu sarvataḥ
ajāśvau mukhato medhyau gāvo medhyāstu pṛṣṭhataḥ | brāhmaṇāḥ pādato medhyāḥ striyo medhyāstu sarvataḥ

9.14.p2

ityātreye dharmaśāstre pañcamo'dhyāyaḥ ||5

Linked texts (5)