[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Smṛti compilations and summaries](https://indike.org/pramana/in.niti.dharma.nibandha.smrtisamgraha) › [Smritisaroddhara](https://indike.org/pramana/in.niti.dharma.nibandha.smrtisamgraha.smrtisaroddhara) › 1.p204 # Smritisaroddhara 1.p204 Smṛtisāroddhāra 1.p204 - **Language:** Sanskrit ### [1.p204](https://indike.org/pramana/in.niti.dharma.nibandha.smrtisamgraha.smrtisaroddhara.1.p204) atha śrāddhakālānāha yājñavalkyaḥ | 'amāvāsyāṣṭakā vṛddhiraḥ kṛṣṇapakṣo'yanadvayam| dravyaṃ brāhmaṇasampattirviṣuvatsūryasaṃkramaḥ | vyatīpāto gajacchāyā grahaṇaṃ candrasūryayoḥ | śrāddhaṃ prati ruciścaiva śrāddhakālāḥ prakīrttitāḥ' | atra mārgādipañcamāsakṛṣṇāṣṭamyo'ṣṭakāḥ | taduktaṃ kālādarśe | 'mārgaśīrṣe ca pauṣe ca māghe prauṣṭhe ca phālgune | kṛṣṇapakṣeṣu pūrvedyuraṣṭakānvaṣṭakāparā' | nanu tisroṣṭakā iti viṣṇusūtravirodha iti cetsatyam | viṣṇusūtraṃ hi mārgapauṣayorhemantatvena māghaphālgunayoḥ śiśiratvenaikatvātsaṃgraheṇoktam 'tisroṣṭakā iti | tena hemantāṣṭakā śiśirāṣṭakā bhādrāṣṭakā ceti saṃgṛhya tisroṣṭakāḥ, tritvasaṃkhyāyā abhidhāne kiṃ kāraṇamiti cet | idantu devatāviśeṣe dravyaviśeṣe ca tritvābhidhānamevāṣṭakāyāstritvābhidhāne kāraṇaṃ, taduktaṃ vāyupurāṇe | 'pitṛdānāya mūlaṃ syuraṣṭakāstistra eva ca | kṛṣṇapakṣe variṣṭhā hi pūrvā caindrīti bhāṣyate | prājāpatyā dvitīyā hi tṛtīyā vaiśvadevakī | ādyā pūpaiḥ sadā kāryyā māṃsairanyā bhavettathā | śākaiḥ kāryyā tṛtīyā syādeṣa dravyagato vidhiḥ' | pūrvā mārgapauṣayoraṣṭamī | dvitīyā māghaphālgunayoḥ | tṛtīyābhādrasyetyarthaḥ | ādyā hemantāṣṭamī, anyā śiśirāṣṭamī | tṛtīyā varṣāṣṭamīti tritvasaṃkhyā nānupapannā | āśvalāyanastu catasro'ṣṭakā āha | hemantaśiśirayoścaturṇāmaparapakṣāṇāṃ aṣṭamīṣvaṣṭakā' iti | gajacchāyā tu | 'yadenduḥ pitṛdaivatye haṃse caiva karasthite | trayodaśī gajacchāyā śrāddhe puṇyairavāpyate' || atra prāsaṅgikāḥ śrāddhapradeśā ucyante | viṣṇudharmottre | 'dakṣiṇapravaṇe deśe tīrthādau vā gṛhepi vā | bhūsaṃskā- - [Previous: 1.p203](https://indike.org/pramana/in.niti.dharma.nibandha.smrtisamgraha.smrtisaroddhara.1.p203) - [Next: 1.p205](https://indike.org/pramana/in.niti.dharma.nibandha.smrtisamgraha.smrtisaroddhara.1.p205) - [Up: 1](https://indike.org/pramana/in.niti.dharma.nibandha.smrtisamgraha.smrtisaroddhara.1) ## Linked texts (2) - [Cakranārāyaṇīyanibandha](https://indike.org/pramana/in.niti.dharma.nibandha.mahanibandha.cakranarayaniyanibandha.1.p204) — Viśvambharatrivedin 1600, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.1.p24) — Divākarabhaṭṭa 1655, Sanskrit --- Source: [https://indike.org/pramana/in.niti.dharma.nibandha.smrtisamgraha.smrtisaroddhara.1.p204](https://indike.org/pramana/in.niti.dharma.nibandha.smrtisamgraha.smrtisaroddhara.1.p204) · Pramāṇa