Smritisaroddhara 1.p97
Smṛtisāroddhāra 1.p97
- Language
- Sanskrit
1.p97.1
tv | pratyahaṃ homaḥ kāryyaḥ | taduktam | vāyavyairvāruṇaiḥ śauraiḥ śākramantraiśca vaiṣṇavaiḥ | vaiśvadevaistathāgneyairhomaḥ kāryo dine dine || turaṅgā rakṣaṇīyāstu puruṣaiḥ śastrapāṇibhiḥ | naca tāḍyāḥ kvacittatra naca vāhyāḥ kathaṃcana || tatra navarātre | durbalāni hi rakṣāṃsi pratyūṣe brahmatejasā | bhavanti kasmātpratyūṣe snāpayetpāyayeddhayān || purohitastu dvikālaṃ tarpayitvā dvijottamān | puṇyāhaṃ kārayennityaṃ svastyāśīrmaṅgalairyutam || atra prasaṅgātkuṇḍamaṇḍapādividhirvistarabhayādanupayuktatvācca neha prapañcitaḥ | pratāpamārttaṇḍe madīye ca navarātrakṛtyasaṃjñake granthe'nusandheyaḥ | dhṛtapalyayanānaśvān gajāṃśca samalaṅkṛtān | bhrāmayennagare nityaṃ nandighoṣapuraḥsaram || pratyahaṃ nṛpatiḥ snātvā saṃpūjya pitṛdevatāḥ | pūjayedrājyacinhāni phalamālyavilepanaiḥ || tasyābhisāraṇādrājño vijayaḥ samudāhṛtaḥ | pūjāmantrānpravakṣyāmi purāṇoktānahantava || yaiḥ pūjitāḥ prayacchanti kīrttimāyuryaśo balam | tatrādau chatramantraḥ | yathāmbudāśchādayanti śivāyaimāṃ vasundharām | tathā cchādaya rājānaṃ vijayārogyavṛddhaye || cāmaramantraḥ | śaśāṅkakarasaṅkāśa kṣīraḍiṇḍīrapāṇḍura | protsārayāśu duritaṃ cāmarāmaravallabha || athāśvapūjā | tatra prathamaṃ revantapūjā | namo devādidevāya turaṅgabaladhāriṇe | sūryyaputrāya devāya turaṅgāṇāṃ hitāya ca || turaṅgarūrirakṣatvaṃ mṛgayopari dhāvasi | satvaraṃ svādhipaṃ rakṣa śaraṇaṃ tvāṃ vrajāmyaham || mantrāntaram | sūryyaputra mahābāho chāyāhṛdayanandana | śāntiṃ kuru turaṅgāṇāṃ revantāya namonamaḥ || athoccaiḥśravaḥpūjā |
1.p97.2
dugdhāmbhonidhisambhūta devendravijayāvaha, | uccaiḥśravo namastubhyaṃ vājivṛndaṃ prayaccha me || atha pratyakṣāśvamantraḥ | gandharvvakulajātastvaṃ mā bhūyāḥ kuladūṣakaḥ | brahmaṇaḥ satyavākyena somasya varuṇasya ca || prabhāvācca hutāśasya varddhaya tvaṃ turaṅgamān | tejasā caiva sūryyasya munīnāṃ tapasā tathā || rudrasya brahmavīryeṇa pavanasya balena ca | smara tvaṃ rājaputrosi kaustubhaṃ ca maṇiṃ smara || yāṃ gatiṃ brahmahā gacchenmātṛhā bhrātṛhā tathā | bhūmihā vanadāhī ca kṣatriyaśca parāṅmukhaḥ || sūryyācandramasau vāyuryāvatpaśyanti duṣkṛtam | vrajāśva tāṃ gatiṃ kṣipraṃ tacca pāpaṃ bhavettava || niṣkṛnto yadivā cchinno yuddhe'dhvani turaṅgama | ripūnvijitya samare saha bhartrā sukhī bhava || dhvajamantraḥ | śakraketo mahāvīrya śyāmavarṇā'rcayāmyaham | pārijāta namastestu tathā nārāyaṇadhvaja || garutmanmārutagatistvayi sannihito yataḥ | sāravantyāyudhānyatra rakṣa tvaṃ ca ripūndaha || atha patākāmantraḥ | hiraṇyakaśiporyuddhe yuddhe devāsure tathā | kālanemivadhe yacca tathā tripuraghātane || śobhitāsi tathaivādya śobhayāsmām̐śca saṃsmara | pūtanārevatīnāmnā kālarātriśca yā smṛtā || dahasvāśu ripūnsarvvānnapatāke tvaṃ mayārcitā | atha hastimantraḥ | kumudairāvaṇaḥ padmaḥ puṣpadantotha vāmanaḥ | supratīkoṃjano nīla ete'ṣṭau devayonayaḥ || teṣāṃ putrāśca pautrāśca vanānyaṣṭau samāśritāḥ | madro bhadro gajaścaiva rājāsaṅkīrṇa eva ca || vane vane prasūtā ye yūthāni sumahānti ca | yāntu tvāmvasavo rudrā ādityāśca marudgaṇāḥ ||
1.p97.3
bhartāraṃ gaccha nāgendra svāmī ca pratipālyatām | avāpnuhi jayaṃ yuddhe gamane svastito vraja || atha khaḍgamantraḥ | asirviśasanaḥ khaṅgastīkṣṇadhāro durāsadaḥ | śrīgarbho vijayaścaiva dharmadhārastathaiva ca || ityaṣṭau tava nāmāni svayamuktāni vedhasā | nakṣatraṃ kṛttikā te tu gururdevo maheśvaraḥ || hiraṇyaṃ ca śarīraṃ te dhātā devo janārdanaḥ | pitā pitāmaho devastvaṃ māṃ pālaya sarvadā || iyaṃ yena dhṛtā kṣoṇī hataśca mahiṣāsuraḥ | tīkṣṇadhārāya śuddhāya tasmai khaṅgāya te namaḥ || atha cāpamantraḥ | sarvāyadhamahābhāga sarvadevārisūdana | cāpa māṃ sarvadā rakṣa sākaṃ śāyakasattamaiḥ || dhṛtaṃ kṛṣṇena rakṣārthaṃ saṃhārārthaṃ hareṇa ca | trayīmūrttigataṃ devaṃ dhanūratnaṃ namāmyaham || atha cchurikāmantraḥ | sarvāyudhānāṃ prathamaṃ nirmitāsi pinākinā | śūlāyudhādviniṣkṛṣya kṛtvā muṣṭigrahaṃ śubham || caṇḍikāyāḥ pradattāsi sarvaduṣṭanibarhiṇī | tayā vistāritā cāsi devānāṃ pratipāditā || sarvasatvāṅgabhūtāsi sarvāśubhanivāriṇī | churike rakṣa māṃ nityaṃ śāntiṃ yaccha namostu te || atha kaṭāramantraḥ | rakṣāṅgāni gajān rakṣa rakṣa vājidhanāni ca | mama dehaṃ sadā rakṣa kaṭāraka namostu te || atha kuntamantraḥ || kuntāyudha mahāvīra ripusainyavidāraṇa | gṛhāṇa jīvitaṃ teṣāṃ mama sainyaṃ ca rakṣa mām || pāśamantraḥ | pāśa ghātaya śatrūṃstvamanayā lokamāyayā | gṛhāṇa jīvitaṃ teṣāṃ mama sainyaṃ ca rakṣa mām || atha carmamantraḥ | śarmapradastavaṃ samare carmansatyaṃ yathodite | rakṣa māṃ rakṣaṇīyo'haṃ tāpanīya namostu te || kanakadaṇḍamantraḥ |
1.p97.4
protsāraṇāya śatrūṇāṃ sādhūnāṃ rakṣaṇāya ca | brahmaṇā nirmitaścāsi vyavahāraprasiddhaye || yaśo dehi sukhaṃ dehi jayado bhava bhūpateḥ | tāḍayasva ripūnsarvāṃnhemadaṇḍa namostu te || atha dundubhimantraḥ | dundubhe tvaṃ sapannānāṃ ghoro hṛdayadāraṇaḥ | bhava bhūmipasainyānāṃ tathā vijayavarddhanaḥ || yathā jīmūtaghoṣeṇa hṛṣyanti ca varāṅganāḥ | tathāstu tava
Linked texts (2)
- Cakranārāyaṇīyanibandha — Viśvambharatrivedin 1600, Sanskrit
- Bhagavantabhāskara — Nīlakaṇṭha Dīkṣita 1625, Sanskrit