[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Smṛti compilations and summaries](https://indike.org/pramana/in.niti.dharma.nibandha.smrtisamgraha) › [Smritisaroddhara](https://indike.org/pramana/in.niti.dharma.nibandha.smrtisamgraha.smrtisaroddhara) › 2.p80.4 # Smritisaroddhara 2.p80.4 Smṛtisāroddhāra 2.p80.4 - **Language:** Sanskrit ### [2.p80.4](https://indike.org/pramana/in.niti.dharma.nibandha.smrtisamgraha.smrtisaroddhara.2.p80.4) nādyācchūdrasya pakvānnaṃ vidvānaśrāddhino dvijaḥ | ādadītāmamevāsmādvṛttamekarātrikam' || aśrāddhino nityaśrāddharahitasya | vasiṣṭhaḥ | 'śūdrānnenodarasthena yaḥkaścinmriyate naraḥ | juhuyādvā japedvāpi gatimiṣṭāṃ na vindati | śūdrānnena tu bhuktena maithunaṃ yo'dhigacchati | yasyānnaṃ tasya te putrā naca svargārhakobhavet | atra śūdrānnamasaṃkalpitaṃ | śūdrānnaṃ saṃkalpitaṃ cet tadā tasya śūdrānnatvābhāva itidhyeyam || bhaviṣye | 'upakṣepeṇa dharmeṇa śūdrānnaṃ yaḥ pacedvijaḥ | abhojyaṃ tadbhavedannamiti śātātapo'bravīt || abhojyaṃ brāhmaṇasyānnaṃ vṛṣalena nimaṃtritam' | upakṣeponāma śūdreṇa dharmārthaṃ brāhmaṇāyānnasamarpaṇam || baudhāyanaḥ| 'yathā yatastato'pyāpaḥ śuddhiṃ yāṃti mahīṃgatāḥ | śūdrādvipragṛheṣvannaṃ praviṣṭaṃ ca tathāśuci| etatpratigraheṇa yallabdhaṃ tatparaṃtatra śūdrasatvanivṛtteḥ| pratiprasavamāha yājñavalkyaḥ | 'śūdreṣu dāsagopālakulamitrārddhasīriṇaḥ | bhojyānnā nāpitaścaiva yaścātmānaṃ nivedayet' || dāsā garbhadāsādayaḥ | gopālo gopālanavṛttiḥ | kulamitraṃ pitṛpitāmahādimitraṃpitṛpitāmahādikam | arddhasīrī saṃbhūyakarṣakaḥ || yaśca tavāhmiti bhaktyātmanivedakaḥ | cakārātkumbhakāraḥ | gopanāpitakumbhakāretyādivacanāt || yājñavalkyaḥ | 'kadaryyabaddhacaurāṇāṃ klībaraṅgāvatāriṇām | vaiṇābhiśastavārddhuṣyagaṇikāgaṇadīkṣiṇāṃ | cikitsakāturakruddhapuṃścalīmattavidviṣām | krūroyapatitavrātyadāmbhikocchiṣṭabhojinām || avīrāstrīsvarṇakārastrījitagrāmayājinām | śastravikrayakarmmāratunnavāyaśvavṛttinām | nṛśaṃsarājarajakakṛtaghnabadhajīvinām | - [Previous: 2.p80.3](https://indike.org/pramana/in.niti.dharma.nibandha.smrtisamgraha.smrtisaroddhara.2.p80.3) - [Next: 2.p80.5](https://indike.org/pramana/in.niti.dharma.nibandha.smrtisamgraha.smrtisaroddhara.2.p80.5) - [Up: 2.p80](https://indike.org/pramana/in.niti.dharma.nibandha.smrtisamgraha.smrtisaroddhara.2.p80) ## Linked texts (3) - [Skandamahāpurāṇa (vulgate)](https://indike.org/pramana/in.purana.skanda*vulgate.16.206.6) — Sanskrit - [Cakranārāyaṇīyanibandha](https://indike.org/pramana/in.niti.dharma.nibandha.mahanibandha.cakranarayaniyanibandha.2.p80.4) — Viśvambharatrivedin 1600, Sanskrit - [Śūdrācāraśiromaṇi](https://indike.org/pramana/in.niti.dharma.acara.sudradharma.sudracarasiromani.5.p33) — Kṛṣṇaśeṣa 1520, Sanskrit --- Source: [https://indike.org/pramana/in.niti.dharma.nibandha.smrtisamgraha.smrtisaroddhara.2.p80.4](https://indike.org/pramana/in.niti.dharma.nibandha.smrtisamgraha.smrtisaroddhara.2.p80.4) · Pramāṇa