Baudhayanaprayogamala 11
Baudhāyanaprayogamālā 11
- Language
- Sanskrit
Contents
11.1
atha prayogaḥ || yadi
dampatyoḥ saha pravāse punarhomakālātprāgevāgatya agnimupatiṣṭhate || oṃ mama̱ nāma̍ pratha̱maṃ jātavedaḥ pi̱tā mā̱tā ca̍ dadhaturyadagraiṃ || tattvaṃ bibhṛhi
puna̱rāmadaito̱stattvā̱haṃ nāma̍ bibharāṇyagne̍ || mama̱ nāma̱ tava̍ ca jātavedo vāsa̍sī iva vi̱vasā̍nau ye carā̍vaḥ || āyu̍ṣe tvaṃ jīvase̍ va̱yaṃ ya̍thāya̱thaṃ vipari̍dadhāvahai puna̱ste || iti dvābhyāmupasthāya || samapte agne tisrastantumatīrmanojyotirvyāhṛtibhiśca caturgṛhītaṃ juhuyāt || atha yadyagniḥ
śvavarahitasūtakagṛhe vasettamādāya āpohiṣṭheti tisṛbhiḥ, dadhikrāṇṇaḥ ityekena || oṃ agna̱ āyū̍ṃṣi pavasa̱ āsuvorja̱miṣa̍ṃcranaḥ || ā̱rebā̍dhasva
ducchunā̱m̐ svāhā̍ || agnaya idam
11.2
oṃ agne̱ parva̍sva̱ svapā̍ a̱sme varca̍ḥ su̱vīrya̍m || dadha̍dra̱yiṃ mayi̱ poṣa̱ṃ svāhā̍ || agnaya idam
11.3
oṃ agna̍ pāvaka ro̱ciṣā̍ ma̱ndrayā̍ deva ji̱hvayā̍ || āde̱vānva̍kṣi̱ yakṣi̍ ca̱ svāhā̍ || agnaya idam
11.4
oṃ sana̍: pāvakadīdivo'gne̍ de̱vām̐2
i̱hāva̍ha || upa̍ya̱jñam̐ha̱viśca̍na̱ḥ svāhā̍ || agnaya idam
11.5
oṃ a̱gniḥ śuci̍: vratatama̱ḥ śuci̱rvipra̍: śuci̍: ka̱viḥ || śucī̍rocata āhu̍taḥ
svāhā̍ || agnaya idam
11.6
oṃ urda̍gne̱ śuca̍ya̱stava̍ śukrā bhrāja̍nta īrate || tava̱ jyotī̍m̐ṣyarcaya̍: svāhā̍ || agnaya idam
11.65.1
iti daśabhirjuhuyāt || āpohiṣṭheti tisṛṇāṃ admya idam !! anyasyāḥ dadhikrāvṇa idam || atha candroparāge || oṃ a̱psu me̍
somaḥ0 || oṃ āpyā̍yasva̱0 || oṃ āpyā̍yasva madintama̱ soma̱ viśvā̍bhiḷū̱tibhi̍: || bhavā̍naḥ su̱praśa̍stama̱ḥ svāhā̍ || sarvatra somāyedam
atha sūryoparāge || oṃ āsa̱tyena̱ raja̍sā̱0 || savitre de̱vāyedam || oṃ uddva̱yanta̱rmasa̱spari̍0 || sūryāya jyotiṣa idam || oṃ
udu̱tyaṃ jā̱tave̍dasaṃ0 || sūryāyedam || oṃ citraṃ de̱vānā̍ṃ0 || sūryāyedam || mahāvyāhṛtīnvyāhṛtīśca juhuyāt || atha nadyuttaraṇe
oṃ sa̱mu̱drāya̍ vayu̱nā̍ya̱ sindhū̍nā̱ṃ pata̍ye̱ nama̍: || na̱dīnā̍m̐sarvā̍sāṃ pi̱tre ju̍hutā vi̱śvakarma̍ṇe vi̱śvāhāmartya̍m̐ha̱viḥ svāhā̍ || samudrāya sindhūnāṃ
pataya idam || oṃ jā̱tave̍dase0 || jātavedase'gnaya idam !! oṃ mano̱jyoti̍:0 || mindāhutīmahāvyāhṛtīnvyāhṛtīśca juhuyāt
atha yadyāropitasamidho jalasparśe tāmādāya saṃśoṣya laukikāgnāvājuhvāna udbudhyasveti dvābhyāṃ nidhāyājyaṃ saṃskṛtya || oṃ jā̱tave̍dase0
agna āyūm̐ṣītyādipūrvoktāḥ ṣaṭ || oṃ mano̱jyoti̍:0 || mindāhutīnvyāhṛtīśca juhuyāt || athānyāgnisaṃsarge || ubhau vivicya
ubhayatra juhoti || oṃ vi̱tovi̱ṣvagvā̍ta̍jūtāso agne̱ bhāma̍saḥ śuce śuca̍yaścaranti || tu̱vi̱mra̱kṣāso̍ di̱vyānava̍gvāvanā̍vananti dhṛṣa̱tāru̍janta̱ḥ
svāhā̍ || agnaya idam || oṃ tvama̍gne̱ mānu̍ṣīrīḍate̱ viśo̍ hotā̱vida̍ṃ vi̱vici̍ꣲratna̱dhāma̍tam || guhā̱santa̍ꣲsubhagavi̱śvada̍rśataṃ tuviṣma̱ṇasa̍ṃꣲsuyaja̍ṃ
ghṛta̱śriya̱ꣲsvāhā̍ || agnaya idam || oṃ ma̱nojyoti̍r0 || mindāhutīrvyāhṛtīśca juhuyāt || ityaupāsanaprāyaścittaprayogaḥ
11.65.2
yāgānvādhānayostithidvayavyavasthāvacanaṃ upapadyate || pūrvedyuranvādhāyopoṣyā paredyuryāgavidhānāt || tathā ca śrūyate ‘pūrvedyuragnīnanvādadhāti
uttaramaharddevānyajeta’ iti || tenāhloreva bhedo yāgānvādhāne bhavataḥ na rātrau nāpyekasminnevāhanīti || evaṃ sthālīpākasyāpi taddharmatvāt
tadvadeva samastaṃ draṣṭavyam || natāvatsandhau sandhisannihite yajeteti vacanāt || nāpi sandhimabhito yajeteti || kintu pratipadi
yajeteti || ābhyāṃ niṣedhavidhibhyāṃ sandheḥ purastādanvādhāya paścādyajeteti gamyate || anena pravāsādivaśātsadyovā'nvādhānayāgau
kartavyāviti sūcitam || nacāvartanādupari [āvartanaṃ nāma ahlo madhyabhāgaḥ] sandhau śvobhūte pratipadi pūrvāhne bhavatīṣṭiḥ dṛṣṭacandratvāt
yasminnahani purastātpaścāccandramā na dṛśyate tadaharyajetetyuktatvāt || kiñca ‘upāstamayasandhau rātrisandhau vā uttare'hani yajeta’ iti
vacanādyatra pūrvadine iṣṭiparyāptaḥ pratipatkālo nāsti tatraiva viṣaye dṛṣṭacandro'pi yāgasya grāhyaḥ || ata evālasyādinā pūrvadine sambhavatpratipadatikramaviṣayaṃ iṣṭidine candradarśananimittaṃ prāyaścittamupapadyate || prāyaścittaṃ tu vyāhṛtīrhutvā dvijātaye daṇḍaṃ dadyāditi || nahyanyathā
vihitapraśastakaraṇe prāyaścittavidhānamastīti || evaṃ yajanīyamahaḥ pradhānamādau niścitya tadanurodhena pūrvedyurapañcadaśyāmapyanvādhānaṃ yuktam
11.65.3
tadevaṃ pakṣasandhisamaye sannihite pratipadahanyeva paryāpte praviṣṭe satyaparāhne'pi yaṣṭavyam || sandhisannihitasya pratipadahlo'rddhatatprayogaparyāptapratipattithiḥ prāgastamayātsaptāṣṭaghaṭikākalakṣaṇastithinirṇayaḥ || yathā ‘iṣṭeralaṃ sā pratipatsvanāḍyaḥ saptāṣṭa yasyā divase bhavanti || kṣīṇāsu tat
karmatitherihādyaḥ kalpo'tha vṛddhāsu bhaveddvitīyaḥ’ iti || asyārthaḥ || yāṃ tithimupādāya karmocyate sā karmatithirucyate || tasyāḥ
athānvāmbhaṇīyaprayogaḥ || parvaṇi prathamaprayogārambhe pūrvedyureva anvārambhaṇīmiṣṭiṃ kuryāt || yathā || kartā prātaḥ
औपासन turn on context (it's औपासन turn into औपासन turn on? No, औपासन turn is text: औपासन turn into...)
औपासन turn: wait:
औपासन turn on text: औपासन turn = औपासन turn...? No:
aupāsanāntaṃ nityakarma kṛtvā snānapavanādi gaṇapatipūjā puṇyāhavācanāni ca kṛtvā agnāviṣṇū sarasvatī sarasvantaśca prīyantāmiti viśeṣaḥ
punaḥ prāṇānāyamya deśakālau saṅkīrtya āgneyasthālīpākadarśapūrṇamāsāvārapsyamāṇonvārambhaṇīyāmiṣṭiṃ kariṣya iti saṅkalpya aupāsanāgniṃ
pratiṣṭhāpya anvārambhaṇīyahomaḥ karma ādhāravattantramityādi pacano nāmāgniḥ agnāviṣṇū sarasvatī sarasvāṃśca devatāḥ carurhaviḥ ityādi sadyo
yakṣya ityuktvā anvādhānādi kṛtvā praṇītāpraṇayanātpūrvamevājyaṃ nirūpyotpūya sruksruvau niṣṭapya sammṛjya suci caturgṛhītaṃ gṛhītvā samidhamekāṃ
agnau prāsya caturhotāraṃ manasā anudrutya juhoti || oṃ pṛ̱thivīhotā̱dyaura̍dhva̱ryu ru̱dro'gnīdbṛha̱spati̍rupava̱ktoṃ vāca̍spate vā̱co vī̱rye̍ṇa̱ sambhṛ̍ta̱tame̱nārya̱kṣyase̱
11.65.4
yaja̍mānāya̱vārya̱māsuṃvaskara̍smai vā̱caspati̍ḥ soma̍ṃ pibati ja̱jana̱dindra̍mindri̱yāya̱ svāhā̍ || vācaspataye brahmaṇa idam || aparaṃ caturgṛhītaṃ
gṛhītvā || oṃ pūrṇārpa̱ścādu̱tapū̱rṇāpu̱rastā̱dunma̍dhya̱taḥ paurṇamā̱sī ji̍gāya || tasyā̍ṃ de̱vā adhi̱saṃvasa̍nta utta̱menāke̍ i̱ha mā̍dayantoma̱gnīṣomau̍ pratha̱mau
vī̱rye̍ṇa̱ vasū̍ntsu̱drānā̍di̱tyāni̱ha ji̍nvatam || mā̱dhya̱ᳵhipaurṇamā̱saṃ ju̱ṣethā̱ṃ brahma̍ṇā vṛ̱ddhau su̍kṛ̱tena̍ sā̱tāvathā̱smabhya̱ṃᳵsahavī̍rā̱ᳵra̱yi̱nniya̍cchata̱ᳵsvāhā̍
agnīṣomābhyāmidam || punaścaturgṛhītaṃ gṛhītvā || oṃ ni̱veśa̍nī sa̱ṅgarma̍nī vasū̍nā̱ṃ viśvā̍ rū̱pāṇi̍ vasū̍nyāve̱śaya̍ntī || sa̱hasra̍poṣa̱ᳵsu̱bhagārarā̍ṇā̱ sā na̱ āgunvardha̍sā saṃvidā̱noṃ yattai̍ de̱vā ada̍dhurbhā̱gadhe̱yamamā̍vāsye sa̱ṃvasa̍nto mahi̱tvā || sā no̍ ya̱jñaṃ pi̍pṛhi viśvavāre ra̱yinno̍ dhehi
subhage su̱vīra̱ᳵsvāhā̍ || amāvāsyāyā idam || atha praṇītāpraṇayanādi carunirvāpaśrapaṇādyagnimukhāntaṃ kṛtvā pakvājjuhoti || oṃ
a̱gnāṃviṣṇū̱ mahita̱dvoṃ mahi̱tvaṃ vī̱taṃ ghṛ̱tasya̱ guhyā̍ni̱ nāma̍ || dame̍ dame su̱praratnā̱ dadhā̍nā̱ prati̍vāṃ ji̱hvā ghṛ̱tamāca̍raṇyo3ma̱gnāṃviṣṇū̱ mahi̱ dhāma̍
pri̱yaṃ vā̍ṃ vī̱tho ghṛ̱tasya̱ guhyā̍ juṣā̱ṇā || dame̍ dame suṣṭutīrvāvṛdhā̱nā prati̍vāṃ ji̱hvā ghṛ̱tamucca̍raṇye̱ svāhā̍ || oṃ agnāviṣṇubhyāmidam
punaravadāya || oṃ praṇo̍ de̱vī sara̍svatī̱ vāje̍bhirvā̱jinī̍vatī || dhī̱nāma̍vi̱trya̍vatośmānau̍ di̱vo bṛ̍ha̱taḥ parva̍tā̱dāsa̍rasvatī ya̱jñatāga̍ntu ya̱jñam
11.65.5
hava̍ṃ de̱vī ju̍juṣā̱ṇā ghṛ̱tācī̍ śṛ̱ṇvanno̱ vāca̍muśa̱tī śṛ̍ṇotu̱ svāhā̍ || sarasvatyā idam || punaravadāya || oṃ pī̱pivām̐̍sa̱m̐sara̍svata̱stana̱ṃ yo
vi̱śvada̍rśataḥ || dhu̱kṣīmahi̍ pra̱jāmiṣa̍mūrye̱ te̍ sarasva dū̱rmayo̱ madhu̍manto ghṛta̱ścuta̍ḥ || teṣā̍ṃ te su̱mnamamama̍he svāhā̍ || sarasvat idam || iti
pakvatrayaṃ hutvā sviṣṭakṛtamavadāyāntaḥparidhau nidhāya vyāhṛtīrhutvā sviṣṭakṛtprabhṛti homaśeṣaṃ samāpya tadānīmeva prāṇānāyamya deśakālau saṅkīrtya
śrīparameśvaraprītyarthaṃ paurṇamāsyena haviṣā yakṣya iti saṅkalpya paurṇamāsyāgneyasthālīpākahomaḥ karma ādhāravattantramityādi pacano nāmāgniḥ agniḥ
devatā carurhaviḥ agniḥ sviṣṭakṛdityādi tāḥ sarvāḥ sannihitāḥ santu evaṃ sāṅgena karmaṇā śvo yakṣye || tadaṅgamanvādhānaṃ kariṣya iti saṅkalpya
vyāhṛtibhistisraḥ samidha ādhāya idhmābarhiṣī sannahya vratī bhūtvopavaset || akṣāralavaṇāśitvaṃ na khaṭvāśayanaṃ nānṛtabhāṣaṇaṃ brahmacaryaṃ ca vrataṃ
rajasvalā sūtikāpatitāntyajātibhirasambhāṣaṇaṃ ceti || atha śvo bhūte prātaraupāsanaṃ hutvā ‘juṣṭodamūnā’ ityupasthāya pātrāsādanādi
taṇḍulanirvāpa śrapaṇādyagnimukhāntaṃ kṛtvā pakkājjuhoti || oṃ a̱gnirmū̱rdhā di̱vaḥ ka̱kutpati̍ḥ pṛthi̱vyā a̱yam || a̱pām̐retā̍m̐si jinva̱taॉ3bhuvò̍
ya̱jñasya̍ raja̍saśca ne̱tā yatrā̍ni̱yudbhi̍ḥ saca̍se śi̱vābhi̍ḥ || di̱vi mū̱rdhāna̍ṃ dadhiṣe su̱varṣāṃ ji̱hvāma̍gne cakṛṣe havya̱vāham̱̐svāhā̍ || agnaya idam
sviṣṭakṛtamavadāyāntaḥparidhau nidhāya || oṃ ṛ̱ṣa̱bhaṃ vā̱jina̍ṃ va̱yaṃ pū̱rṇamā̍saṃ yajāmahe || sa no̍ dohatām̐su̱vīrya̍m || rā̱yaspoṣa̍m̐saha̱sriṇa̍m
11.65.6
prā̱ṇāya̍ su̱rādha̍se || pū̱rṇamā̍sāya̱ svāhā̍ || pūrṇamāsāyedam || sviṣṭakṛdādihomaśeṣaṃ samāpayet || athāmāvāsyāyām
amāvāsyena haviṣā yakṣya iti saṅkalpā'nvādhānādisarvaṃ pakkaṃ ca pūrvavatkṛtvā sviṣṭakṛtamavadāyāntaḥparidhau nidhāya || oṃ amā̱vā̱syā̍ su̱bhagā̍
su̱śevā̍ || dhe̱nurṛgbhū̱yaṃ āpyāya̍mānā || sā nau dohatām̐su̱vīrya̍m || rā̱yaspoṣa̍m̐sahasriṇa̍m || apā̱nārya̍ su̱rādha̍se || amā̱vā̱syā̍yai
svāhā̍ || amāvāsyāyā idam || tataḥ sviṣṭakṛdādisarvaṃ pūrvavat || iti sthālīpākaprayogaḥ
11.6-2.1
atha darśapūrṇamāsātipannaprāyaścittam
tatra darśe'tipanne pathikṛt tasya prayogaḥ || darśamukhyakālātipannaprāyaścittapūrvakamamāvāsyena haviṣā yakṣya iti saṅkalyāgnimukhāntaṃ kṛtvā sruci
caturgṛhītaṃ gṛhītvā || oṃ agne̱naya̍ .... vidhemom̐māde̱vānā̱mapi̍ panthā̍maganma̱ yaccha̱knavā̍ma̱ tadanu̱ pravo̍cum || a̱gnirvi̱dvāntatsaya̍jā̱tsedu̱hotā̱ so
a̍dhva̱rāntsaṛ̱tūnrka̍lpayāti̱ svāhā̍ || agnaye pathikṛta idam || tataḥ sthālīpākaṃ kuryāt || atha paurṇamāsyāṃ vaiśvānarī || pūrvavat
saṅkalpāgnimukhāntaṃ kṛtvā sruci caturgṛhītaṃ gṛhītvā || oṃ vai̱śvā̱na̱ro na ū̱tyā prayā̍tu parā̱vata̍ḥ || a̱gniru̱kthena̱vāha̍soṃ 3pṛ̱ṣṭo di̱vi pṛ̱ṣṭo a̱gniḥ
pṛ̍thi̱vyāṃ pṛ̱ṣṭo viśvā̱ oṣa̍dhīrāvi̍veśa || vai̱śvā̱na̱raḥ saha̍sā pṛ̱ṣṭo a̱gniḥ sano̍ di̱vā sa̱riṣa̍ḥ pā̍tu nakta̍m̐svāhā̍ || vaiśvānarāyāgnaya idam
tataḥ sthālīpākaṃ juhuyāt || ubhe atīte pathikṛdvaiśvānaryau kārye || bahuṣvatīteṣvanvārambhaṇī kāryā || atha vratalope || pūrvavat
saṅkalpāgnimukhāntaṃ kṛtvā sruci caturgṛhītaṃ gṛhītvā || oṃ tvama̍gne vrata̱pā a̍si de̱va ā̱martye̱ṣvā || tvaṃ ya̱jñeṣvīḍyau̍3yadvo̍ va̱yaṃ pra̍minā̱mavra̱tāni̍
vi̱duṣo̍ de̱vā̱ arva̍iduṣṭarāsaḥ || a̱gniṭṭadviśva̱mārpṛ̍ṇāti vi̱dvānyebhi̍rde̱vām̐ṛ̱tubhi̍ḥ ka̱lpayā̍ti̱ svāhā̍ || agnaye vratapataya idam || iti juhuyāt
atra kārikā 'darśa ca paurṇamāsyāṃ ca sthālīpākavyatikrame || agnenayetyādevānāmityābhyāṃ sruci sarpiṣā || caturgṛhītamājyaṃ ca juhuyāt
11.6-2.2
pakvavadbudhaḥ || darśavyatikrame pūrṇamāsyāṃ vaiśvānarādinā || pṛṣṭodivīti juhuyātpārvaṇātikrame vidhiḥ || dvayoratikrame sthālīpākayoḥ syādayaṃ
vidhiḥ || sthālīpākatraye'tīte prārambhaḥ syātpunardhruvam' iti || gṛhyasūtre 'parvaṇi parvaṇi cāgneyasthālīpākaḥ sa eṣa āghāravānvā syāt
āgnihotriko vā syādāpūrvikro vā' ityuktatvādeteṣāmanyatamena vā tantreṇa sthālīpākaḥ kārya eva || ityanvārambhaṇīyasthālīpākaprayogaḥ
atha grahaśāntiḥ || garbhādhānādiṣvavaśyaṃ kartavyatvādādau grahārādhanamucyate || tacca nityanaimittikakāmyabhedena trividham
tathā ca gṛhyasūtre 'māsi māsyutāvṛtāvayane candrasūryagrahe viṣuve śubhāśubhe janmaṛkṣe vā tadgrahāṇāmātithyaṃ saṃvatsarādapi prayuñjānaḥ sarvānkāmān
avāpnoti' iti || pārijāte śaunakaḥ 'grahaśāntiṃ pravakṣyāmi śaunako'haṃ dvijanmanām || puṇye'hani śubhe vāre kuryādvātha trijanmasu
ayane viṣuve caiva somasūryoparā gayoḥ || grahāṇāmugraceṣṭānāṃ nityaṃ śāntiṃ samācaret' iti || āśvalāyano'pi 'grahā gāvo nṛpā viprā
nāryaśca svapatipriyāḥ || pūjitāḥ pūjayiṣyanti nirdahantyavamānitāḥ || sarvāpadbhyo nivṛttyarthaṃ nityaṃ pūjyā navagrahāḥ' iti || etena
nityatvam || atha naimittikam || utpalaparimale 'kāryārambheṣu sarveṣu pratiṣṭhāsvadhvareṣu ca || navaveśmapraveśe ca garbhādhānādikarmasu
ārogyasnānasamaye saṅkrāntau rogasambhave || ābhicāre ca yaḥ kuryādgrahapūjāṃ vidhānataḥ || so'bhīṣṭaphalamāpnoti nirvighnena na saṃśayaḥ' iti
11.6-2.3
atra kāryārambheṣvityādau sarvatra nimittasaptamī || atastena naimittikatvam || atha kāmyam || sakalavipadapagama-sampadāgama-vṛddhyāyuḥpuṣṭyādiphalakāmanāsu kāmyaḥ || atrāśvalāyanaḥ 'kṣīyante vipadaḥ kṣipraṃ vardhante samṣado'khilāḥ || tāpatrayāśca naśyanti sarvakāryāḥ
pradakṣiṇāḥ || bhavantyaghāni naśyanti grahayajñakṛtāṃ nṛṇām || kāmānāṃ cāyurādyānāṃ labdhaye ca vidhānataḥ' iti || [kuryāditi śeṣaḥ]
yājñavalkyaḥ 'śrīkāmaḥ śāntikāmo vā grahayajñaṃ samācaret || vṛṣṭyāyuḥ puṣṭikāmo vā tathaivābhicarannapi' iti || brahmayāmale 'duṣṭāriṣṭe
samāyāte kartavyaṃ grahaśāntikam || dṛṣṭipṛṣṭyāyurārogyasaptarājyāṅgavṛddhaye' iti || anena kāmyatvam || nanvatra sarvatra phalaśravaṇāt
kāmyatvameva kathaṃ nityatvamiti cet || nityapadagrahaṇānnityatvaṃ nimittasaptamīśravaṇātraimittikatvaṃ ca syātāṃ ityuktatvādavirodhaḥ || atrākaraṇe
pratyavāyaśravaṇābhāvātkathaṃ janmatrayādiṣu grahayajñasya nityatvamiti cennityapadaśravaṇeneti brūmaḥ || nityatvasādhanānāṃ liṅgānāṃ madhye nityapadasya
parigaṇanāt || taduktaṃ kālanirṇaye 'nityaṃ sadā yāvadāyurna kadācidatikramet || ityuktotikrame doṣaḥ śrutestyāgacodanāt || phalaśruteḥ
vīpsayā ca tannityamiti kīrtitam' iti || guruśukrāstamalamāsādiṣu kāmyakarmaṇāṃ varjatvaṃ nityanaimittikānāṃ kartavyatvaṃ ca smṛtau darśitam
tathā ca nirṇayasindhau jābāliḥ 'nityanaimittike kuryācchrāddhaṃ kuryānmalimluce || tithinakṣatravāroktaṃ kāmyaṃ naiva kadācana' iti || atha
11.6-2.4
varjyāni || kālādarśa 'anityamanimittaṃ ca dānaṃ ca mahadādikam || agnyādhānādhvarāpūrva tīrthayātrāmarekṣaṇam || devārāsataḍāgādipratiṣṭhā
mauñjibandhanam || āśramasvīkṛtiḥ kāmyavṛṣotsargaśca niṣkramaḥ || rājābhiṣekaḥ prathamacūḍākarma vratāni ca || annaprāśanamārambho grahāṇāṃ ca
praveśanam || snānaṃ vivāho nāmāni paṇaṃ devamahotsavam || vratārambhasamāptī ca kāmyaṃ karma ca pāpmanām || prāyaścittaṃ tu sarvasya malamāse
vivarjayet || upākarmotsarjanaṃ ca pavitradamanārpaṇam' iti || bṛhaspatiḥ 'bāle vā yadi vā vṛddhe śukre vā'staṅgate gurau || malamāsa ivaitāni
varjayeddevadarśanam’ iti || anenāstamalamāsādiṣu kāmyasya niṣedhātkāmyanimittagrahaśāntirna kartavyā || nityanaimittikeṣu tu kartavyaiva
iti grahaśāntinirṇayaḥ
Linked texts (2)
- Śākala — Sanskrit
- Veṅkaṭeśīyaprayogamālā — Veṅkaṭeśa Jyotiṣin, Sanskrit