Baudhayanaprayogamala 14
Baudhāyanaprayogamālā 14
- Language
- Sanskrit
14.2
na̍maste rudrama̱nyava̍0 iti praśnam || a̱gnāvaiṣṇū sa̱joṣa̍sa0 ityekādaśānuvākān || ṛ̱cāṃ prācī̍ maha̱tī digu̍cyate || dakṣi̍ṇāmāhuryaju̍ṣāmapā̱rām || artharvaṇā̱maṅgira̍sāṃ pra̱tīcī̍ || sāmnā̱mudī̍cī maha̱tī digu̍cyate
ṛ̱gbhiḥ pū̱rvāhṇe di̱vi de̱va ī̍yate || ya̱jurve̱de ti̍ṣṭhati̱ madhye̱ ahna̍ḥ || sā̱ma̱ve̱denā̍stama̱ye mahī̍yate || ve̱dairaśūnyastribhi̍reti̱ sūrya̍ḥ || ṛ̱gbhyo jā̱tām̐sarva̍śo
mūrtti̍māhuḥ || sarvā̱ gati̍ryāju̱ṣī hyaiva śaśva̍t || sarva̱ṃ teja̍ssāma rū̱pyam̐ha̍ śaśvat || sarvam̐hyedaṃ brahma̍ṇā hyaiva sṛ̱ṣṭam || ṛ̱gbhyo jā̱taṃ vaiśya̱ṃ varṇa̍māhuḥ
ya̱jurve̱daṃ kṣa̍triya̱syāhu̱ryoni̍m || sā̱ma̱ve̱do brā̍hmaṇā̱nāṃ prasū̍tiḥ || pūrve̱ pūrve̎bhyo vaca̍ etadū̍cuḥ || ā̱darśa̍ma̱gniṃ ci̍nvā̱nāḥ || pūrve̎ viśvasṛjo mṛ̱tāḥ
śa̱taṃ va̍rṣasa̱hasrā̍ṇi || dī̱kṣitāḥ satra̱māsa̍ta
14.3
tapa̍ āsīdgṛhapa̍tiḥ || brahma̍ brahmā'bha̍vatsva̱yam || sa̱tyam̐hya̍ hotai̍ṣāmāsī̍t || yadviśva̍sṛja
āsa̍ta || a̱mṛte̍mebhya̱ uda̍gāyata || sa̱hasra̍ṃ parivatsa̱rān || bhū̱taha̍ pra̱stotai̍ṣāmāsī̍t || bha̱viṣyatprati̍cāharat || prā̱ṇo a̍dhva̱ryu̍rabhavat
i̱da m̐ sarva ̍m̐siṣā̍satām
14.4
a̱pā̱no vi̱dvānā̍vṛ̱taḥ || prati̍prātiṣṭhadadhva̱re || ā̱rta̱vā upa̍gā̱tāra̍ḥ || sada̱syā̍ ṛ̱tavo̍'bhavan || ardha̍mā̱sāśca̍
māsā̍śca || ca̱ma̱sā̱dhva̱ryavo̍'bhavan || aya̍ṃ m̐sa̱dbrahma̍ṇasteja̍ḥ || acchā̍vā̱ko'bha̍vadyaśa̍ḥ || śruta̍meṣāṃ praśā̱stāsī̍t || yadi̍śvasṛ̱ja āsa̍ta
14.5
ū̱rjānā̱muda̍vahat || dhru̱va̱gopa̱ḥ saho̍'bhavat || ojo̍bhya̱ṣṭau dvāvṇa̍ḥ || yadi̍śvasṛ̱ja āsa̍ta || apa̍citiḥ po̱trīyā̍mayajat || ne̱ṣṭrīyā̍mayajstri̱ṣi̍ḥ || āgnī̍dhrāddidṛṣīṃ sa̱tyam || śraddhā haivārya̍jatsva̱yam || irā̱ patnī̍ viśvasṛ̱jām || ākū̍ṃtirapinaddhviḥ
14.6
i̱ṣṭa m̐ hvai̱ kṣuccai̍bhya u̱gre
tṛṣṇā cāva̍hatāmubhe || vāge̍ṣā m̐subrahma̱ṇyā̍sī̍t || cha̱ndo̱yogā̱nvijā̍na̱tī || ka̱lpa̱tkāṇi̍ tanvānāha̍ḥ || sa m̐sthāśca̍ sa̱rvaśa̍ḥ || a̱ho̱rā̱tre pa̍ṃśu̱pā̱lyau || mu̱hū̱rtāḥ praiṣyā̍ abhavan || mṛ̱tyustada̍bhavaddho̱tā || śa̱mitogro vi̱śāṃ pati̍ḥ
14.7
vi̱śva̱sṛja̍ḥ pratha̱māḥ sa̱tramā̍sata || sa̱hasra̍samaṃ
prasu̱tena̱yanta̍ḥ || tato̍ha ja̱jñe bhuvana̍sya go̱pāḥ || hira̍ṇmayaḥ śa̱kuni̱rbrahma̱ nāma̍ || yena̱ sūrya̍stapa̍ti̱ teja̍se̱ddhaḥ || pi̱tā pu̱treṇa̍ pi̱tumā̱n yona̍iyonau
nāvai̍davi̱nmanu̍te̱ taṃ bṛ̱hanta̍m || sa̱rvā̱nu̱bhūmā̱tmāna̍ṃ m̐samparā̱ye || e̱ṣa ni̱tyo ma̍himā brā̍hmaṇa̱sya̍ || na karma̍ṇā varddhate no kanī̍yān
Linked texts (4)
- Kāṭhaka (Taittirīya) — Sanskrit
- Taittirīyabrāhmaṇa — Sanskrit
- Veṅkaṭeśīyaprayogamālā — Veṅkaṭeśa Jyotiṣin, Sanskrit
- Taittirīyakāṭhaka — Sanskrit