Baudhayanaprayogamala 21
Baudhāyanaprayogamālā 21
- Language
- Sanskrit
Contents
- 21.1 — 3 parts
21.1.1
atha garbhādhānādisamānatantraprayogaḥ || garbhādhānādyatītānusāreṇa uttaratra tattaduktakāle kriyamāṇakarmaṇā saha kālātipattiprāyaścittapūrvakaṃ garbhādhānādi vā jātakarmādi vā kuryāt || athavā yadyuktadvādaśāhādau nāmakaraṇadine atikrāntagarbhādānādikaṃ karṇavedhanāntaṃ ca karma
apakṛṣya karoti, tadā garbhādhānādijātakarmāntakarmaṇāṃ mukhyakālātipattiprāyaścittaṃ kṛtvā, tattatpradhānahomānupahomāṃśca hutvā, nāmakaraṇādikaṃ
kuryāt || evaṃ niṣkramaṇādāvapi jñeyam || sarveṣu lupteṣu caulakāle vā upanayanakāle vā prāyaścittapūrvakaṃ tatsarvaṃ kuryāt || yathā
pūrvedyurnityakarma kṛtvā, vaiśvadevaṃ hutvā, gaṇapatiṃ sampūjya, nāndīsamārādhanaṃ kartuṃ puṇyāhavācanaṃ kariṣya iti saṅkalpya tatkṛtvā, punaḥ prāṇānāyamya,
deśakālau saṅkīrtya, 'mama kumārasya śvaḥ kariṣyamāṇagarbhādhānapuṃsavanasīmantaviṣṇubalijātakarmanāmakaraṇoganiṣkramaṇānnaprāśanakarṇavedhanacaulaka fillkarmaṇāṃ
aṅgatvena vihitaṃ nāndīsamārādhanaṃ hiraṇyena kariṣye' iti saṅkalpya, tatkṛtvā, tasyāmeva rātrāvudakaśantipratisarabandhau ca kṛtvā, paredyuḥ
prātarmaṅgalasnānādi nityakarma kṛtvā, pavanamantrācamanamantraprokṣaṇāni ca kṛtvā, gaṇapatiṃ sampūjya, vedhāḥ prajāpatirdhātā savitā mṛtyussavitā savitā
savitā śrotraṃ keśinaḥ prīyantāmiti puṇyāhaṃ vācayitvā, pradhānasaṅkalpaṃ kṛtvā, tattatkarma kuryāt || pūrvedyurasambhave sadyo vā prātarmaṅgalasnānādi
21.1.2
vaiśvadevāntyudakaśāntipratisarabandhāṃśca kṛtvā, punaḥ snānapavanādikaṃ kṛtvā, pradhānakarma kuryāt || yathā || kartā patnīputrasahitaḥ prātarmaṅgalasnānādivaiśvadevāntaṃ nityakarma kṛtvā, prāṇānāyamya, deśakālau saṅkīrtya, 'mama kumārasya adya kariṣyamāṇagarbhādhānapuṃsavanasīmantaviṣṇubalijātakarmanāmakaraṇopaniṣkramaṇānnaprāśanakarṇavedhanacaulaka fillkarma kartuṃ śarīraśuddhyarthaṃ snānapavanamantrācamanamantraprokṣaṇāni kariṣye' iti saṅkalpya,
tatkṛtvā, gaṇapatiṃ sampūjya, nāndīsamārādhanakarmaṇaḥ puṇyāhaṃ svasti ṛddhimiti vācayitvā, nāndīmukhāḥ pitaraḥ prīyantāmiti vācayitvā,
punaḥ prāṇānāyamya, deśakālau saṅkīrtya, 'mama kumārasya kariṣyamāṇagarbhādhāna...caulaka fillkarmaṇāmaṅgatvena vihitaṃ nāndīsamārādhanaṃ hiraṇyena kariṣye'
iti saṅkalpya, tatkṛtvā, punarācamanaprāṇāyāmādikaṃ kṛtvā, 'mama kumārasya adya kariṣyamāṇagarbhādhāna...cauḷakarma kartuṃ puṇyāhavācanaṃ kariṣye'
iti saṅkalpya, 'mama kumārasya adya kariṣyamāṇagarbhādhānapuṃsavanasīmantaviṣṇubalijātakarmanāmakaraṇopaniṣkramaṇānnaprāśanakarṇavedhanacauḷakarmaṇāṃ
puṇyāhaṃ bhavanto bruvantu || karmabhyaḥ svasti bhavanto bruvantu || karmaṇāṃ ṛddhiṃ bhavanto bruvantu || vedhāḥ prajāpatirdhātā savitā mṛtyussavitā
savitā savitā śrotraṃ keśinaḥ prīyantām' iti vācayitvā, prokṣaṇāntaṃ kṛtvā, ācamya prāṇānāyamya, deśakālau saṅkīrtya, 'mama kumārasya
21.1.3
bījagarbhasamudbhavainonibarhaṇapurassaramāyuḥśrībalavṛddhadvārā śrīparameśvaraprītyarthaṃ garbhādhānapuṃsavanasīmantaviṣṇubalijātakarmanāmakaraṇopaniṣkramaṇānnaprāśanakarṇavedhanacauḷakarmāṇi samānatantreṇa kariṣye' iti saṅkalpya, jātakarmatantraṃ kuryāt || yathā || kumāraṃ spṛṣṭvā paśyañjapati || 'oṃ
a̱dbhyaḥ sambhū̍taḥ pṛthi̱vyai rasā̍cca || vi̱śvaka̍rmaṇaḥ sama̍vartta̱tādhi̍ || tasya̱ tvaṣṭā̍ vi̱dadha̍drū̱pame̍ti || tatpuru̍ṣasya̱ viśva̱mājā̍na̱magre̍ || vedā̱hame̱taṃ puru̍ṣaṃ
ma̱hānta̍m || ā̱di̱tyava̍rṇaṃ tama̍saḥ pa̱rastā̍t || tame̱vaṃ vi̱dvāna̱mṛta̍ i̱ha bha̍vati || nānyaḥ panthā̍ vi̱dyate̱'ya̍nāya || pra̱jāpa̍tiścarati̱ garbhe̍ a̱ntaḥ
a̱jāya̍māno bahu̱dhā vijā̍yate || tasya̱ dhīrā̱ḥ pari̍jānanti̱ yoni̍m || marī̍cīnāṃ pa̱dami̍cchanti ve̱dhasa̍ḥ || yo de̱vebhya̱ āta̍pati || yo de̱vānā̍ṃ
pu̱rohi̍taḥ || pūrvo̱ yo de̱vebhyo̍ jā̱taḥ || namo̍ ru̱cāya̱ brāhma̍ye || ruca̍ṃ brāhma̍ṃ ja̱naya̍ntaḥ || de̱vā agre̱ tada̍bruvan || yastvaivaṃ brā̍hma̱ṇo vi̱dyāt
tasya̍ de̱vā asa̍nvaśe̍ || hrīśca̍ te la̱kṣmīśca̱ patnyau̍ || a̱ho̱rā̱tre pā̱rśve || nakṣa̍trāṇi rū̱pam || a̱śvinau̱ vyātta̍m || i̱ṣṭaṃ ma̍niṣāṇa || a̱muṃ ma̍niṣāṇa
sarva̍ṃ maniṣāṇa ||' ityetenābhimṛśya || atha kumāraṃ snāpayati || 'oṃ kṣe̱triyai̍ tvā̱ nirṛ̍tyai tvā || dru̱ho mu̍ñcāmi̱ varu̍ṇasya̱ pāśā̍t
anāgasa̱ṃ brahma̍ṇe tvā karomi || śive te̱ dyāvā̍pṛthi̱vī u̱bhe i̱me
21.2
oṃ śaṃ te̍ a̱gniratsa̱hādbhi̱ra̍stu || śaṃ dyāvā̍pṛthi̱vī sahauṣa̍dhībhiḥ || śama̱ntari̍kṣa̱ᳪsaha̱ vāte̍na te || śaṃ te̱ cata̍sraḥ pra̱diśo̍ bhavantu
21.3
oṃ yā daivī̍śca̱tasraḥ pra̱diśa̍ḥ || vāta̍patnīra̱bhisūryo̍ vi̱caṣṭe̍ || tāsāṃᳵ tvā ja̱rasa̱
āda̍dhāmi || prayakṣma̍ṃ etu̱ nirṛti̍ṃ parā̱caiḥ
21.4
oṃ amo̍ci̱ yakṣmā̍ddu̱ritā̱dava̍rtyai || druha̱ḥ pāśā̱nnirṛte̍ycoda̍moci || ahā̱ arva̍rtimavidatsyo̱nam || apya̍bhūdbha̱dre su̍kṛ̱tasya̍ lo̱ke
21.5
oṃ sūrye̍mṛ̱taṃ tama̍so̱ grāhyā̱ yat || de̱vā amu̍ñca̱nnasṛ̍janvyena̍saḥ || e̱vama̱hami̱maṃ kṣaitri̱yājjā̍mi
śaṃᳵsāt || druho mu̍ñcāmi̱ varu̍ṇasya̱ pāśā̍t
21.6
oṃ bṛha̍spate yu̱vamindra̍śca̱ vasva̍ḥ || di̱vyasyaiśāthe u̱ta pārthi̍vasya || dha̱ttaᳪra̱yiᳪstu̍va̱te kī̱raye̍
cit || yū̱yaṃ pā̍taḥ sva̱stibhi̱ssadā̍ naḥ
Linked texts (1)
- Veṅkaṭeśīyaprayogamālā — Veṅkaṭeśa Jyotiṣin, Sanskrit