Baudhayanaprayogamala 25

Baudhāyanaprayogamālā 25

Language: Sanskrit

25.1

iti ṣaḍbhirhutvā, vyāhṛtimindāhutīrhutvā, upaniṣkramaṇapakkahomaṃ kuryāt || pūrvavadāyatryā
pakkaṃ hutvā, athājyāhutīrupajuhoti || oṃ sva̱sti no̍ mimītāma̱śvinā̱ bhaga̍ḥ sva̱sti de̱vyadi̍tirana̱rvaṇa̍ḥ || sva̱sti pū̱ṣā asu̍ro dadhātu na̱ḥ
sva̱sti dyāvā̍pṛthi̱vī su̍ce̱tunā̱ svāhā̍ || aśvibhyāṃ bhagāyā'ditaye pūṣṇe dyāvāpṛthivībhyāmidam

25.2

oṃ sva̱staye̍ vā̱yumupa̍bravāmahai̱ soma̍m̐sva̱sti
bhuva̍nasya̱ yaspati̍ḥ || bṛha̱spati̍m̐sarva̍gaṇaṃm̐sva̱staye̍ sva̱staya̍ ādityāso̍ bhavantu na̱ḥ svāhā̍ || vāyave somāya bhuvanapataye bṛhaspataya ādityebhya idam

25.3

oṃ viśve̍ de̱vāno̍ a̱dyā sva̱staye̍ vaiśvāna̱ro vasu̍ra̱gniḥ sva̱staye̍ || de̱vā a̍vantvṛ̱bhava̍ḥ sva̱staye̍ sva̱sti no̍ ru̱draḥ pā̱tvam̐ha̍sa̱ḥ svāhā̍ || viśvebhyo
devebhyo vaiśvānarāya vasave'gnaye devebhyo ṛbhubhyo rudrāyedam

25.4

oṃ sva̱sti mi̍trāvaruṇā sva̱sti pa̍thye revati || sva̱sti na̱ indra̍ścā̱gniśca̍ sva̱sti
no̍ adite kṛdhi̱ svāhā̍ || mitrāvaruṇābhyāṃ pathyāyai revatyā indrāyāgnaye'dityā idam

25.5

oṃ sva̱sti panthā̱manu̍carema sūryācandrama̱sāvi̍va
puna̱rdada̍tā ghnatā jā̱natā̱ saṅge̍mamahi̱ svāhā̍ || sūryācandramobhyāmidam

25.6

oṃ sva̱styaya̍na̱ṃ tākṣ̱rya̍mari̍ṣṭanemiṃ maha̱dbhūta̍ṃ vāya̱saṃ de̱vatā̍nām
a̱su̱ra̱ghnamindra̍sakhaṃm̐sama̱tsuṃ bṛha̱dyaśo̱ nāva̍mi̱vāru̍hema̱ svāhā̍ || tārkṣyāyāriṣṭanemaye asuraghnāyendrasakhāyedam

25.7

oṃ a̱śvo̱muca̍mā̱ṅgira̍saṃ gaya̍ṃ
ca sva̱styā̍tre̱yaṃ mana̍sā ca̱ tārkṣya̍m || praya̍tapāṇiḥ śa̱raṇa̍ṃ prapa̍dye sva̱sti sa̱ṃbā̱dheṣvabha̍yaṃ no astu̱ svāhā̍ || āṅgirasāya svastyātreyāya tārkṣyāya
idam

25.8

oṃ sva̱sti na̱ indro̍ vṛddha̱śravā̍ḥ sva̱sti na̍ḥ pū̱ṣā vi̱śvave̍dāḥ || sva̱sti na̱stārkṣyo̱ ari̍ṣṭanemiḥ sva̱sti no̱ bṛha̱spati̍rdadhātu̱ svāhā̍
indrāya vṛddhaśravase pūṣṇe viśvavedase tārkṣyāyāriṣṭanemaye svastaye bṛhaspataya idam

Linked texts (1)

Veṅkaṭeśīyaprayogamālā — Veṅkaṭeśa Jyotiṣin, Sanskrit