Pramāṇa · Search · About · API

Baudhayanaprayogamala 26

Baudhāyanaprayogamālā 26

Language
Sanskrit

26.1

ityaṣṭabhirhutvā, annaprāśanapakkahomaṃ kuryāt || pūrvavat
gāyatryā pakkaṃ hutvā, athājyāhutīrupajuhoti || oṃ a̱hama̍smi prathama̱jā ṛ̱tasya̍ || pūrva̍ṃ de̱vebhyo̍ a̱mṛta̍sya̱ nābhi̍: || yo mā̱ dadā̍ti̱ sa i̱
devamāvā̍ḥ || a̱hamanna̱manna̍mada̱ntama̍dmi̱ svāhā̍ || annāyedam

26.2

oṃ pūrvva̍magnerapi̍ dahya̱tyanna̍m || yattau hā̍sā̍te aha̱mutta̍reṣu̍ || vyātta̍masya
pa̱śava̍ḥ su̱jambha̍m || paśya̍nti̱ dhīrā̍ḥ praca̍ranti̱ pākā̍ḥ svāhā̍ || annāyedam

26.3

oṃ jahā̍mya̱nyaṃ na ja̍hāmya̱nyam || ahamanna̱ṃ vaśa̱micca̍rāmi || samā̱namartha̱ṃ parye̍mi bhu̱ñjan || komā̱manna̍ṃ manu̱ṣyo̍ dayeta̱ svāhā̍ || annāyedam

26.4

oṃ parā̍ke̱ anna̱ṃ nihi̍taṃ lo̱ka e̱tat
viśvai̍rdevaiḥ pitṛbhi̍rgu̱ptamanna̍m || yaddyate̍ lupyate̱ yatpa̍ro̱pyate̍ || śa̱tata̍mī sā ta̱nūrmeṃ babhūva̱ svāhā̍ || annāyedam

26.5

oṃ ma̱hāntau̍ ca̱rū
sa̍kṛdu̱gdhena̍ pa̱prau || diva̍ṃ ca̱ pṛśna̍ṃ pṛthi̱vīṃ ca̍ sā̱kam || tatsampiba̍nto̱ na mi̍nanti̱ vedha̍saḥ || naitadbhūyo̍ bhava̍ti̱ no kanī̍yaḥ svāhā̍ || annāya
idam

26.6

oṃ anna̍ṃ prā̱ṇamanna̍mapāna̱mā̍huḥ || anna̍ṃ mṛ̱tyuṃ tamu̍ jī̱vātu̍māhuḥ || anna̍ṃ bra̱hmāṇo̍ ja̱rasa̍ṃ vadanti || anna̍māhuḥ pra̱jana̍naṃ pra̱jānām̐svāhā̍ || annāyedam

26.7

oṃ mogha̱manna̍ṃ vindate̱ apra̍cetāḥ || sa̱tyaṃ bra̍vīmi va̱dha itsa tasya̍ || nārya̱maṇa̱ṃ puṣya̍ti̱ no sakhā̍yam
kevalā̍gho bhavati keva̱lādī svāhā̍ || annāyedam

26.8

oṃ a̱haṃ meghaḥ sta̱naya̱nvarṣa̍nnasmi || māma̍dantya̱hama̍dmya̱nyān || a̱ham̐sada̱mṛtau̍ bhavāmi
madā̍dityā adhi̱ sarve̍ tapanti̱ svāhā̍ || annāyedam

Linked texts (4)