Baudhayanaprayogamala 3.1.3

3.1.3

priyāsa̍ḥ (7) | oṃ hira̍ṇyavarṇā̱ḥ śuca̍yaḥ pāva̱kā yāsu̍ jā̱taḥ ka̱śyapo̱ yāsvindra̍ḥ | a̱gniṃ yā garbha̍ndadhi̱re virū̍pā̱stāna̱ āpa̱ḥ śagm̐syo̱nā
bha̍vantu (8) iti dakṣiṇavāmabāhvoḥ | oṃ yāsā̱gam̐ rājā̱ varu̍ṇo yā̱ti madhye̍ satyānṛ̱te a̍va̱paśya̱ṃ janā̍nām | madhu̍ścyuta̱ḥ śuca̍yo̱ yāḥ
pāva̱kāstāna̱ āpa̱ḥ śagm̐syo̱nā bha̍vantu (9) | oṃ yāsā̍m̐ de̱vā di̱vi kṛ̱ṇvanti̍ bha̱kṣaṃ yā a̱ntari̍kṣe bahu̱dhā bhava̍nti | yāḥ pṛ̍thi̱vīṃ paya̍soṃda̱nti
śu̱krāstāna̱ āpa̱ḥ śagm̐syo̱nā bha̍vantu (10) iti vakṣasi dve | oṃ śi̱vena̍mā̱cakṣu̍ṣā paśyatāpaḥ śi̱vayā̍ta̱nuvopa̍spṛśata̱tvaca̍ṃ me | sarvā̍m̐gum̐a̱gnigūm̐
ra̍psuṣa̱dauhu̱vevo̱mayi̱varco̱bala̱mojo̱ nidha̍tta (11) | oṃ pava̍māna̱ssuva̱rjana̍ḥ | pa̱vitre̍ṇa̱ vica̍rṣaṇiḥ | yaḥ potā̱ sa pu̍nātu mā (12) iti
hṛdaye dve | oṃ puna̱ntu māṃ de̍vaja̱nāḥ | puna̱ntu mana̍vo dhi̱yā | puna̱ntu viśva̍ ā̱yava̍ḥ (13) | oṃ jāta̍vedaḥ pa̱vitra̍vat | pa̱vitre̍ṇa punāhi mā
śu̱kreṇa̍ deva̱dīdya̍t | agne̱ kratvā̱kratū̱gūm̐ranu̍ (14) iti nābhau dve | oṃ yatte̍ pa̱vitra̍ma̱rciṣi̍ | agne̱ vita̍tamanta̱rā | brahma̱ tena̍ punīmahe (15)
oṃ u̱bhābhyā̍ṃ deva savitaḥ | pa̱vitre̍ṇa sa̱vena̍ ca | idaṃ brahma̍ punīmahe (16) iti pārśvayordve | oṃ vaiśva̍de̱vī pu̍na̱tī de̱vyāgā̍t | yasyai̍
ba̱hvī sta̱nuvo̍ vī̱tapṛ̍ṣṭhāḥ | tayā̱ mada̍ntaḥ sadha̱mādye̍ṣu | va̱yagūm̐ syā̍ma̱ pata̍yo rayī̱ṇām (17) | oṃ vai̱śvā̱na̱ro ra̱śmibhi̍rmā punātu | vāta̍ḥ