Baudhayanaprayogamala 3.1.4

3.1.4

prā̱ṇene̍ṣi̱ro ma̍yo̱bhūḥ | dyāvā̍pṛthi̱vī paya̍sā̱ payo̍bhiḥ | ṛ̱tāvarī̍ ya̱jñiye̍ mā punītām (18) iti kakṣyāṃ dve | oṃ bṛhadbhi̍ssavi̱tastṛbhi̍ḥ
vārṣiṣṭhairdeva̱mantvabhi̍ḥ | agne̱ dakṣai̍ḥ punāhi mā (19) | oṃ yena̍ de̱vā apu̍nata | yenāpo̍ di̱vyaṅka̱śa̍ḥ | tena̍ di̱vyena̱ brahma̍ṇā | i̱daṃ brahma̍
punīmahe (20) iti guhye dve | oṃ yaḥ pā̍vamā̱nīra̱dhyetī̍ | ṛṣi̍bhi̱ssambhṛ̍ta̱gum̐ rasa̍m | sarva̱m̐gum̐ sa pū̱tama̍śnāti | sva̱di̱taṃ mā̍ta̱riśva̍nā (21)
oṃ pāva̱mānīryo a̱dhyetī̍ | ṛṣi̍bhi̱ssambhṛ̍ta̱gum̐ rasa̍m | tasmai̱ sara̍svatīduhe | kṣī̱ragum̐ sa̱rpirmadhū̍ṃda̱kam (22) ityūrvordve | pāva̱mānīḥ sva̱styaya̍nīḥ
su̱dughā̱ hi paya̍svatīḥ | ṛṣi̍bhi̱ssambhṛ̍to rasa̍ḥ | brāhma̱ṇeṣva̱mṛta̍m̐gum̐ hi̱tam | (23) | oṃ pāva̱mānīrddiśa̍ntu naḥ | i̱mam̐llo̱kamatho̍ a̱mum
kāmā̱ntsama̍rdhayantuṃ naḥ | de̱vīrdevai̍ssa̱mābhṛ̍tāḥ (24) iti jānunordve | oṃ pāva̱mānīssva̱styaya̍nīḥ | su̱dughā̱ hi ghṛ̍ta̱ścuta̍ḥ | ṛṣi̍bhiḥ
sambhṛ̍to rasa̍ḥ | brāhma̱ṇeṣva̱mṛta̍m̐gum̐ hi̱tam (25) | oṃ yena̍ de̱vāḥ pa̱vitre̍ṇa | ā̱tmāna̍npu̱nate̱ sadā̍ | tena̍ sa̱hasra̍dhāreṇa | pāva̱mānyaḥ pu̍nantu
mā (26) iti jaṅghayordve | oṃ prā̱jā̱pa̱tyaṃ pa̱vitra̍m | śa̱todyā̍magum̐hi̱raṇmaya̍m | tena̍ brahma̱vido̍ va̱yam | pū̱taṃ brahma̍ punīmahe (27) | oṃ
indra̍ssunī̱tīsa̱ha māṃ pu̍nātu | soma̍ḥ sva̱styā varu̍ṇaḥ sa̱mīcyā̍ | ya̱mo rājā̍ pramṛ̱ṇābhi̍ḥ punātu mā | jā̱tave̍dā mo̱rjaya̍ntyā punātu (28) iti
pādayordve | oṃ bhūḥ (29) | oṃ bhuvaḥ (30) iti pādāṅgulīṣu dve | ogūm̐ suvaḥ (31) | oṃ bhūrbhuvaḥsuvaḥ (32) iti