Pramāṇa · Search · About · API

Baudhayanaprayogamala 35

Baudhāyanaprayogamālā 35

Language
Sanskrit

35.1

iti ṣaṭ || atha naktaṃ
jātānuvākam || oṃ nakta̍ṃ jā̱tāsyoṣa̍dhe || rāme̱ kṛṣṇe asi̍knica || i̱dam̐ra̍jani raja̱ya || kilā̱saṃ pa̍li̱taṃ ca̱ yatsvāhā̍ || oṣadhaye
rajanyā idam

35.2

oṃ kilā̱saṃ ca̱ pali̍taṃ ca̍ || niri̱tonā̍śa̱yāpṛṣa̍t || ā̱n kho a̍śnutā̱ṃ varṇa̍ḥ || parā̍śve̱tāni̍ pātaya̱ svāhā̍
oṣadhaye rajanyā idam

35.3

oṃ asi̍taṃ te ni̱laya̍nam || ā̱sthāna̱masi̍taṃ tava̍ || asi̍kriya̱syoṣa̍dhe || niri̱tonā̍śa̱yāpṛṣa̱tsvāhā̍
oṣadhaya idam

35.4

oṃ a̱sthija̱sya̍ kilā̱sasya̍ || ta̱nuja̱sya̍ ca̱ yattva̱ci || kṛtyayā̍ kṛ̱tasya̱ brahma̍ṇā || lakṣma̍ śve̱tama̍nīnaśa̱m̐svāhā̍
brahmaṇa idam

35.5

oṃ sarū̍pā̱ nāma̍ te mā̱tā || sarū̍po̱ nāma̍ te pi̱tā || sarū̍pā'syoṣadhe̱ sā || sarū̍pami̱daṃ kṛ̍dhi̱ svāhā̍ || oṣadhaya
idam

35.6

oṃ śunam̐hu̍vema ma̱ghavā̍ṃna̱mindra̍m || a̱smin bhare̱'nṛta̍ṃvā̱ja̍sātau || śṛ̱ṇvanta̍mu̱gramūtaye̍ sa̱matsu̱ svāhā̍ || maghavata indrāya
idam

35.7

oṃ ghnanta̍ṃ vṛ̱trāṇi̍ sa̱ñjita̱ṃ dhanā̍nām || dhu̱nutha̱ dyāṃ parva̍tāṃ dā̱śuṣe̱ vasu̍ || nivro̱ vanā̍ jihate̱ yā ma̍no̱bhiyā || kopaya̍tha
pṛthi̱vīṃ pṛśni̍mātara̱m̐svāhā̍ || pṛthivyā idam

35.8

oṃ yu̱dheya̱ddugrā̍pṛṣatīrayu̍gdhvam || prave̍paya̱nti̱ parva̍tān || vi̱viñca̍nti̱ vana̱spatīn̍
provā̍rata̱maruto du̱rmadā̍ iva̱ svāhā̍ || marudbhya idam

35.9

oṃ devā̍saḥ sarva̍yā vi̱śā || puru̱trāhi sa̱haṅka̱ḍasi̍ || viśo̱ viśvā̱ anu̍ pra̱bhu
svāhā̍ || de̱vebhya idam

35.10

oṃ sama̍tsu tvā havāmahe || sama̍tsvagnimava̍se || vā̱jaya̍ntau havāmahe || vāje̍ṣu ci̱trarā̍dhasa̱m̐svāhā̍
a̱gnaya idam

35.11

oṃ saṅga̍cchadhva̱m̐saṃ va̍dadhvam || saṃ vo̱ manā̍m̐si jānatām || de̱vā bhā̱gaṃ yathā̱pūrve̍ || sañjānā̱nā u̱pāsa̍te̱ svāhā̍
de̱vebhya idam

35.12

oṃ samā̱no mantra̱ssamitissamā̱nī || samā̱naṃ mana̍ssa̱ha ci̱ttame̍ṣām || samā̱naṃ kratu̍ma̱bhisam̐ra̍bhadhvam || sa̱ṃjñāne̍na
vo ha̱viṣā̍ yajāma̱ḥ svāhā̍ || samānāyedam

35.13

oṃ samā̱nī va̱ ākū̍tiḥ || samā̱nā hṛda̍yāni vaḥ || samā̱nama̍stu vo̱ mana̍ḥ
yathā̍ va̱ḥ susa̱hāsa̍ti̱ svāhā̍ || samānāyedam

35.14

oṃ sa̱ṃjñāna̍nna̱stvaiḥ || sa̱ṃjñāna̱maraṇai̍ḥ || sa̱ṃjñāna̍ma̱śvinā yu̱vam || i̱hāsmāṃsu
niya̍cchata̱m̐svāhā̍ || aśvibhyāmidam

35.15

oṃ sa̱ṃjñāna̍ṃ me̱ bṛha̱spati̍ḥ || sa̱ṃjñāna̍m̐savi̱tā ka̍rat || sa̱ṃjñāna̍ma̱śvinā yu̱vam || i̱ha
mayi̱niya̍cchata̱m̐svāhā̍ || aśvibhyāmidam

35.16

oṃ upa̍cchāya̱āmiva̍vṛṣaṇeḥ || aga̍nma̱ śarma̍ te va̱yam || agne̱ hira̍ṇyasandṛśa̱ḥ svāhā̍
a̱gnaya idam

35.17

oṃ ada̍bdhebhiḥ savitaḥ pā̱yubhi̱ṣṭvam || śi̱vebhi̍ra̱dya pari̍pāhi no̱ gaya̍m || hira̍ṇyajihvaḥ suvi̱tāya̱ navya̍se || rakṣā̱
māki̍rno a̱ghaśa̍ṃ'sa īśata̱ svāhā̍ || savitra idam

35.18

oṃ made̍ made̱ hi no̍ da̱duḥ || yū̱thā gavā̱ṃmṛjukratu̍ḥ || saṅggra̍bhāya puru̱ śatā
svāhā̍ || goyūthebhya idam

35.19

oṃ u̱bhayā hastyā̱ vasu̍ || śi̱śī̱hi rā̱ya ābha̍ra || śipi̍ṃnvājānāṃ pate || śacī̍va̱stava̍da̱m̐sanā
svāhā̍ || vājānāṃ pataye śipriṇa idam

35.20

oṃ ā̱tūrna indra bhājaya || goṣvaśve̍ṣu śu̱bhruṣu̍ || sahasre̍ṣu tuvīmagha̱ svāhā̍ || indrāya
idam

35.21

oṃ yadde̍vā de̱va heḍa̍nam || de̱vāsa̍ścakṛ̱mā va̱yam || ā̱di̱tyā̱stasmāṃnmā yūyam || ṛ̱tasya̱rtena̍ muñcata̱ svāhā̍ || de̱vebhya
ādityebhya idam

35.22

oṃ ṛ̱tasya̱rtenā̍dityāḥ || ya̱ja̍trā muñca̱teha māṃ || ya̱jñairvo̍ yajñavāhasaḥ || ā̱śikṣa̍nto na śaikam svāhā̍
ādityebhya idam

35.23

oṃ meda̍svatā̱ yaja̍mānāḥ || sucā''jye̍na juhvataḥ || akā̱māvo̍ viśvedevāḥ || śikṣa̍nto nopa̍śeśkim svāhā̍
viśvebhyo devebhya idam

35.24

oṃ yadi̱ divā̱ yadi̱ nakta̍m || ena̍ ena̱syoka̍rat || bhūtaṃ mā̱ tasmā̱dbhavya̍ṃ ca || drupa̱dādi̍va muñcatu
svāhā̍ || enomuca idam

35.25

oṃ dru̱pa̱dādi̱venmu̍mucā̱naḥ || svi̱nnaḥ snā̱tvīmalā̍diva || pū̱taṃ pa̱vitre̍ṇevājya̍m || viśve̍ muñcantu maina̍saḥ
svāhā̍ || viśvebhyo devebhya idam

35.26

oṃ udva̱yantarmasa̱spari̍ || paśya̍nto jyoti̱rutta̍ram || de̱vaṃ de̍va̱trā sūrya̍m || aga̍nma̱jyoti̍rutta̱magsvāhā̍ || sūryyāya jyotiṣa idam

35.6-2

'oṃ yaddevā deva heḍanama0, oṃ devā jīvanakāmyā0, oṃ ṛtena dyāvāpṛthivī 0, oṃ
sajātaśam̐sā0, oṃ yadvācā 0, oṃ yaddhastābhyām0' iti ṣaḍbhirhutvā, sviṣṭakṛdādikaṃ kuryāt || iti punarupanayanaprayogaḥ

35.6-3

atha prakārāntaram || nāndīpuṇyāhādikaṃ sarvaṃ pūrvavatkṛtvā, agniṃ pratiṣṭhāpya, 'agnihotrikaṃ tantraṃ, agnyādayo devatā, ājyaṃ haviḥ'
ityādi saṅkalpya, anvādhānādyājyasaṃskārāntaṃ kṛtvā, pālāśīm̐samidhamājyenāṅktvā, abhyādhāpayan vācayati 'oṃ punastvādityā' iti
athāvṛtyaprāyaścittaṃ juhoti || 'oṃ yanma ātmanaḥ0, oṃ punaragniḥ 0 ' iti dvābhyāṃ hutvā, atha vyāhṛticatuṣṭayaṃ 'pāhino agna enasa'
iti pañca punarvyāhṛticatuṣṭayamiti pāhitrayodaśātmakaṃ prāyaścittaṃ juhuyāt

35.64

athāparaḥ || 'brāhmaṇānujñāṃ gṛhītvā,
sāvitryā śaṃtavāraṃ ghṛtamabhimantrya prāśnīyāt || gurucchiṣṭaṃ vā bhakṣayet || kṛtaprāyaścitto bhavati' iti || etānyanukalpaprāyaścittāni
tattaddoṣagurulāghavavaśājjñeyāni || iti punarupanayanaprayogaḥ samāptaḥ

Linked texts (3)