Baudhayanaprayogamala 36

Baudhāyanaprayogamālā 36

Language: Sanskrit

36.1

athopavītanāśè tasya prāyaścittamuktam || pārāśare— upanayanānantaraṃ vratamadhye yajñopavītanāthè vastraṃ vā sūtrāntaraṃ vā dhṛtvā,
agniṃ pratiṣṭhāpya, upavītanāśaprāyaścittahomaṃ kariṣya iti saṅkalpya, tatrā''gnihotrikaṃ tantraṃ cittirnāmāgniḥ manojyotirādayo devatāḥ ājyaṃ haviḥ
ityādi pātrāsādanādyājyasaṃskārāntaṃ kṛtvā, athājyāhutīrupajuhoti || oṃ manojyoti̍rjuṣatā̱mājya̍ṃ vicchi̍nnaṃ ya̱jñam̐sami̱maṃ da̍dhātu
bṛha̱spati̍stanutāmi̱manno̱ viśve̍de̱vā i̱ha mā̍dayantā̱m̐svāhā̍ || manase jyotiṣe bṛhaspataye viśvebhyo devebhya idam

36.2

oṃ trya̍strim̐śattanta̍vo
ye...apyetu̱ svāhā̍ || devebhya idam

36.3

oṃ tvama̍gne vra̱ta̱pā a̍si de̱va ā̱martye̱ṣvā || tvaṃ ya̱jñeṣvīḍya̱ḥ svāhā̍ || agnaye vratapataya
idam

36.4

oṃ yadvo̍ va̱yaṃ pra̍mināma̍vra̱tāni̍ vi̱duṣo̍ de̱vā̱ avi̍duṣṭarāsaḥ || a̱gniśca̱rdviśvamāpṛ̍ṇāti vi̱dvānyebhi̍rde̱vām̐ṛ̱tubhi̍ḥ ka̱lpayā̍ti̱
svāhā̍ || agnaye vratapataya idam

36.65

iti catasra ājyāhutīrhutvā, homaśeṣaṃ samāpya, yajñopavītaṃ vidhivaddhārayet
ityupavītanāśaprāyaścittam

36.66

athopanayanakālātikramaprāyaścittamuktaṃ pārāśarè kapilasaṃhitāyām 'yadi kālo hyatikrānto nimittaiśca durāsadaiḥ || kālātipattijanitadoṣaniṣkṛttimāditaḥ || [kuryāditi śeṣaḥ] || pitā vidvadanujñāto vidhivadbrahmakūrcakam || upoṣya prāśayedādāai tataścāndravrataṃ
caret || gāyatrīṃ ca japellakṣamadhikāraprasiddhaye' || ityupanayanakālātikramaprāyaścittam

Linked texts (1)

Veṅkaṭeśīyaprayogamālā — Veṅkaṭeśa Jyotiṣin, Sanskrit