Pramāṇa · Search · About · API

Baudhayanaprayogamala 37

Baudhāyanaprayogamālā 37

Language
Sanskrit

37.1

athopavītalakṣaṇam || śucitantumādāya catasṛṣu samāsvaṅgulīṣu ṣaṇṇavatakṛtvaḥ pariveṣṭya, tāvantriguṇitaṃ apasavyaṃ kṛtvā,
āpohiṣṭhādibhiḥ prakṣālya, sāvitryā taṃ savyaṃ trivṛtkṛtvā, sajīvakhadiraudumbarāśvatthabilvapippalapalāśaśākhāyāṃ yajñavṛkṣāṇāmanyatamasya
śākhāyāṃ vā 'pitṛbhyo namaḥ' iti baddhvā, savyena mṛdaṃ gṛhītvā, tasmin sthāpayati || 'oṃ bhūḥ pratiṣṭhāpayāmi || oṃ bhuvaḥ
pratiṣṭhāpayāmi || oggṃsuvaḥ pratiṣṭhāpayāmi || oṃ bhūrbhuvaḥsuvaḥ pratiṣṭhāpayāmi' iti || atha patraphaladūrvādīn vyāhṛtibhiḥ prakṣipya,
'devarṣipitṝṇāṃ tṛptaye' iti karatalaṃ tristāḍayitvā, 'pitṝṇāṃ tṛptaye' iti bhramannāveṣṭya, 'oṃ bhūra̱gniṃ ca̍ pṛthi̱vīṃ ca̱ māṃ ca̍ || trīgm̐śca̍
lo̱kāntsaṃva̍tsa̱raṃ ca̍ || pra̱jāpa̍tistvā sādayatu || tayā̍ de̱vata̍yā'ṅgira̱svadbhru̱vāsī̍da

37.2

oṃ bhuvo̍ vā̱yuṃ cā̱ntari̍kṣaṃ ca̱ māṃ ca̍ || trīgm̐śca̍
lo̱kān0

37.3

oggṃsuva̍rādi̱tyaṃ ca̱ diva̍ṃ ca̱ māṃ ca̍ || trīgm̐śca̍ lo̱kān0

37.6

oṃ bhūrbhuva̱ḥsuva̍śca̱ndrama̍saṃ ca̱ diśa̍śca̱ māṃ ca̍
trīgm̐śca̍ lo̱kāntsaṃva̍tsa̱raṃ ca̍ || pra̱jāpa̍tistvā sādayatu || tayā̍ de̱vata̍yā'ṅgira̱svadbhru̱vāsī̍da ||4||' iti catasṛbhirabhimantrya, brahmaviṣṇumaheśvarān praṇamya, gāyatryā daśavāramabhimantritajalenābhyukṣya, 'oṅkāro'gniśca nāgaśca somaḥ pitara eva ca || prajāpatiśca vāyuśca sūryaḥ
sarvāśca devatāḥ' iti navatantudevatā dhyātvā, tattadātmakaṃ vibhāvya, sampūjya, gāyatryā'ṣṭottaraśatavāramabhimantrya, udvayantametyādityaṃ
darśayitvā, syonāpṛthivīti bhūmau nidhāya, devasyatvetyādāya, yajñopavītamantreṇa dhārayet || brahmacāriṇa ekam || snātakasya dve
āyuṣkāmasya bahūni || 'yajñopavītamajinaṃ mauñjīṃ daṇḍaṃ ca dhārayet || naṣṭe bhraṣṭe navaṃ mantrairgrāhyaṃ bhraṣṭaṃ jale kṣipet' || hemādrau
'yajñopavīte dve dhārye śraute smārte ca karmaṇi || tṛtīyamuttarīyaṃ syādvastrābhāve caturthakam || vayodharmārthamekaṃ syātprāyaścittārthamekakam' iti
iti veṅkaṭeśīye punarupanayanādiprayogaḥ samāptaḥ

Linked texts (3)