Baudhayanaprayogamala 44
Baudhāyanaprayogamālā 44
- Language
- Sanskrit
Contents
- 44.35 — 1 part
44.1
sarvatra vāgdevyā
idam || atha sarasvatīsūktam || oṃ pra̱ṇo de̱vī sara̍svatī vāje̍bhirvā̱jinī̍vatī || dhī̱nāma̍vi̱trya̍vatu̱ svāhā̍ || sarasvatyai devyā idam
44.2
oṃ āno̍ di̱vo bṛ̍ha̱taḥ parva̍tā̱dā sara̍svatī yaja̱tāga̍ntu ya̱jñam || hava̍ṃ de̱vī ju̍juṣā̱ṇā ghṛ̱tācī̍ śa̱gmānno̱ vāca̍muśa̱tī śṛ̍ṇotu̱ svāhā̍ || sarasvatyai
devyā idam
44.3
oṃ juṣṭo̍ vā̱co bhū̍yāsa̱ṃ juṣṭo̍ vā̱caspata̍ye de̱vi vāk || yadvā̱co madhu̍ma̱ttasmi̍nmā dhā̱ḥ svāhā̍ sarasvatyai svāhā̍ || sarasvatyai
devyā idam
44.4
oṃ co̱dayi̱trī sū̱nṛtā̍nā̱ṃ ceta̍ṃntī sumatī̱nām || ya̱jñaṃ da̍dhe̱ sara̍svatī̱ svāhā̍ || sarasvatyā idam
44.5
oṃ pā̱va̱kā
na̱ḥ sara̍svatī vāje̍bhirvā̱jinī̍vatī || ya̱jñaṃ va̍ṣṭudhi̱yāva̍su̱ḥ svāhā̍ || sarasvatyā idam
44.6
oṃ uta no̍ deva de̱vām̐2acchā̍voco vi̱duṣṭa̍raḥ
śraddhi̍śvāvā̱ryā̍kṛdhi̱ svāhā̍ || devebhya idam
44.7
oṃ ju̱ṣatā̍ṃ me vā̱gidam̐ha̱viḥ || vi̱rāḍdevī pu̱rohi̍tā || ha̱vya̱vāḍana̍pāyinī̱ svāhā̍
vāca idam
44.8
oṃ prate̍mahe sara̍svati su̱bhage̍ vā̱jinī̍vati || sa̱tyavā̍ce̱ bhare̍ma̱ti svāhā̍ || sarasvatyā̍ idam
44.9
oṃ yada̱psu te̍
sarasvati || goṣvaśve̍ṣu̱ yanmadhu̍ || tena̍ṃ me vājinīvati || murkhama̱dhi sara̍svati̱ svāhā̍ || sarasvatyā idam
44.10
oṃ i̱yame̱va sā yā pratha̱mā
vyau̍ccha̱danta̱rasyāṃ cara̍ti̱ pravi̍ṣṭā || va̱dhūrja̍jāna nava̱gajjani̍trī traya̍ enāṃ mahi̱māna̍ḥ sacante̱ svāhā̍ || vadhvā idam
44.11
oṃ yaste̱ stana̍ḥ
śaśa̱yo yo ma̍ṃyo̱bhūryena̱ viśvā̱ puṣya̍si̱ vāryā̍ṇi || yo ra̍tna̱dhā va̍su̱vidya̍ḥ su̱datra̍ḥ sara̍svati̱ tami̱ha dhāta̍ve ka̱ḥ svāhā̍ || sarasvatyā idam
44.12
oṃ de̱vīṃ vāca̍majanayanta0 || vāgdevyā idam
44.13
oṃ praṇo̍ de̱vī0 || sarasvatyai devyā idam
44.14
oṃ juṣṭoṃ vācaḥ0 || sarasvatyā
idam
44.15
oṃ co̱dayi̱trī0 || sarasvatyā idam
44.16
oṃ pāva̍kā na̱ḥ sara̍svatī0 || sarasvatyā idam
44.17
oṃ u̱ta nau
deva de̱vā0 || devebhya idam
44.18
oṃ juṣatā̍m̐ me̱ vāk0 || sarasvatyā idam
44.19
oṃ praṇo̍ de̱vī0 || sarasvatyai devyā
idam
44.20
oṃ ānau̍ di̱vo bṛ̍ha̱taḥ || parva̍tā̱dāsa̍rasvatī || ya̱jñatāga̍ntu ya̱jña svāhā̍ || sarasvatyā idam
44.21
oṃ juṣṭoṃ vāco
bhū̍yāsam0 || sarasvatyai devyā idam
44.22
oṃ ṛ̱cāsto̱mam̐sa̱ma̍rdhaya̱ gāya̱treṇa̍ rathanta̱ram || bṛ̱hadgā̍ya̱trava̍rtani̱ svāhā̍ || sarasvatyā
idam
44.23
oṃ co̱dayi̱trī0 || sarasvatyā̍ idam
44.24
oṃ pā̱vī̍ra̱vīka̱nyā̍ ci̱trāyu̍ḥ sara̍svatī vī̱rapa̍tnī̱ dhiya̍ṃ dhāt || gnābhi̍racchidram̐śaraṇam̐sa̱joṣā̍ du̱rādha̍ṣā gṛṇa̱te śarma̍ yam̐satu̱ svāhā̍ || sarasvatyā idam
44.25
oṃ pāva̍kā na̱ḥ0 || sarasvatyā idam
44.26
oṃ u̱ta na̍ḥ priyā̱priyāsu̍ || sa̱ptasvasā̱ suju̍ṣṭā || sara̍svatī̱ stomyā̍'bhūt || i̱mā juhvā̍nā̱ yuṣmadā namo̍bhi̱ḥ svāhā̍ || sarasvatyā
idam
44.27
oṃ prati̍sto̱mam̐sa̍rasvati̱ juṣa̍sva || tva̱ śarma̍n pri̱yata̍me̱ dadhā̍nāḥ || upa̍sthe yāma śa̱raṇaṃ na vṛkṣam̐svāhā̍ || sarasvatyā
idam
44.28
oṃ ju̱ṣatā̍ṃ me̱ vāk0 || vāca idam
44.29
oṃ yayā̍ rū̱pāṇi̍ bahu̱dhā vada̍nti || yeṣā̍m̐ha̱si de̱vāḥ pa̍ra̱me ja̱nitre̍
sā nau̍ vi̱rāḍanna̍pa̱sphura̍ntī̱ svāhā̍ || vāca idam
44.30
oṃ pra̱tam̐ma̱hi0 || sarasvatyā idam
44.31
oṃ i̱daṃ te̍ ha̱vyaṃ ghṛ̱tava̍tsarasvati
sa̱tyavā̍ce̱ prarbharemā ha̱vīm̐ṣi̍ || i̱māni̍ te du̱ritā saurbhaṃgāni || tebhi̍rvvaya̱m̐su̱margā̍saḥ syāma̱ svāhā̍ || sarasvatyā idam
44.32
oṃ
yadu̱psu te̍0 || sarasvatyā idam
44.33
oṃ yā sara̍svatī vaiśambha̱vyā || tasyā̍ me rāsva || tasyā̍ste bhakṣīya || tasyā̍ste̱ bhūyi̍ṣṭhabhājo̍
bhūyāsma̱ svāhā̍ || sarasvatyā idam
44.34
oṃ i̱yame̱va sā yā0 || vadhvā idam
44.35
oṃ yaste̱ stana̍0 || sarasvatyā
idam
44.35.p1
iti sarasvatīsūktam
Linked texts (3)
- Maitrāyaṇīsaṃhitā — Sanskrit
- Veṅkaṭeśīyaprayogamālā — Veṅkaṭeśa Jyotiṣin, Sanskrit
- Saṃhitāpadapāṭha — Sanskrit