Baudhayanaprayogamala 45
Baudhāyanaprayogamālā 45
- Language
- Sanskrit
Contents
- 45.8 — 1 part
45.1
atha śraddhāsūktam || oṃ śra̱ddhayā̱gniḥ sami̍dhyate || śra̱ddhayā̍ vindate ha̱viḥ || śra̱ddhāṃ
bhaga̍sya mū̱rdhani̍ || vaca̍sā ve̍dayāmasi̱ svāhā̍ || śraddhāyā idam
45.2
oṃ pri̱yam̐śra̍ddhe̱ dada̍taḥ || pri̱yam̐śra̍ddhe̱ didā̍sataḥ || pri̱yaṃ bho̱jeṣu̱
yajva̍su || i̱daṃ ma̍ udi̱taṃ kṛ̍dhi̱ svāhā̍ || śraddhāyā idam
45.3
oṃ yathā̍ de̱vā asu̍reṣu || śra̱ddhāmu̱greṣu̍ cakri̱re || e̱vaṃ bho̱jeṣu yajva̍su
a̱smāka̍mudi̱taṃ kṛ̍dhi̱ svāhā̍ || śraddhāyā idam
45.4
oṃ śra̱ddhāṃ de̱vā̱ yaja̍mānāḥ || vā̱yugo̍pā̱ upā̍sate || śra̱ddhām̐hṛ̱dayya̍yā̱kūtyā̍
śra̱ddhayā̍ hūyate ha̱viḥ svāhā̍ || śraddhāyā idam
45.5
oṃ śra̱ddhāṃ prā̱tarha̍vāmahe || śra̱ddhāṃ ma̱dhyandi̍na̱ṃ pari̍ || śra̱ddhām̐sūrya̍sya ni̱mruci̍
śraddhe̱ śraddhā̍pa̱yeha mā̱ svāhā̍ || śraddhāyā idam
45.6
oṃ śra̱ddhā de̱vānadhi̍ vaste || śra̱ddhā viśva̍mi̱daṃ jaga̍t || śra̱ddhāṃ kāma̍sya mā̱tara̍m
ha̱viṣā̍ vardhayāmasi̱ svāhā̍ || śraddhāyai idam
45.7
oṃ śra̱ddhayā̍ de̱vo de̱vatvama̍śnute || śraddhā̍ pra̱tiṣṭhā lo̱kasya̍ de̱vī || sā nau̍ juṣā̱ṇopeya̱jñamāgā̍t || kāma̍vatsā̱'mṛta̍ṃ duhā̍nā̱ svāhā̍ || śraddhāyai̱ idam
45.8
oṃ śraddhā de̱vī pra̍thama̱jā ṛ̱tasya̍ || viśva̍sya bha̱rtrī jaga̍taḥ prati̱ṣṭhā
tāmśra̱ddhāgṃ ha̱viṣā̍ yajāmahe || sā nau̍ lo̱kama̱mṛta̍ṃ dadhātu̱ svāhā̍ || śraddhāyai idam
45.8.p1
ityaṣṭau śraddhāsūktam
Linked texts (1)
- Veṅkaṭeśīyaprayogamālā — Veṅkaṭeśa Jyotiṣin, Sanskrit