Baudhayanaprayogamala 53
Baudhāyanaprayogamālā 53
- Language
- Sanskrit
53.1
atha aupāsanam || tasya kālanirṇayaḥ || āśvalāyanadharme 'rātrāvahani vā dānaṃ kanyāyāḥ svīkṛtairyadā || tadānīmeva
homaḥ syādvivāhasya ca siddhaye
53.2
vivāhaścedbhavedrātrau sārdhayāmadvayādadhaḥ || tadaivaupāsanaṃ kuryātkecit gṛhyavido viduḥ
53.3
nityahome
tu kālaḥ syādrātrau nāḍīnavātmakaḥ || dviguṇaḥ syādvivāhe tu pravadanti maharṣayaḥ
53.6
' iti || smārtapradīpikāyām 'rātriṃ tredhā vibhajya
ādimabhāgadvaye vivāhahoma samāptiścettadānīmevaupāsanārambhaḥ kāryaḥ, anyathā paredyureva' iti || prayogadarpaṇe 'pradoṣānto homakālaḥ' iti
sūtram || 'saṅgavāntaḥ' iti ca || 'pradoṣo navanāḍikaḥ' iti smṛteśca || śaunakastu 'paścādastamayātkālo yo bhavettrimuhūrtakaḥ
sa sāyaṃ homakālaśca pradoṣānta udāhṛtaḥ || yattu ṣaṇnāḍikaḥ kālaḥ paścāddevodayādraveḥ || sa homakālo viprāṇāṃ saṅgavānta iti smṛtaḥ'
iti || 'rātrau pradoṣo mukhyaḥ syāditi vedavido viduḥ' iti ca || ( pradoṣo = rajanīmukhaṃ ityamarakośaḥ ) || idaṃ
nityahomaparam || prathamārambhastu aṣṭādaśaghaṭikāmadhye vivāhahomasamāptiścettadānīmevaupāsanārambhaḥ, anyathā paredyureveti
ityopāsanakālanirṇayaḥ
Linked texts (1)
- Veṅkaṭeśīyaprayogamālā — Veṅkaṭeśa Jyotiṣin, Sanskrit