Pramāṇa · Search · About · API

Baudhayanaprayogamala 56

Baudhāyanaprayogamālā 56

Language
Sanskrit

56.6

atha prayogaḥ || sthālīpākahomānantaraṃ śubhe dine vadhūpraveśaṃ kuryāt || yathā || palyā'nvārabdha aupāsanāgniṃ
samāropya haste gṛhītvā, bandhujanaiḥ saha maṅgalaghoṣapurassaraṃ svagṛhaṃ gatvā, dehalyā bahirupaviśya, ācamya prāṇānāyamya, deśakālau saṅkīrtya
'mama sarvasaubhāgyaprāptyarthaṃ samastamāṅgalyaprāptyarthaṃ anayā navoḍhayā vadhvā saha gṛhapraveśaṃ kariṣye || tadaṅgatvena gaṇapatikṣetrapālavāstoṣpatipūjāṃ
kariṣye' iti saṅkalpya, gaṇapatiṃ sampūjya, kṣetrasya patinā vayamiti kṣetrapālaṃ, vāstoṣpate vāstoṣpate iti dvābhyāṃ vāstoṣpatiṃ ca dehalyāṃ
sampūjya, bhadrān grahāniti gṛhaṃ praviśya, athaināṃ kalyāṇīṃ vācaṃ vācayati 'prajāvatī paśumatī' iti || enāmānaḍuhe carmaṇyupaveśayati
'iha gāvaḥ prajāyadhvam' ityupaviśya, gaṇapatismaraṇapūrvakaṃ lakṣmīṃ grahadevatāṃ ca sampūjya, gṛhapraveśāṅgapuṇyāhaṃ kuryāt || ācamya
prāṇānāyamya, deśakālau saṅkīrtya 'anayā navoḍhayā vadhvā saha gṛhapraveśāṅgabhūtaṃ svastipuṇyāhavācanaṃ kariṣye' iti saṅkalpya, gaṇapatiṃ sampūjya,
asya gṛhapraveśakarmaṇaḥ puṇyāhaṃ svastyūddhimiti vācayitvā, prajāpatiḥ prīyatāmiti viśeṣaḥ || brāhmagān sampūjya, āśiṣo vācayet
iti gṛhapraveśaprayogaḥ

56.6-2

atha vaiśvadevārambhaḥ || yadi daśadinādarvāggṛhapraveśaḥ tadā gṛhapraveśānantaraṃ vaiśvadevārambhaḥ || daśadinātparataścet
śvaśuragṛha eva vaiśvadevaṃ kṛtvā, punaḥ kālāntaregṛhapraveśaṃ kuryāt || atra sūtram 'pañcame'hani sthālīpākahomānantaraṃ śvobhūte vaiśvadevena
pratipadyate' iti || prayogaratne 'atha daśame'hani juhuyādviśvedevā iti dvābhyām' iti || kārikāyām 'daśame'hani samprāpte vaiśvadevaṃ
tu naityakam || ārabheta tathā śrāddhaṃ matsyasyānnantare'hni vā || ṣaṣṭhe'hni vaiśvadevaṃ cetkṛṣṇapakṣe pitṛkriyā' iti || kṛṣṇapakṣe pitṛkriyā
ityanena māsiśrāddhaṃ kartavyamiti vivakṣitam || gṛhyasūtre'pi 'śvobhūte vaiśvadevena pratipadyate māsiśrāddhena cāparapakṣaḥ' iti || vivāhāt
ṣaṣṭhe'ṣṭame daśame'hni vā vaiśvadevārambhaḥ || asya vivāhaśeṣatvānnāndīśrāddhaṃ kṛtākṛtam

Linked texts (1)