Pramāṇa · Search · About · API

Baudhayanaprayogamala 57

Baudhāyanaprayogamālā 57

Language
Sanskrit

57.1

atha ṣaṣṭhe'hani prātaraupāsanāntaṃ
nityakarma kṛtvā, sapatnīkaḥ kartā pavanādikaṃ kṛtvā, gaṇapatiṃ saṃpūjya 'vaiśvadevārambhaṃ kartuṃ puṇyāhavācanaṃ kariṣye' iti saṅkalpya, vaiśvadevārambhakarmaṇaḥ puṇyāhaṃ svasti ṛddhimiti vācayitvā viśvedevāḥ prīyantāmiti viśeṣaḥ || atha sthaṇḍilollekhanādilaukikāgniṃ pratiṣṭhāpya, ājuhvāna
udbudhyasvāgna ityāropitasamidhamagnāvādhāya, prāṇānāyamya deśakālau saṃṅkīrtya 'anayā navoḍhayā vadhvā saha vaiśvadevārambhahomaṃ kariṣye,
vaiśvadevārambhahomaḥ karma ādhāravattatraṃ pañcadaśadārvidhmaḥ agnīṣomāvājyabhāgau āvasathyo nāmāgniḥ viśvedevā devatā carurhaviḥ agniḥsviṣṭakṛt
ājyasya mātravarṇikyo devatāḥ' ityādi saṅkalpya, anvādhānādyāpraṇītābhyaḥ kṛtvā, 'viśvebhyo devebhyo juṣṭaṃ nirvapāmīti carunnirūpya prokṣya,
agnimukhāntaṃ kṛtvā pakkājjuhoti || oṃ viśve̍de̱vā ṛ̱tāvṛdha̍ ṛ̱tubhi̍rhavana̱ḥ śruta̍ḥ || ju̱ṣantā̍ṃ yu̱jyaṃ paryo3vi̱śve̍de̱vāḥ śṛ̱ṇutemam̐hava̍ṃ me̱ ye
a̱ntari̍kṣe̱ ya upa̱dyavi̍ṣṭha || ye a̱gniji̍hvā u̱ta vā̱ yaja̍trā ā̱sadyā̱sminva̱rhiṣi̍ mādayadhvam̐svāhā̍ || viśvebhyo devebhya idam

57.1-2

atha
sviṣṭakṛtamavadāya 'antaḥparidhau' nidhāya, 'devakṛtasyainasa ityādibhiraṣṭau samidha ādadhāti iti dharmapraśne uktam || yathā || oṃ de̱vakṛ̍ta̱syainaso'va̱yaja̍namasi̱ svāhā̍ || agnaya idam

57.2

oṃ ma̱nu̱ṣya̍kṛta̱syaina̍so'va̱yaja̍namasi̱ svāhā̍ || agnaya idam

57.3

oṃ pi̱tṛkṛ̍ta̱syaina̍so'va̱yaja̍namasi̱ svāhā̍ || agnaya idam

57.4

oṃ ā̱tmakṛ̍ta̱syaina̍so'va̱yaja̍namasi̱ svāhā̍ || agnaya idam

57.5

oṃ a̱nyakṛ̍ta̱syaina̍so'va̱yaja̍namasi̱ svāhā̍ || agnaya idam

57.6

oṃ a̱smatkṛ̍ta̱syaina̍so'va̱yaja̍namasi̱ svāhā̍ || agnaya idam

57.7

oṃ yadivā ca̱ nakta̍ṃ
caina̍ścakṛ̱ma ta̱syāva̱yaja̍namasi̱ svāhā̍ || agnaya idam

57.8

oṃ yatsva̱panta̍śca̱ jāgra̍taścaina̍ścakṛ̱ma tasyā̍va̱yaja̍namasi̱ svāhā̍ || agnaya idam

Linked texts (1)