Baudhayanaprayogamala 64

64.p1

atha rambhāvivāhaprayogaḥ || yadā jyeṣṭhassahodaro'ndhakubjādidoṣayukto vā mahārogī
vā bhavettadā tasya rambhāvivāhaḥ kāryaḥ || yathā || vivāhoktadine rambhāmūlaṃ gatvā, tatra dehalīṃ kalpayitvā, gomayenopalipya, āsanaprāṇāyāmau kṛtvā, gaṇapatiṃ sampūjya 'rambhāvivāhaṃ kartuṃ puṇyāhavācanaṃ kariṣye' iti saṅkalpya, agniḥ prīyatāmityuktvā, prokṣaṇāntaṃ kṛtvā,
nāndīśrāddhaṃ varjayitvā, atha vastrābharaṇamālyādibhiḥ rambhāmūlamalaṅkṛtya, sthaṇḍilollekhanādyagniṃ pratiṣṭhāpya, ācamya prāṇānāyamya deśakālau
saṅkīrtya 'mama gṛhasthāśramasiddhyarthaṃ rambhāvivāhahomaṃ kariṣye' iti saṅkalpya, tatra 'yojako nāmāgniḥ agnidevatā lājā haviḥ agniḥ sviṣṭakṛt'
ityādi saṅkalpya, agnimukhāntaṃ kṛtvā, tata ekādaśopayamanīrjuhoti || agneśśardha ityekādaśabhirvivāhoktamantrairājyāhutīrhutvā, sruveṇa darvyāmupastīrya, pūrvārddhāllājānavadāya, aparārdhādavadyati, abhighārayati, pratyanakti, purastātsuvāhutiṃ hutvā 'oṃ iyannāryupaṃbrūta' iti parkaṃ hutvā,
nāmamantreṇa sviṣṭakṛtaṃ hutvā, homaśeṣaṃ samāpya brāhmaṇān bhojayet || anyadaupāsanādikaṃ na karttavyam || atha trirātraṃ vrataṃ caritvā'taḥparaṃ
tāmbūlacarvaṇādikaṃ kurvanna duṣyati || tasyāḥ prasavānantaraṃ trirātraṃ sūtakaṃ caret || tasyāśchedo'pi na kāryaḥ || iti śaunakoktarambhāvivāhaprayogaḥ samāptaḥ || iti veṅkaṭeśīyaprayogaratnamālāyāṃ vivāhaprakaraṇaṃ samāptam || ch
iti prathamasampuṭaḥ samāptaḥ
iti śrīveṅkaṭeśabhaṭṭaviracitā
baudhāyanīyaprayogaratnamālā
samāptā