Pramāṇa · Search · About · API

Baudhayanaprayogamala 8

Baudhāyanaprayogamālā 8

Language
Sanskrit

8.1

oṃ yanme̍ ā̱tmana̍ḥ0
puna̍ra̱gniḥ0 || athāmātyahomaḥ || oṃ yadde̍vā deva̱heḍa̍na̱ṃ devā̍saścakṛ̱mā va̱yam || ā̱di̱tyāstasmā̍nmāmu̱ñcata̍rtena̱ māmu̍ta̱ svāhā̍
devebhya ādityebhya idam

8.2

oṃ de̱vā̍ jīvanakā̱myā yadvā̱cā nṛta̍mūdi̱ma || a̱gnirmā̱ tasmā̱dena̍so̱ gārha̍patya̱ḥ pramu̍ñcatu du̱ritā yāni̍ cakṛ̱ma
karotu̱ māma̍ne̱na̱sg‍svāhā̍ || agnaye gārhapatyāyedam

8.3

oṃ ṛ̱tena̍ dyāvāpṛthivī ṛ̱tena̱ tvagṃ‍sarasvati || ṛ̱tānmā̍muñcatā̱gṃ‍ha̍so yada̱nyakṛ̍tamā̱ri̱ma svāhā̍ || dyāvāpṛthivībhyāgṃ‍sarasvatyā idam

8.4

oṃ sa̱jātaśagṃ‍sāduta vā̍jā̱mi śagṃ‍sājjā̱āryya̍sa̱dgaśagṃ‍sā̍duta vā̱ kanī̍yasaḥ
anā̍jñātaṃ de̱vakṛ̍ta̱ṃ yadena̱stasmā̍ttvama̱smāñjā̍tavedo mumugdhi̱ svāhā̍ || jātavedasa idam

8.5

oṃ yadvā̱cā yanmana̍sā bā̱hubhyā̍mūru̱bhyā̍ṃmaṣṭhī̱vadbhyā̱ṃg‍śiśnai̱ryadanṛ̍taṃ cakṛ̱mā va̱yam || a̱gnirmā̱ tasmā̱dena̍so gā̱rhapa̍tyaḥ pramu̍ñcatu duri̱tā yāni̍ cakṛ̱ma karotu māma̍ne̱na̱sg‍svāhā̍ || agnaye gārhapatyāya
idam

8.6

oṃ yaddhastā̍bhyāṃ ca̱kṛra kilbi̍ṣāṇ‍ya̱kṣāṇā̱ṃ vṛ̱mumu̍paji̱ghnamāna̍ḥ || dū̱re̱pa̱śyā ca̍ rāṣṭra̱bhṛcca̱ tānya̍psa̱rasā̱vanu̍dattāmṛ̱ṇāni̱ svāhā̍
dūre paśyāyai rāṣṭrabhṛte'psarobhyāmidam

8.7

oṃ adī̍nyanṛ̱ṇaṃ yada̱haṃ ca̱kāra̱ yadvā dā̱syantsaṅja̱gārā̱ jane̍bhyaḥ || a̱gnirmā̱ tasmā̱ .... svāhā̍
agnaye gārhapatyāyedam

8.8

oṃ yanma̱āryyaṃ mā̱tā garbhai̍ su̱tyena̍śca̱kāra̱ yatpi̱tā || a̱gnirmā̱ tasmā̱ .... svāhā̍ || agnaye gārhapatyāyedam

8.9

oṃ yadā̍ pi̱peṣa̍ mā̱tara̍ṃ pi̱tara̍ṃ pu̱traḥ pramu̍di̱to dhayan̍ || ahi̍g‍sitau pi̱tarau̍ mayā̱ tattada̍gne anu̱ṇo bha̍vā̱myi svāhā̍ || agnaya idam

8.10

oṃ
yada̱ntari̍kṣaṃ pṛ̍thi̱vīmu̱tadyāṃ yanmā̱tara̍ṃ pi̱tara̍ṃ vā jihi̱g‍sima̍ || a̱gnirmā̱ tasmā̱ .... svāhā̍ || agnaye gārhapatyāyedam

8.11

oṃ yadā̱śasā̍
ni̱śasā̱ yatpa̍rā̱śasā̍ || yadena̍ścakṛ̱mā nūta̍na̱ṃ yatpu̍rā̱ṇam || a̱gnirmā̱ tasmā̱ .... svāhā̍ || agnaye gārhapatyāyedam

8.12

oṃ ati̍krāmāmi
duri̱taṃ yadai̍no jahā̍mi ri̱praṃ pa̍ra̱me sa̱dhasthe̍ || yatra̱ yanti̍ su̱kṛto̱ nāpi̍ duṣkṛta̱stamāro̍hāmi su̱kṛtā̱ṃ nu lo̱kagṃ‍svāhā̍ || agnaye sukṛtāllokāya
idam

8.13

oṃ tri̱te de̱vā aṃmṛjataitadena̍strita e̱tanma̍nu̱ṣye̍ṣu mā mṛje || tato̍ mayi̱ yadi̱ kiñci̱dānṛ̱śagṃso'gnirmā̱ tasmā̱ .... svāhā̍ || agnaye
gārhapatyāyedam

8.14

oṃ di̱vi jā̱tā a̱psu jā̱tā yā jā̱tā oṣa̍dhībhyaḥ || atho̱ yā a̱gnijā āpa̱stāne̍śundhantu śundha̍nīḥ svāhā̍
adbhyaḥ śundhanībhya idam

8.15

oṃ yadāpo̱ naktai̍ duri̱taṃ carā̍ma̱ yadvā̱ divā̱ nūta̍na̱ṃ yatpu̍rā̱ṇam || hira̍ṇyavarṇā̱stata̱ utpa̍nī̱ta na̱ḥ svāhā̍
adbhyo hiraṇyavarṇābhya idam

8.16

oṃ ima̍ṃ me varuṇa śrudhī̱hava̍ma̱dyācaṃ mṛḍaya || tvāma̍va̱syurāca̍ke̱ svāhā̍ || varuṇāyedam

8.17

oṃ
tattvā̍yāmi̱ brahma̍ṇā̱ vanda̍māna̱stadāśā̍ste̱ yaja̍māno ha̱virbhi̍ḥ || ahe̍ḍamāno varuṇe̱ha bo̱dhyuru̍śam̐sa̱ mā na̱ āyu̱ḥ pramo̍ṣīḥ svāhā̍ || varuṇāya
idam

8.18

oṃ tvanno̍ agne̱ varu̍ṇasya vi̱dvāndevasya̱ heḍo'va̍yāsisīṣṭhāḥ || yaji̍ṣṭho vahnitamaḥ śośu̍cāno̱ viśvā̱dveṣā̍ṃsi̱ pramu̍mugdhya̱smat
svāhā̍ || agnivaruṇābhyāmidam

8.19

oṃ sa tvanno̍ agne'va̱mo bha̍vo̱tī nedi̍ṣṭho a̱syā u̱ṣaso̱ vyu̍ṣṭau || ava̍ yakṣvano̱ varu̍ṇam̐ rarā̍ṇo vī̱hi
mṛ̱ḍīka̍m̐su̱havo̍ na edhi̱ svāhā̍ || agnivaruṇābhyāmidam

8.20

oṃ tvama̍gne a̱yāsya̱yāsananma̍nasā hi̱taḥ || a̱yāsantha̱vyamūhū̍hiṣe'yāno̍ dhehi
bheṣa̱jam̐svāhā̍ || agnaye ayasa idam

8.21

oṃ prajā̍pate̱ na tvade̱tānya̱nyo viśvā̍ jā̱tāni̱ pari̱tā ba̍bhūva || yatkā̍māste juhu̱mastanno̍ astu
va̱yam̐syā̍ma̱ pata̍yo rayī̱ṇām̐svāhā̍ || prajāpataya idam

Linked texts (6)